ظلال الحب (روايه قطريه )

[شموخ قطر]

السلام عليكم
انا عضوه جديده هنا واتمنى انه القى استحسان في منتداكم
وتلقى روايتي صدى طيب في هذا الصرح الكبير :icon30:
وراح انزلها على بارتات
واتمنى تعجبكم واشوف تواصلكم :8856:

[أريج الورد]

حياج الله ياشموخ في منتدانا الجميل والاجمل انضمامج لنا


ان شاء الله مانخيب ظنج ونتواصل معاج


حياج الله يالغلا

[شموخ قطر]

بنات هالروايه عايشه داخلهم طفوله وبرأه وحب للحياة وراح اسرد لكم هالقصه
واتمنى تعيشون مع روايتي أجوائها بحلاوتها ومره

بطلتنا اسمها (( العنود)) وباقي شخصيتنا بتعرفونها مع سردي لأحداث هذي القصه


اليوم الاحد التاريخ 11-1-2007 الساعه 11 الظهر شله بنات جالسين ضحك وقهقهات عاليه وريحة النسكافيه والدونت الحاره والجو البارد وصوت دافي يغني

لــ أبو نوره :
اشتكي لوسادتي دنياي واسمعها تنوح
كنها بعضي وبعضي وينهو منهو معه

آآه ياجود الحزن وياي وفي الفرحه شحوح
ضايع(ن) بهمومي الغبره بوسط المعمعه

واسمحيلي يالغرام .........


لبنه :يسلم هاصوووت دنتي بنت صوتك توووحفه

شيخه : اسم الله على بنت خالتي صكتها هالمصريه بعين العنود يعورج شي؟؟؟؟ ترى هالمصريه ما تعطي خير تذكرين القلاده نتفتها لي راحت العنود ياخاله أم سعود راحت بنتج>>>>> العنود وشيخه بنات الخاله
بنات :ههههههههههههههههههههههههههههههههههههههههههه
شيخه :ملل ملل قاتل امشوا انروح فيلاجيو المحاضره الثانيه الساعه 3 واللحين 11 خلونا نتغداء ونرجع بنات يله
لبنه : لا لسه باقي لي أنا محاظره استنوني عيب عليكم >>>>> مصريه مواليد الدوحه
شيخه :واحنا بنستناكي انشاء الله لا يا أمي انسي انا طفشانه ابي اروح اشم هواء قبل ليجي اخوي المصك وياخذني للبيت 
العنود :طيب يا شيخوه وين روح فيلاجيو ؟؟
طرفه <<<< مطوعة الشله :لا خلونا نروح الكفتريا اللي في المبنى الثاني بنات اخاف حد من عيال عمي يشوفنا
شيخه :لو سمحتي لو انتي خايفه انثبري مكانج انا مالي خلق افلام هنديه مع عيال عمج ولا قبيلتكم المتحجره هذي
العنود : يله نطلع بنات انا كلمت اليمو <<<<< ليموزين

طلعوا البنات معاهم طرفه ولبنه اللي في البدايه اعتذروا راحوا لفيلاجيو

وقي فيلاجيو
شيخه :بنات ياحلات هالجينز شوفي طروف طرفه وصمخ شوفي عيونج تتلاقط برا يلعن ابو الخوف كل هذا ذل من هلج
طرفه :ياختي انتي ماجربتي العقال على جنبس ولا عرفتي ياذا الحظريه السايبه
شيخه :بل عقال مره وحده
لبنه :ايه ده بصي يا شيخوه حاقه جنان بصي البدي يخبل علي مب شديه
شيخه :يا شينج ((( مب شديه )) يقولون مب جذيه
العنود :بنات بنات طررررووووف شيخوووه لبنوه تعالو <<<<<< تصوت عليهم من غرفة الملابس
البنات :واااااااااااااااااااااااااااااااااااااااااااااااا اااااااو
شيخوه : يابختج يا عندوه كل شي عليج يخبل يختي انا لو ذا الكريشه انا بخير
لبنه :بصي ياشيخوه لو انا اللي اولت كده كان طأتيني وأولتي انتي بنت نضاله
طرفه :العنود دشي شوي داخل خبله واقفه في الممر
العنود: يااااااااا عزيزتي اللحين ما فيه حد في المجمع فاااااااضي
طرفه : بدلي طيب خلينا نمشي نطفح ونرجع يله بنات
راحوا البنات بأحدى المطاعم اللي بالمجمع وطبعاً شيخه ولبنه نسوان رجل طول القعده خنااااااااااااااق وهواش
العنود رن جوالها :ألووووو مرحبا هلا دانه أي انا في فيلاجيو خير وانتي شدراج
اها طيب سلمي عليه بااااااي وصكرت الخط بعصبيه

شيخه : شصار لج دخني مره وحده ؟؟؟؟؟؟؟؟
العنود :دانه بنت عمي سلمان تقول عزوز اخوها داق عليها يقول دقي على العنود واسأليها هي اللي في فيلاجيو
قلت لها اي وسلمي عليه

شيخه :طيب وين العصبيه في الموضوع
العنود :اسلوبها ينرفز ياربي كيف هذا ولد عمي دانه حبوبه بس دام هذا اخوها انا اكرهم
شيخه :اذكري ربج
العنود لا أله الا الله محمد رسول الله ياربي صبرني على هالعايله
طرفه :ياربي خلصونا انا شبعت
العنود:طيب طيب قمنا بنات
لبنه:طيب انا عوزه حلو احلي بعد الاكل
شيخه:يالله يابنت العز لازم تحلي اقول قومي لا ارفسج رفسه الا انتي بالجامعه قومي يا ام الحلو قال تحلي قال ههاي قومي يله
طرفه: ياربي فضحتونا اصواتنا عوره قومن بسكات
العنود تنبش بشنطتها الا بصوت غليظ فيه من الحده يقول لها الشيخه المفروض هالوقت تكونين بالجامعه
تشنجت اطرافها وتمت عيونها بالأرض مصدومه من الصوت هذا هو أي هو عبدالعزيز بن سلمان الـــــ..... ولد عمي
التفتت بكل برود العنود:خير الشيخ ؟؟؟
عبدالعزيز:أظن سمعتيني يا بنت عمي !
العنود : والخوف بدى يغزي اطرافها أي سمعت بس انت شعليك اكون هنيه ولا هناك انا حره يا ولد العم
عبدالعزيز والشرار بدى يطلع من عيونه ويصك بيده لين بينت عروقه كأنه تزيده شحنة غضب على اللي قدامه
: أقول خمي ثرج وروحي جامعتج وعن التسكع لا تشوفين شي ماشفتيه يا عنود
العنود :والخوف تمكن من قلبها قالت له طيب انا طالعه اصلن لانه مو عد المحاظره قرب ترى مهب خوف ياللي عامل فيها بودي قارد بس تدري مب شينه انك تكون بودي قاردي >>>>>> تبي تزتفزه
عبدالعزيز : يحس بطعم الدم في اسنانه من الغيظ اقول اطلعي لا اخليج تتحسفين انج دخلتي ذا المجمع ودليتي طريقه
العنود :طيب طيب بشويش على اعصابك ههههههههههههههههههههه طالعه بمزااااااااااج مب خوف >>>>> كذابه ميته من الخووووف

راحت قدام عندالبنات اللي يطالعون الأحداث من بعيد عند الباب
شيخوه : عنود والله انا قلت بينتفج
طرفه :عنبو غيرس انتي ما تستحين واقفه اداحرين الرجال
لبنه: بت بت العنود من القمر اللي كان معاكي حرام حد بيتخانق مع واد زي ده ياخرابي بصي يالهوي حيغمى عليه انا عوزه واحد زي ده
العنود :اخذيه وفوقه بوسه مني وافلوس اذا تبين
شيخه :يا أم الكشري الحين ما حلا في عينج الا عبدالعزيز صج صج عندج طموووح
طرفه :استغفرك يارب واتوب اليك ياربي لاتعاقبني هذولا خبلان اما انا ياربي خايفتن من عقابك وحده اداحر الرجال وتراددده ووحده تتغزل فيه ياويل حالي انا وش مجيبني
العنود :بنات انا بروح البيت نفسيتي تعبانه اخاف هالمجنون يخبر ابوي ولا اخوي سعود
شيخه :يخسي الا هو انا اشهد انه كنا في الجامعه وهو يكذب
طرفه :ياربي بعد شاهدات زووور لا لا هذا واااااااجد علي انا معادني بظاهره وياكن وانتي يا سودة الوجه يا شيخوه ان عاد سمعتس تقولين ملل لا اطر بطنس

وصلو البنات الجامعه وغطوا على غياب العنود اللي بعد مانزلوا البنات كلمت السايق وراحت للبيت وانهارت من البكي لين ناااااامت من التعب


الساعه 5 المساء في بيت العنود

صوووت ضربات الباب قويه وصوت ابو سعود العنوووووووووووود العنوووووووووووووووود
نطت العنود من فراشها متخرعه لا يكون فيه شي لايكون خبرهم عبدالعزيز بشي؟؟؟؟

اجمعت العنود قواها وقامت تفتح الباب
العنود :يبه هلا ((وقبلت راس ابوها))
ابو سعود: يابنتي اللي تسوينه غلط
العنود : تمت ساكته وتطالع ابوها بذهول تنتظر وشهو الغلط
ابو سعود:العنود يابنتي ما يصير كذا تاركه امج بروحها تحت تناظر الطوف وانتي نايمه ولا تسألين عنها جيتي من الجامعه ولا تغديتي معها لا وانا ابوج غلط صحتج وادري خاطري امج وبسج ارقاد لا صلاه وعباده غير راقده وبس
العنود :حست انه ماي بارد انكب عليها
سم يبه انا اللحين نازله وراك بس لاتزعل كم شايب مزيون عندنا مابه الا انت
ابو سعود: يالسانج الحلو طالعه على امج
العنود: هذا اللي يسمونه الغزل بيه
وصكت الباب خافت من ردت فعل ابوها
بس ابو اسعود تم يبتسم من حركة بنته الطفوليه وراح يتوضى ويستعد حق صلاة المغرب
العنود: دشت وانتوا بكرامه الحمام خذت شور سريع وتوضأت وصلت وقررت انها تبدل تبي تكشخ
طلعت لها جينز لو وست وتي شيرت كم طويل وهاي نك لونه أحمر وتكحلت وحطت قلوس بلون الكرز
وتعطرت
أم سعود : يالله بالعافيه تو الناس وانا امج
العنود :لبيه الزعلان وجات في اتجاه امها وهي تغني الحلوه زعلانه من يراضيها انا اراضيها وبروحي افديها
ام سعود الله يخليج لي يا شمعت البيت انتي
العنود يابختي انا من قدي انا فديت امي اانا
ام سعود الله يهديج كل كلمه عليها اغنيه
العنود :يمه حدبيجي اليوم صوبنا قهوه وشاي وكيك وفطاير وحركات يا ام سعود
ام سعود : أي حبيبتي اليوم مرت عمج سلمان وبناتها ومرت ولدها بيجون صوبنا
العنود : زين اني كشخت
ام سعود : أي وانا امج خليها ام خليفه تتحلى عليج وتشوفج يمكن يجون رسمي عشان خطبتج مع عبدالعزيز
العنود :يمه قسم بالله هذي السالفه طالت وامصخت انا هذا ما ابيه خلاص يايمه من عافني عفته
وصدقيني لو يغطيني ذهب من راسي لين رجلي ما خذته كرامتي يا يمه اهون عليج وتمت ام سعود ساكته ما ردت انكسر خاطرها على العنود وارحمت حالها ونظرة الانكسار في عين العنود اللي كسر قلبها حبيبها وولد عمها عبدالعزيز
جرحها نعم آلمها نعم بس تكرهه هيهات هالقلب يترك حبه لعبدالعزيز كأنه قلبها ضدها لو تقدر تنتزعه من مكانه وتتخلص من لعنة حبه
مر شريط الذكريات قدام عيونها يوم كان يفضي عبدالعزيز المكان لها عشان تلعب لوحدها لما كان يروح للبقاله عشان يشتري لها بحكم انه اكبر منها 9 سنوات
بس كانت تشوفه هو اللي يوقف في ظهرها لا تجيها ظربات الزمن على غفله
بس هو تغافلها وطعنها في الظهر نعم طفله على الحب بس كانت ترسم ملامح حياتها معاه بس انهى بأنانيته كل شي

ام سعود :العنوووووود يمه فديتج شبلاج
العنود : بعيون شارد وفيها بكي وحكي لا فديت روحج يمه انا بس مصطله شوي ما تقهويت وانا توني قايمه من النوم
ام سعود :يالبيه يا عنودي وتصوت ام سعود على الخدامه ((سوماااااااااااااااا سوووووووومااااااا ))
جيبي نسكافيه حق بنيتي
وقامة العنود وانثرت شعرها اللي واصل لي تحت خصرها تحاول تنثر وراه كل الافكار والذكريات المره
مهما كانت حلوه بس لها مراره بلحق لما تنحكى
شوي والا بصوت سياره عند الباب العنود قامت من كرسيها تحاول تشوف من بس السيارة رنج اسود مظلل كامل ؟؟؟

العنود : من يمه سيارته رنج اسود ؟؟؟؟؟؟؟؟؟
ام سعود : ما ادري يمه بس سيارة اخوج سعود في الوكاله يمكن جاي بسيارة حد من ربعه
العنود : اااااااااااااااااخ ياربي شنو هالحظ وبحركه سريعه ردت الباب بسرعه وبصوت يرتجف حيالله بخالتي ام خليفه مرحبا تفضلوا
ودخلت ام خليفه واللي معاها طبعاً دانه زعلانه من حركة العنود لما سكرت في ويها
دخلوا الجماعه بس دانه تمت واقفه اطالع العنود بنظرة عتب راحت العنود لمتها
العنود يزعل العالم ولا تزعل حبيبتي دندونه
دانه : قولي قسم عاد انا تسكرين في ويهي يادبه زين ما ادوس في بطنج اليوم
العنود : انزين دشي الصاله الصغيره خلي الحريم مع بعض بالمجلس
دانه : لا حبيبتي انتي دشي نادي امج عبدالعزيز يبي يسلم عليها
العنود : شعنده واصل اخوج اليوم
دانه : بعد لعلي اراهم او ارى من يراهم ههههههههههههههههههههههه
العنود : انطمي يعلج العافيه صج سخيفه بروح انادي امي
العنود :يممممممممممممممه يممممه
ام سعود :هلا يمه خير ؟
العنود : يمه ولد عمي يبي يسلم عليج برا
ام سعود: فديت خليفه واصل بالارحام
العنود: لا يمه عبدالعزيز
ام خليفه : خليفه مسافر يا ام سعود راح يعرض تقارير مريم برا
ام سعود : ياعله يرجع سالم لاهله ومرته ويرزقهم بالخلف الصالح
ام سعود البست عبايتها وراحت تسلم على عبدالعزيز اللي متشخص وريحت دهن العود فايحه منه وكان لابس ثوب اسود وغتره شال كان الجو باااااااااارد ولما اطلعت له ام سعود سلم عليها وسأل عن العيال قالت له انهم في المجلس وستأذن منها وراح للرجال بالمجلس
اما في مجلس الحريم

دانه : العنود خلينا نروح غرفتج احس السوالف مللتني
العنود : طيب انطري شوي ونقوم
أم سعود : الا يا أم خليفه ما علمتيني وش تقارير مريم اللي موديها خليفه
ام خليفه : تقارير مريم اللي من المستشفى يقولون انه اذا الوحده تمت 5 سنوات ما حملت يرسلون تقاريرها برا بس خليفه مستعجل راح اهوا بنفسه يخلص الاوراق
مريم : والله ياأم سعود كل شي بيد رب العالمين بس خليفه ملهوف
ام خليفه ملهوف؟؟ وانتي لايمته هذا 3 اسقاط لج وانتوا متزوجين من 7 سنوات شلون ما يصير ملهوف
مريم انسانه هاااااديه الطبع الله بلاها بأنه الاطفال ما يعشون لها من تدخل 3 شهور يموت
وبس الله عطها رجال موت في ثراها مريم جمالها طبيعي يعني بنت كيوت شعر كاريه بني بشره بيضه بيبي فيس على مايقولون
العنود حست بغصت مريم : ميمي ياقلبي تعالي بوريج الملابس اللي جابها اخوي نايف لي
نايف اخو العنود الوسطي يدرس في كندا واخوها الصغير علي بثاني ثنوي وسعود الكبير طبعاً
قاموا البنات فوق ومريم كاتمه العبره
العنود : دانه تعالي عاونيني انزل الصندوق
دانه : يااربي مثقله
العنود: طيب شوفي اول واحكمي يستاهل ولا لاء ؟
العنود حست انه مريم فيها شي وهي توريهم الاغراض دانه انهبلت من الشوز والبديات والميك اب
العنود: مريم !!! لا تضايقين من كلامهم نرى الحريم الكبار كذا يقطون الكلام بس بدون قصد
مريم انفجرت بكى : لا يا العنود الناس تتكلم ها مابه شي بطريق انا ويش اسوي انا عايفه الاولاد انا متشفقه لي على طفل يقولي يا ماما ويقول لخليفه يايبه العنود انا احب خليفه بس الله مو كاتب انا اموت من اشوف اللي معرسين معي عندهم 3 او 4 انا بشر ياناس ارحموني كلامهم يقطعني واموت لما اشوف خليفه يحضن طفل مو من صلبه يلعب معه العنود و دانه منصدمين من انهيار مريم وغرقت مريم بدموعه اللي تلونت بلون كحلها
في صالة الحريم
أم سعود : يا أم خليفه اقعدي للعشى !!! ترى ماينشبع منج وانا وخيتج
ام خليفه لا فديتج انا بروح وراي موعد ابرة السكر ما خذتها
خلي احد يصوت لي على مريم ودانه
ام سعود : ابشري (( سوووووما )) تعالي روحي نادي بنت فوق
سوما : ماما العنود يقول اذا انا ريحه طبخ انا ما يطلع فوق ماما انا شنو سوي بنت مال انتي عوبه
ام سعود : الله يقطع هاللسان روحي قولي ماما قالت لي
سوما : جين ماما انتي مسؤول
راحت سوما الشغاله ونادت البنات ونزلوا بعد ما العنود هدت مريم وخلتها تفرفش
العنود : متى بيجي رجلج مريم ؟؟
مريم : بكره الساعه 10 بالليل !! ليش
العنود : جهزتي شي ؟
مريم : لا اجهز ايش
العنود : حركاتكم انتو وتغمز لها
مريم كانت بطيح من الدرج من كثر الحياء
اضحكوا عليها البنات ((ههههههههههههههههههههههههههههههههههه))
العنود : خلاص اجل خلي ترتيب الغرفه واللذي منه علي وببيض وجهج
دانه خلاص وانا بعد بساعدكم
مريم : وخدودها حمرت طيب طيب انزلوا اللحين وبينا الو
وطلعوا بيت أم خليفه الساعه 8 ونص
وراحت العنود تشوف موبايلها
الا البنات مقجرينه لها و5 مسجات من شيخه 3 مسجات من طرفه و اتصال من لبنه
العنود : الووووووو السلام عليكم يا أم الزين
شيخه : شدعوه متصلين الديوان الاميري عشان حضرتج تردين ؟؟
العنود : خخخخخخخخخخخخخخخخخ لا فديتج امري شهالتصالات والمسجات
شيخه : يالبقره باجر عيد ميلاد ظبيه وما خذت لها شي
العنود : ويه طيب خلاص انا عندي علبة مكياج ماركه شانيل ما بطلتها مع عطر بغلفها وبعطيها ما يمدي نطلع الساعه بتصير 9
شيخه : خلاص عيل انا بطلع اخذ لها شي من فيسز وبرجع ادق لج الا تعالي ليش مارديتي
العنود : بينت عمي سلمان كانوا عندنا
شيخه : كذاااااااااااابه يخطبون الله وناسه متى الخطوبه وين الحفله يختي شفصل ووين افصل
العنود : هي انتي يا رجه مخج فيه شي ؟؟؟؟؟؟؟؟ انا اقولج زارونا الله يخلف عليج
شيخه : أي أي زياره على الطاير ؟؟
العنود : أي وياليتهم ما جوا شيخوه تتوقعين من جابهم وانا نطيت في وجهه كني بومه
شيخه : من ؟؟؟ لا لا لا لا تقولين
العنود : والله ياشيخاني بغيت اموت من الفشيله
شيخه : جب جب فشيله أي فشيله وانتي اليوم الظهر اداحرين الريال في المجمع
العنود : شيخوه انتي انسانه فاضيه وانا غلطانه اقعد اسولف معاج تدرين صكي بكلم طروف ولبنه انتي يله طيري
بااااااااااااااااااااااااااي يا قمر
وصكت الخط بوجهه شيخه وهي تتنهد ودقت على طرفه مسكر <<<<<<<<< حركات البدو من الساعه 8 يغلق الهاتف وراحت تدق على لبنه ماترد
نزلت تعشت مع امها وطلعت غرفتها
تسترجع اللي صار اليوم تشوفه مرتين وتتكلم معاه تذكرت السالفه اللي ابعدته عنها وتنهدت ليتك ما غلطت يا عبدالعزيز اخ كنت اقرب لي من وريدي كنت اتنفسك كنت اتخيلك لكن غدرت بحبي لك
وغفت عينها على وسادتها اللي تضم دموعها واسرارها



الساعه 6:30 ص يوم الأثنين : صوت المنبه يرن العنود من كثر ما الجو بارد مو قادره ترفع ايدها تطفيه وبعد ما رن المنبه لين ماسكت ورن ثاني وثالث كانت الساعه 7 نطت عنود من الفراش وهي مختبصه

((( الجااااااااااااااااامعه ))) محاظراتي
وبلمح البصر دشت خذت لها شور داااااااافي ولبست جينز ( سكني ) كحلي غااامق ومعاه كنزه فوشيه
ونشفت شعرها بسرعه وارفعته بكلبس كحلي ولبست عبايتها وشيلتها والصندل بالأيد مع الشنطه الكحليه الجينز
وركض على الدرج
سلمت وطلعت على طووووووووووووووول
ام سعود : العنود تعالي العنوووووووود >>>>>>> لاحياة لمن تنادي

اركبت العنود سيارتها الكدلك متجهه الى الجامعه رن موبايلها
العنود : صباحوووووو يا حلو
شيخه : هلا عنودي وينج ؟ ساعه انطرج المحاظره بعد ربع ساعه
العنود : يا ماما راحت علي نومه زين لحقت يله دقايق وجايه لا تدخلون لين اجي البنات جوا
شيخه :أي يا قلبي كلهم هنا وفي خبر حلووووو تعالي بنعلمج
العنود : خير !!!
شيخه : يالملقوفه تعالي وبتعرفين
العنود طيبه جايه
العنود بعد 10 دقايق وصلت الجامعه وكانت تمشي بخطوات سريعه كان شكلها رسمي نضاره سوووده LV
والقلوس اللي حطته بسياره كان وردي وخدودها حمررره من البرد بس كانوا البنات اللي بالممر يتكلمون عنها بشينه اسمعتهم بس طنشت لين اطلعت لها وحده من البنات
اقول سوق الجمعه قام يجيب ملابس نظيفه <<<<<< (( احدى البنات اللي لهم عداوه مع العنود من ايام الثانويه )) واسمها انجود كانت من عايله غنيه جداً جداً يعني طبقه مخمليه
العنود استوقفتها هالكلمه : وبظره حااااااده منها ((( شفتي كيف عاد السوق اللي لبسك لبسنا يا انجود ))
وجدي الله يرحمه قالي حكمه ما كنت اعرف معناها بس اليوم عرفتها تدرين وشهي ((( القافله تسير والهو هو هو )) مافي داعي اكمل لاني ارقى من اني افتح نقاش مع وحده تافهه مثلك يا تشاااااااااااو
انجود : انا بوريك انا الهوهو انا ؟؟؟ طيب يالعنود ان ماحرقت قلبك وكرهتك بالجامعه
العنود : ياماما خفت قالت هالكلام وهي معطه انجود ظهرها وتتمخطر يمين وشمال تبي تنرفزها
دخلت المحاظره متأخره بس الدكتور مالاحظ تأخره كان توه فاتح سجل الحظور والانصراف المهم راحت جلست جمب شيخه بنت خالتها كانت متحمسه تبي تعرف السالفه اكتبت على ورقة النوت اللي قدامها
العنود : شيخه شسالفه ؟؟؟ شنو الخبر
شيخه ردت بنفس الطريقه كتبت على النوت : ملكة طرووووف يوم الخميس
العنود: وبصوت مسموع كذااااااااااااااااااابه
الدكتور زهري :: يابنت انتي اطلعي برااااااااا اخ منك يالعنود مغلباني برا انتي وشيخه >>>>> الدكتور سوداني
شيخه : يادكتور روق وهد اعصابك وتوبه ما تعيدها
الدكتور : طيب اجلسي بعيد عنها انا مارايق ليكم
العنود وشيخه : انشاء الله
بس ما جازوا كملوها مسجات موبايل لين خلصت المحاضره بعد عناء طلعوا للكفتريا الشله لبنه وطرفه والثنائي شيخه والعنود
العنود : طروووووف فديتج بتعرسين يا بعد جبدي والله عرروستنا البدويه
شيخه : أي والله بس تتوقعين من بياخذها ؟؟؟
طرفه : شيخوووه جعلس الطرم اقصري صوتس فضحتينا في الحرم الجامعي جعلس العمي الكل ترا بي
شيخه :لا لا طروووف الألفاظ هذي انسيها بليز انتي اللحين بتاخذين واحد هاي كلاس بليز هاه عشاني غير الألفاظ
طرفه والله مهوب كيفس ولا بكيفه يبغاني كذا يامرحبا ما بغاني محدن اجبره تسمعيني يا ام الاالفاظ انتي
لبنه :يخرابي شيخوه دي لو ما لقتش حد تتهاوش معاه تتهاوش مع ذبان وشها
شيخه : اسكتي انتي كلام منكس خليجي على مصري على مدري وشو قاموس خاص لج انتي
العنود : طرفه !!
العنود وعيونها كلها ادموع قامت ولمت رفيقة دراستها من 10 سنوات وهم سوى ما اول اعدادي وهم نفس الشله
واللحين أخر سنه بالجامعه ياااااااااالله صج السنين تركض
راحوا البنات كل وحده طلعت اللي بخاطرها من بكى وضحك ووناسه وقعدوا يتناقشون عن اللبس والميك آب واللذي منه يعني التحضيرات اللازمه
وبعد الساعه 12 خلصت المحاضرات وطلعوا البنات من الجامعه واتفقوا يوم الاربعاء يرحون السوق عشان يجهزون للملكه

العنود طول الدرب للبيت تسمع

لعبدالمجيد عبدالله

بريحك مني خلاص واغيب عن عينك
مادام هذي رغبتك لازم احققها
وبطلب طلب الله لا يهينك قلي أحبك حبيبي
خاطري اسمعها
اطلعت تنهيده قويه منها تحاول تخفي حزنها وصلت للبيت بعد ما تغدت جلست مع سعود اخوها العود وعلي الصغير وامها وابوها
العنود : باباتي تبي شاي
سعود: ياشين الدلع
العنود: باباتي شوفه شيقول
ابو سعود :ماعليج منه غيره وانا ابوج تدلعي ولا يهمج دامي حي
العنود: ياعل عمرك طويل يانظر عيني
ام سعود : اعقلي يابنت ولاتتهاوشين مع اخوج راسي يعورني
العنود : ام سعود هذي غيره >>>> وتغمز عينها خلاص ماني بقايله شي
ام سعود : اقعدي بس خليني اكلم سعود ماعندج سالفه ،، يمه سعود
سعود: لبيه
ام سعود : يمه تذكر السالفه اللي قلت لك عنها !! وتغمز له هاه تذكر وانا امك
العنود: السالفه والسالفه قولي له عن الخطبه وخلاص يعني ما ندري علاوي حبيبي اخوك بيتزوج وبنرتاح منه
علي : اللي كان مشغول بالقيم بوي اللي بيده (( الله كريم واخذ ملحقه ))
العنود : ياتفكيرك المادي
ام سعود : أي بخطب لوليدي عيل اخليه كذا هاه وانا امك شقلت
سعود : يصير خير
أم سعود : طيب من في بالك
العنود تذكرت شيخه : يمه ليه تروحين بعيد شيخه بنت خالتي شبلاها ماتشتكي من شي طيبه وحبوبه وجميله ومنا وفينا
سعود : لا لا كله ولا هذي الرجه شيخوه هذي عقلها ناقص اللهم لك الحمد والشكر انا ظابط ورزه واخذ لي هاخبله
العنود تحمد ربها انه شيخه ماسمعت هالكلام ولا ماتت مكانها : الله يهداك ياسعود البنت شاريتنا
سعود : لا شيخه لا انا مستعد اتزوج بس شيخه لا انا ما سويت شي في دنيتي عشان تزوجوني شيخه الخبله
العنود: لو سمحت هي عاقله واعقل منك بس تدري انت اخسران اذا ما خذت وحده مثل شيخه وهي خساره فيك لانك ما تستاهلها
وطلعت العنود فوق والدم فار في راسها ليش ياربي انا ورفيقة دربي واختي اللي ماجابتها امي نصيبها مثل نصيبي
شيخه تحبه وهو مستخف بأهتمامها تحاول تكون ظريفه وتنكت عشان ادش قلبه بس ما توقعتك ياسعود انا ني اه ثم اه على حظج يا شيخه والله انج شيختهم بس ما عنده نظر

خذت العنود لها غفوه ليل الساعه 4 العصر قامت تكشخت <<<<<بتروح بيت عمها سلمان عشان مريم
لبست بنطلون اسود وبدي هاي نك ابيض واسود وعلقت على احلى رقبه قلايد لولو مع حلق لولو وخاتها >>>> من هدايا اخوها نايف وحطت كحل اسود داخل عيونها النجلا وحطت قلوس لونه وردي فاااااااااتح وبلاشر وردي ورفعت شعرها بشكل فوضوي ونزلت غرتها على جبينها وصارت راضيه عن النتيجه ((( جمال مبهر ))
طلعت من البيت بعد مااستأذنت من الماما
وهي على الدرب
العنود :الوووووووووووو دندونه حبي انا جايه لكم على الدرب هل من غريب في دياركم
دانه : لا مامن غريب مافيه الا انا ومريوم نطالع المسلسل
العنود : طيب القهوه لاني قعدت من النوم وجيتكم دايركت
دانه: موجوده فديتج بس تعالي لا تروحين الصالـــــــــ ......... طوطوططوووطط ياربي هالخبله تنطر زين بقولها لاتروح الصاله اللي داخل تجي منا لاحول الله
مريم: طيب يعني بتروح هناك مب لاقيه احد بتجي هنا
دانه: أي والله صاجه خليها تسوي رياضه هههههههههههه
مريم: حرام مسكينه أي رياضه بطن مالها مضمر وجوعاني الخصر يشكي انكساره على الردفين يعني البنت جسمها متناسق
دانه : بسم الله فصفصتيها مريوم ؟؟
مريم :اسكتي ابغي اتابع المسلسل
دانه طيب
العنود وصلت وكانت تمشي بغرور مشيت الطاوس اللي ظاهرها كبرياء بس باطنها نااااااااااااار وانكسااااااااار اخ ياعبدالعزيز هنا ضحكنا هنا طحت ومحد سمى على الا انت اخ عجلت بالخطوات عشان ماتشوف مكان انولدت فيه منها اصدق مشاعر
دشت الصاله اللي بوسط البيت
العنود: يو يو يو السلام عليكم .............. اممممم بنات وينكم ؟؟؟ يا خاله وينج السلام عليكم
ولا فيه احد يجاوب ، اها اكيد بصاله الثانيه برا طيب بفصخ العبايه والشيله وبروح صوبهم وحطت عبايتها على الكرسي معاها الشيله والشنطه وراحت تتمخطر في الممر وكل ما مرت على مرايه وقفت شوي تتعدل
دخلت على البنات الصاله
العنود : السلام عليكم
دانه ومريم : وعليكم السلام يا هلا زين دليتي احنا وين
العنود : الله شابين الضو وشاي الكرك ((اشاي بالحليب مشهور عند أهل قطر )))
دانه : حياج تعالي قربي بصب لج ، الا عنود شعندج على هالكشخه والل مب هينه حركات يا لدبه
العنود: بعض مما عندكم اذا ما كشخت لج اكشخ حق من
دانه : قصدج اذا ما حريتي من بكشختج تحرين من غير يا ام الزين
العنود: ههههههههههههههههههههه فديت اللي غارت مقدم اللبس واللي لابسته بعد بس ما تزعلين يا بطه
دانه : يالله زين شربي وخلينا نروح انرتب مع مريم
العنود: ذكرتيني !! خليني اكلم محل الورد
قامو البنات يرتبون الغرفه والعنود سوت اوردر للعشاء ووصل الورد بع ساعه راحوا قسم مريم وكان يضم صاله وممر طويل وبعدين غرفت النوم كانت فخمه وكلاسك كان السرير على ارضيه عاليه دائريه وكان الطابع الكلاسيك طاغي على الغرفه من الشمعدانات والمفارش المطرزه والصاله كانت كلها انتيك والكنب مذهب ولونه ذهبي وقيروز العنود انصدمت من الروعه في الألوان والذوق الراقي
العنود : هذا المكان فخم وراقي ما يبيله الا ورد وبس لا زياده ولا نقصان
راحوا البنات رتبو الورد وحطت مريم كفر على السرير لونه ابيض وضامت المخدات الصغيره بلون الورد أحمر كانت المخدات مخمل احمر وكان عددها كبير وراحت دانه طلعت فستان أحمر شيفون عشان تلبسه مريم
كان راااقي جدا له حزام عريض اسود والفستان موديل الستينات وله ربطه من نفس قماش الفستان على الرقبه
طلعت العنود العده وحطت ميك اب خفيف مع روج أحمر لونه دااااااافي وخذت ورده من الورود وحطتها في شعر مريم طلعت مريم ايه في الجمال
مريم : سبحان الله تبارك الخالق الصراحه خليفه ما عنده سالفه يروح ويخلي القمر بروحها هنا لا لا ما له حق اخوج يا دانه
دانه : فديت ميمي والله تهبلين الله يتمم لج ياربي فرحتج ويخليكم حق بعض
مريم : فديتكم بنات ما قصرتوا انشاء الله اتعب في اعراسكم يارب
دانه : الله كريم ياميمي يالله العنود خلينا نروح نجهز العشا برا بصاله ونغطيه
العنود: طيب يله انا بروح ابرز العشا وانتي بقولج خذي ها لباكيت مال الشموع وصفيع على جوانب الممر وهذا ورد أحمر منتف عبي الممر به ورشي عليه من هالمخلط ريخته بتطلع حلوه وانا بجيب معاي الفحم لما ازهب العشا
مريم : العنود خلي الخادمه تحطه بالمطبخ التجهيزي اللي فوق عشان ريحت الأكل ما تعلق بالغرفه
العنود : انشا الله
نزلت العنود تحت وهي تدندن :
وين موعد جمعنا وين ذاك المكان وضحكنا اللي ضحكنا والوفا والحنان
تقلب الكون كله لو تأخرت لحظه قاسي الوقت لكن كان قلبك حيل اقسى
ورطلعت للمطبخ مع ميري >>>> الخادمه
العنود : ميري سوي هذا حار داخل ميكرو ويف
ميري : جين مدام بس هذا حق مين
العنود : هذا وديه مطيخ فوق عند مدام مريم
ميري : انشاء الله مدام
العنود: مدام ياميري انا ما فيه عروس
ميري : انشاء الله عروس انتي مدام عنود وواجد زين ماما كبير قول انتي كويس
العنود: يا قلبي يا خالتي ام خليفه يا كثر ما اغليها
والعنود لاهيه بتزين الأطباق وترتيب العشى
الا والصوت خلفها يقول لها دانه دانوه وصمخ وين امي ؟؟ دانه <<<<<< كان فيه شبه بالأجسام بين العنود ودانه بحكم انهم بنات عم مشى قدامها وهي تقول هذا صوت معذبي هذا هو سبب جرحي تمت واقفه مثل تنتظره يروح عشان يمشي الدور انها دانه بس هيهات ميري تسكت وكان عبدالعزيز رايح يفتح الثلاجه عشان ياخذ له بارد
انصدم عبدالعزيز من اللي واقفه هذي مو دانه هذي العــــــــــنود
رمت العنود اللي في ييدها وركضت بسرعه البرق بتجاه الدرج وهي مصدومه وريقها ناشف هو أي هو لا ياربي ما ابي اشوفه انا شنو اللي جابني اليوم
دانه : العنود شبلاج ؟؟؟ تركضين
العنود : وهي تلهث من الجري فيــ.....هـ حـــــ.....د تحت با لــــ.......... مطبخ
دانه طيب طيب هدي من هندي ولا حد من اخواني ؟
العنود: وتحاول تتجاهل السؤال ما ادري شوفي من انتي وجيبي عباتي بطلع
دانه : بل بل وين تو الناس
العنود : روحي جيبيها وانتي ساكته
دانه : طيب طيب اشربي ماي عندج بالثلاجه انا نازله اشوف الغول اللي خرعج
انزلت دانه تحت وهي تضحك وشافت عبدالعزيز سرحان ياربي هذي هي صج انا ما عندي سالفه راجع البيت هالحزه دانه قالت بيجونهم ناس بس ماتوقعت تكون العنود اخ يالعنود ليش كل هذا ليش الجفا ما انسى ذاك اليوم اللي كسرتي فيه قلبي وحطمتيني
دانه : يالحبيب انت من متى هنيه
عبدالعزيز: انا من مساع هنيه يعني صار لي 10 دقايق
دانه: اها خلاص
عبدالعزيز : دانوه من اللي عندكم ؟
دانه : قصدك من اللي في المطبخ ؟؟ وتغمز له
عبدالعزيز : أي خدامه جديده ؟؟؟
العنود عندد الدرجه وسمعت كل الكلام انزلت لصاله وخذت العباه وهي طالعه قطت السلام عليهم وركبت سيارتها وهي مكسوره افا انا خدامه طيب انا اوريك يا عبدالعزيز اجل انا خدامه طيب
دانه: الله يخس بليسك اسمعتك البنت
عبدالعزيز وهو يحاول يتجاهل من تكون : ليش من هذي ؟؟؟
دانه: حركات العبط مب علي هذي العنود بنت عمي لكن انت متعمد هالحركه انا عارفه
عبدالعزيز : والله هذي هي !!!طيب حصل خير اخذ الريموت وجلس يقلب في القنوات دانه تركته وراحت وهو مكانه علبت العصير بيده والريموت بيد وقلب هالقنوات وصورتها في باله هذي فرسه هذي معشوقته هذي حبه العذري بس ليش سوت كذا فيني
دانه : مريوم فاتج اللي كان في المطبخ عبدالعزيز اخوي
مريم : لا صج في ذمتج شاف عنودي صح ؟ ياربي صدفه الله يحنن القلوب وعنود اتجي عندنا في البيت
دانه : مريم انتي خياليه وايد ما عرفتي العنود ترى اعند منها ما فيه قلت لا يعني لا
مريم : اقول هي ليش ارفضته ؟؟
دانه : تبين الصدق هذا سر محد يعرفه الا هي محتفظه به لنفسها وعمي ما يقدر يجبرها على شي تعرفين وحيدته وهي قالت يوم ما خطبها اخوي من سنتين انه كل شي قسمه ونصيب ونصيبه مو معاي هو مثل اخوي وبس
تصدقين الخبر كان صدمه للكل شلون عنود شوق عبدالعزيز ترفضه هذا اللي مو مفهوم

عبدالعزيز اللي مو قادر ينسى اللي شافها من شوي قام لبس جاكيته الأسود وايس كاب وطلع يتمشى بالحديقه وجلس يدخن على الكرسي والجو كان بااارد وايد وذرات مطر خفيفه تنزل متردده وهو عينه على السماء ينتظر من المطر ينزل ويغسل جراحه اول ما بدا المطر انه يقوى شوي شوي

قام وركب شيارته الرنج الأسود واشتغل السي دي وتم عبدالعزيز سرحان في الاغنيه ما يدري وين ياخذه طريقه

انتي نسيتي *** انتي نسيتي وكيف انا ما انسى *** انتي قسيتي *** وكيف انا ما أقسى
ياصدى من غير صوت *** ياصدى من غير صوت*** مابه حياة من غير موت

ويقطع صمته صوت واحد يناديه عند الاشاره بشارع(( النصر )) يفتح عبدالعزيز دريشة السياره:هلا بدر متى الوصول
بدر: من يومين وادق عليك ما ترد علي كبر راسك علينا >>>>> بدر هذا صديق عبدالعزيز من أيام الثانويه
عبدالعزيز : طيب قدم شوي وصف موترك وحياك معاي ابي ادردش وياك
بدر : تم يله
عبدالعزيز قدم شوي وكان في بركنات عند المحلات اللي سكرت لانه الساعه كانت 11 ونص طبعا ما عدا المطاعم اللي هناك ، نزل بد وركب مع عبدالعزيز السياره وسلموا على بعض وكل واحد يسأل عن احوال الثاني بدر : ها عزوز وين اخبارك شخبار التجاره معاك
عبدالعزيز : والله حاليا اجهز حق مكتب للإعلانات والدعايه وعندي شركتي اللي على خبرك
بدر : الله يوفقك
عبدالعزيز : وياك وانت شنو ترتيبك بعد هاسفره
بدر : والله يا عبدالعزيز انفصلت عن زوجتي مشاكل بين الأهل والله تعب احايل فيها تجي قطر بس هي معارضه وتبي تعيش في االامارات وانا ما اقدر اترك ديرتي واروح هناك
عبدالعزيز : هذي وهي من طرف امك وبنت خالك ((( أم بدر من راس الخيمه )))
بدر : الواحد مايعرف نصيبه وين المهم البنت تيسرت وانا رحت في حالي والله انها مشاااااااااكل ما لها اول من اخر لكن حسبي الله ونعم الوكيل على اللي فرقت بيني وبينها
عبدالعزيز: على خبري امها ميته يعني يتيمه وشغل العمات ماتعرضت له
بدر: لا ياعزوز عندها اخت اعوذبالله ماشفت مثلها الله يستر عليهم المهم خلنا مني انا سالفتي انتهت وحطيت خط احمر على الزواج
عبدالعزيز : يالله خلك اعزوبي احسن مثلي
بدر: افا طلقت بنت عمك هذا وانت تغليها لا ياعزوز حرام والله
عبدالعزيز: يالمخ القوطي يعني انا بعرس ولا بعازمك ؟؟
بدر : لا يمكن ملكه وطلقت
عبدالعزيز : ارتاح يبه لا ملكه ولا بطيخ ما فيه نصيب
بدر: افا شلون ؟
عبدالعزيز: بدير انا ما احب اتكلم عن هالموضوع وانا نفس ما اعرف السبب البنت ما تبيني يا بدر خلاص كلن يروح بطريج ومحد بيموت قبل يومه

وفي بيت العم (((أبو سعود)))
علي : عنود حد يلبس بيجامه مرقعه فوق اخضر وتحت ازرق ؟؟؟ صج ذوق هنود ذوقج
العنود: كيفي بنام انت شكو فيني البس خيشه كيفي وعليوي روح عن ويهي لانه جنانوت الدنيا قدامي
علي بل مسكونه انتي يمه لحقي بنتج شوفي لها مطوع جاها جن
ام سعود: اسم الله على العنود من الجن ان كان به جني فهو انت علوي روح ادرس احسن لك الامتحانات قربت شهر 3 يله ما بقى شي روح
علي : وراسج درست
ام سعود: جعل راس العدو الكسر لاتحلف ذا الحلفه مره ثانيه تسمع
علي : طيب ياله انا بروح اخمد بكره مدرسه
العنود : طير يله ، يمه !!
ام سعود : امي انتي خير فديتج خاطرج شين ؟
العنود : لا يمه بس ابغي اقولج انه باجر بروح الستي سنتر مع لبنه وشيخه بنت خالتي
ام سعود: طيب يا يمه روحي بس ليه وش بتشترين ؟؟
العنود : طرفه رفيجتي ملكتها يوم الخميس وحابه اروح اشتري فستان وبيرحون معاي البنات انشاء الله
ام سعود: زين يايمه اذا جاء ابوج قولي له
العنود: طيب هو وين ؟
ام سعود : انطري بيجي في المجلس
العنود : طيب بكلم البنات اعطيهم خبر
الوووووووووو مساكم الله بالخير يا أهل الخير
شيخه : هلا هلا بأم الزين مبسوطه اليوم أي من قدج رايحه بيت الأحباب اليوم
العنود: شيخوه يامال الرجل اللي يخمج وافتك منج انتي هذي سوالفج
شيخه : يوه يوه صبري بتوجهه للقبله عشان الدعوه تستجاب ياربي لا تخلي حجاب بينك وبين دعاوي بنت خالتي العنود يالله ياكريم يالله
العنود : اه منج يالخبله المقرود اللي باخذج
شيخه : طيب مقرود مقرود بس ياخذني بيصير محظوظ
العنود: طيب لا يكثر كلامج الماصخ انا قلت لأمي انه بروح السوق
شيخه : طيب سي يو تومورو
العنود: يله تصبحين على خير
شيخه: تلاقين خير
العنود : يالله يمه انا هلاكانه اني انام انتي ياليت تقولين حق ابوي وتغمز لها واخذي لي شي يستاهل منه ياحلوه
أم سعود: انشاء الله فديتج روحي نامي اللحين بكره عندج جامعه
العنود: يله تصبحين على خير ماماتي
أم سعود: تلاقين خير

اما في بيت العم ((سلمان ))

كانت هناك نظرات شوق ووله عتب على طول الفراق والعيون النجلا غارقه في بحر دموع الشوق لخلها وينك يا بعد كل الوجوه وينك وحشني حتى عتابك وحشني فيك كل مافيك حظنك الدافي فقدته ليالي يا عيون مريم اللي تحكي غرام للحبيب
وخليفه مشلول قدام اللي يشوفه من نظرات العتب على طول الغياب ومن الجمال اللي يشوفه الحمر على بياض بشرتها والحناء المرتسمه على احلى ذراع
ضاع خليفه في الملاك اللي قدامه
مريم : حمدالله على السلامه يابعد قطر واهلها تقول الكلام واطرافها ترتعش شوق ووله له
خليفه : يالبيه صوتج يامريم اللي وحشني الله يسلمج يابعد الدنيا كلها
مريم وهي ترتمي في حضن خليلها وهو يضمها بشوق وحب ووله
مريم: وحشتني ورب البيت دنيتي وجودك انت وبس مالي في هادنيا سواك
خليفه : ياسلام والبيبي اللي بيجي ؟؟؟
مريم : بيبي ؟؟؟
خليفه : أي يامريم بيبي لانه الدكتور بشرني وطمني بعد وقال لي انه العلاج لج متوفر ونسبة نجاحه 100% بأذن الله
مريم : خليفه ما مليت ؟؟
خليفه : امل من روحي ولا امل منج ، ربج مو جود يامريم وانا ايماني بالله كبير
مريم : والنعم بالله
خليفه : خلاص انشاء الله في اجازة الصيف بنروح
مريم : الله يسر الأمور لنا
خليفه : افا يابنت عجلان ما فيه عشاء ؟؟؟ انا جوعان
مريم : يخسي الجوع ياعيون مريم انت دقايق وبيكون العشاء عندك
خليفه : مريم امي ما لقيتها وينها ؟؟
مريم : رايحه عرس ناس من بيت الــــــ......
خليفه : أي الله يوفقهم
مريم : يله انا بروح اجهز العشاء لك حبيبي واجيبه
خليفه : الله لا يهينج ياأم سلمان هههههههههه كبرتج
مريم: يمكن بنت ؟؟
خليفه : لبيه البنت اللي بتطلع تشبهه أمها
مريم: الا فديت ابوها انا اللي طول باسوالف ولا خلاني اجيب له العشى
خليفه يبي يقوم يمسكها عشان يلمها هربت منه وراحت تزهب العشى وجابت العشى له وتعشوا وعدت الليله وكانت ريحتها ريحت الجوري اللي عبت الغرفه وكانت ليله حب بين عاشقين يذبون من العشق


وفي نفس البيت اللي يضم أحلى فرحه بين عاشقين ضم عبدالعزيز ذكرياته وتم يحرق بزقاره كل ذكرى تمر بباله ليش يابنت عمي ليش اموووت واعرف السبب انا شسويت شنو الشي اللي خلاها ترفضني فجأه انا لازم اعرف السبب لو شنو كلفني الأمر بس شلون
داااااااااااااااااااااااانه أختي أي داااااااااااااااانه واتجاه عبدالعزيز حق غرفة دانه طق الباب كانت الساعه 12:30
عبدالعزيز: دااانه دااااااااانه !!!
دانه : مييييييييييين طيب لحظه ، قامت دانه بخطوات ثقيله والنوم كابس عليها افففففففففف
افتحت الباب ولما شافت عبدالعزيز تخرعت : امي فيها شي ابوي فيه شي شصاير ؟؟؟
عبدالعزيز وطي صوووتج دشي بقولج دشي
دانه : طيب يله تعال دش
عبدالعزيز : دانه لو اطلب منج شي بتنفذينه لي ؟؟؟
دانه : أمر ياخوي افا عليك
عبدالعزيز: العنود!!
دانه: شفيها ؟؟؟ انت للحين يع عبدالعزيز تحبها
انكسر خاطرها على اخوها لما شافت نظرت الحزن بعيونه
عبدالعزيز: أي أي يادانه ابيها هذي لي هذي لي هي ماتحس انا متأكد انه تحبني بس شصار فيها ليش كل اللي صار
دانه وهي اطبطب على كتفه اذكر ربك وانا اختك انا شنو ممكن اسوى لك
عبدالعزيز : جريها بالكلام هي ليش سوت كذا وارفضت ليه ؟؟
دانه : يعني تظن انه ما سألته ؟؟ عزيزان ياخوي انساها هي مو نصيبك بس اانا برضي غرورك وبحاول مره ثانيه
عبدالعزيز : اللي حزنه بين عليه دانه تكفين يادانه البنت جننتني اخاف عمري يمضي والعنود مو معي تكفين ابيها هذي اللي عشت عمر احلم فيها
دانه : ابشر وانا اختك ابشر وسع خاطرك وروح نام وارحمني باجر عندي جامعه >>>> تحاول تلطف الجو
عبدالعزيز: طيب يله تصبحين على خير
دانه: تلاقي خير


تابعوني في البارت الجاي من ظلال الحب .......

[شموخ قطر]

أنا ما اشوف اي تفاعل مع ذلك راح انزل البارت الثاني على امل انه القى تفاعل

[شموخ قطر]

صباح يوم الأربعاء الساعه 7:30

شيخه : يا يمه ماعندي محاضرات وراسج ماعندي
أم محمد : اقولج قومي يابنت ولا توجعين راسي قومي لا بركه فيج وفي جامعتج
شيخه : يمه ارجوووووووووووووج ما عندي وربي ما عندي ارحميني
أم محمد: ياسقوط السنه ماله حد من صوب انتي والصوب الثاني اختج عووووش
شيخه : شدخل سقوط اللحين
ام محمد : ابوج يشوف شغله معاج
شيخه : يارب يارب وينك ياسعود تجي تاخذني من هالبيت وارتاح
أم محمد : وجع انتي شطبرطمين شتقولين ارفعي صوتج ولا افتحي الباب يا لفاشله
شيخه : اقول دعاء النوم الحمدالله اللذي احيانا بعد ما أماتنا
أم محمد : جزاج الله خير وبطرش ابوج صوبج يسمع دعواج يا ام الدعاء انتي
شيخه : اف اف زين قمنا

وفي بيت أبو سعود : -

العنود تتقلب لانه رنات المنبهه ازعجتها قامت تشوف الساعه لقتها 8:15 ص

العنود : ياربي شبعت نوم أنزل عند امي وبعدين اكلم البنات عشان نطلع للسوق على 10
راحت العنود وخذت دش دافي والبست بنطلون اسود وبدي هاي نك اصفر ونشفت شعرها اللي واصل لين تحت خصرها وارفعتها بكلبس اسود وخلت الخصل الفوضويه على وجهه الناعم وخذت شالها الكشميري معاها

ونزلت تحت ما كان في حد في الصاله راحت سوت لها نسكافيه وتمت واقفه يم الشباك اللي يطل على الحديقه
وكان المكان ساااااااااااحر خضاار على ارض توه واقف المطر عنها وجو باااااارد وريحة نسكافيه وكانت تقرب من الشباك وتخلي نفسها الحار يضبب باشباك وترسم وتكتب كلمات على الزجاج

ام سعود: صباح الخير يمه العنود !!! شعندج قاعده من الصبح وواقفه يم الدريشه برد يمه دتعالي يم الدفايه هنيه
العنود اتجهت صوب امها وقبلتها على راسها : صبحج الله بالخير ياوجهه الخير
أم سعود: متى قمتي ؟؟
العنود: من شوي يمه ما جاني نوم
تلفون البيت يرن سوما: مينو انتي يابنت ؟؟
شيخه : عطيني عنود
سوما : مينو اقول حقها
شيخه : قولي لها عمتج شيخه
سوما : ما في قول مصخره انتي مافي عمتي
العنود: انتي ياسوده من تهاوشين ؟ الووووو هلا بشيخة الحريم
شيخه : حشى من ذي الله يقطع حسها من خدامه لوعت جبدي
العنود: امسحيها بوجهي
شيخه : زين هاج كلمي خالتج اللي كسرت الباب من 7 الصباح تقول عندي جامعه واقولها ما عندي تقول عندج وتكذبين
العنود: طيب هاتيها
أم محمد : هلا بالعنود شحالج ؟؟؟ وشلون أخوانج
العنود: طيبين ياخاله ، وانتي من صوبج
أم محمد: طيبين يا يمه نسأل عنكم لا تمرون ولا تسألون
العنود: والله ياخالتي مشاغل الدنيا وجامعه
أم محمد: على طاري الجامعه شيخوه تقول ماعندكم صج ولا تكذب علي هالفاشله
العنود: ههههههههههههههههه لا ياخاله ماعندنا اليوم الجدول فاضي
ام محمد :زين يايمه سلمي على هلج وهاج رفيجتج الفاشله تبيج
العنود:هههههههههههه طيب الله يسلمج ياخاله
شيخه : الوووو اف والله انج رحمتيني من الحنه والصدعه بروح ارقد يله باي
العنود: عيب عليج امج هذي ، وتعالي أي ارقاد انا بمرج الساعه 9:30 بنروح الستي نسيتي الوعد يالخاينه ؟
شيخه: أي صح طيب بربوح اسبح واجهز
العنود: طيب ثقلي اللبس لانه برد مووووت برا ومطر
شيخه : انشاء الله ياماماتي
العنود: هههههههههههههههههههههه طيب يله باي

راحت العنود تجهز ولبست العبايه والشيله وخذت شنطتها وانزلت تحت يمه انا بطلع بمر على شيخه ولبنه
أم سعود: زين يمه بتجين على الغداء ؟
العنود: اذا الله راد بس مامي وين القريشات حق السوق
ام سعود: أي تعالي امس ابوج عطاني لج هالمبلغ
العنود: الله يخليكم لي يا حياتي انتوا ياله باي
أم سعود: في حفظ الرحمن
العنود: عبدالصمد !! جيب سيارك كدلك >>>> الدريول عبدالصمد من 13 سنه عندهم يعني عارفهم وهم صغار
عبدالصمد : انشاء الله روحي داخل في مطر واجد انا يجيب سياره قريب
العنود: وهي تنتظر عند المدخل الرئيسي شافها اخوها سعود<<<< توه جاي من الدوام لانه كان دوامه بالليل
سعود: وين يالله صباح خير ؟؟؟
العنود: بروح السوق مع البنات
سعود : من يعني واي سوق ؟
العنود : تحقيق ؟؟؟ بروح مع شيخه بنت خالتي وبنات الجامعه
سعود : الله يهداج بنات انا قلت اللحين كلهم انوثه تاليها شيخوه الخبله
العنود: عيب ياسعود
سعود: ياعمتي روحي زين هذي مافيها ذرة انوثه ربشه هالبنت هذي مالت تحطها وتضحك على سوالفها
يالله توكلي ولا تتأخرين
العنود: حرام عليك البنت ......(( وسكتت))
سعود: البنت ؟؟؟ شفيها
العنود: ولا شي ياله من رخصتك باي
سعود: في حفظ الرحمن
مرت على البنات وخذتهم متجهه للستي سنتر
رن موبايل لبنه : الوووووو ايوه محمود كويسه ازيك انته اه انا رايحه مع البنات السي سنتر لانه بكره كتب كتاب طرفه صحبتي ....... طيب ياحبيبي مع السلامه >>>>>> ((محمود خطيبها ))

شيخه : الله يادلع حبيبي ياشينج
لبنه: وانتي مالك ادلع خطيبي
العنود: لبنه صج متى العرس
شيخه : ياعزيزتي هذيلن يخطبون 5 سنين وتدرس اخلافه 3 سنوات وكتب كتاب سنتين يعني قولي لما يكون ولدي في الصف الخامس بتعرس لبنه
العنود:هههههههههههههههههههههههههه ياعلج يا شيخوووه
لبنه : لا اتفرسي انا فرحي في الصيف ده لما اخلص جامعه
شيخه: ووويه اتفرسي يعني تحريني مالت الا ومحمود مال الكشري روحي زين تفرسي بعد الله يغربل المصريه
لبنه : ربنا على المفتري
العنود: بس فكونا دانه متصله ما ادري شتبي
دانه: صباح الخير ياقمر
العنود: صباح الأنوار شحالج ؟؟
دانه : طيبه وانتي ؟
العنود : ماشي الحال طالعه مع البنات ريحه الستي سنتر
دانه : اها شعندج ؟؟؟
العنود: ملكة وحده من البنات معانا في الجامعه اذا شفتيها معاي طرفه
دانه : أي البدويه صح ؟؟ يحليله والله عسوله هالبنت الله يوفقها يارب الفال لكم
العنود: لا يما ماما انتي أول انتي أكبر هههههههههه
دانه : بأشهر يادبه لا تكبريني بذبحج ،،،، انزين اذا رحتي البيت دقي علي ابيج في موضوع
العنود حست انه قلبها انقبض :خير دانه
دانه : خير يامال الخير انتي روحي ودقي لي اوكي ياحلوه
العنود : طيب صار باي
شيخه : خير شعندها دانه ؟؟
العنود: ما أدري تقول اذا رحتي البيت دقي لي ،،، يله طيب انزلي انتي وياها وصلنا
انزلو البنات وراحوا للمحلات شيخه خذت فستان سماوي ناعم بدون اكمام ولبنه خذت لها كورسيه وتنوره قصره لونهم اسود ومزينه بكرستال على الخصر نااااااعم وايد
ااما العنود: خذت لها فستان اف وايت طويل ضيق لين الأرداف بدون اكمام ولا حمالات يعني يجي ماسك على الصدر بس وشرت معاه فرو نفس الشال ينحط على الاكتاف وركبت عليه بروش فخم جداً جداً عشان يمسك الفرير اللي ركبته على الفستان

جات الساعه 12 خلصوا البنات وطلعوا للسياره ووصلت العنود البنات وارجعت البيت وهي على الطريق
قررت انها ادق على دانه

دانه: هلا وغلا
العنود: الله وأكبر اليوم تحبيني بزود شسالفه
دانه : انا كل يوم احبج أكثر وأكثر وغلاج في قلبي يكبر يوم بعد يوم يالعنود
العنود: اف اف شهالحجي القوي
دانه : انتي تدرين انه هالكلام مو كلامي انا مرسول العشاق يا معشوقة عزيزان
العنود: دانه ارجوج الموضوع هذا ما ابي اتكلم فيه انتهينا خلاص
دانه: العنود أخوي له كرامه وانا مستغربه اصراره على انه لين اللحين متمسك فيج ،،،، العنود ارجوج قولي لي شسالفة رفضج حق اخوي عبدالعزيز واوعدج ما اقوله
العنود: دانه انتي اخته انا ادري وكلامي بيكون قاسي وانا ما ابي اخسرج او اهز صورت اخوج بعينج لك وصلي له قولي له ترى الخيانه بانت وذبح العنود باللي سواه ومع من مع حثاله
أرجوج دانه سكري الموضوع
دانه :لا انتي وجهتي اتهامات بس ما خليتي المتهم يدافع عن نفسه !!! هذا بعد ظلم يالعنود
العنود: لا يادانه انا ما ابي أي تبرير انا بذكرج بشي !!! يمكن بتقدرين شعوري تذكرين شله الفساد (( شله انجود))
دانه : أي أي شدخلهم ؟؟؟
العنود: كانوا قاعدين يالكفتريا وانا ووحده من البنات كانت معاي مو رفيجتي بس معاي بالمحاظره كانت الشله حاطه سبيكر حق وحد من التلفونات ويكلمون واحد كانت الكفتريا فاضيه سمعت الصوت واااااااااااااااخ يا دانه ياليت ما سمعته عرفته من ضحكته عبدالعزيز كان يعرف وحده من هذي الشله
بس من انا ما اعرف بعدها شالوا السبيكر وكانت انجود اطالعني بنظره وانا طاله كأنها تعرف من هذا ومن بنسبه لي ، بس ما يهم خله يشبع من هواه ومن خرابيطه مع هالشله

دانه ساااااااااااااااكته لا تعليق مصدومه أخوها يسوي جذيه ؟؟؟

العنود: انا ادري انه صورته اهتزت في عينج بس اعذريني انت اصريتي تعرفين ااااااااااخ يا دانه انتي انصدمتي لانج بس سمعتي الخبر انا شقول اللي سمعته بأذني وهو يقول بأعلى حسه(( فدييييييييييييييييييتج ))
ياليتني ما عشت عشان مااشوفه ولا اسمعه يخون
دانه : مازالت ساكته!!!
العنود: دانه ؟؟؟ الوووو انتي معاي
دانه: معاج فديتج معاج
العنود: عذرتيني ؟؟؟
دانه : معذوره وانا اختج خلاص الموضوع عندي وانا بعرف السالفه
العنود: لا تكفين ما ابي يعرف خليه غرقان بشهواته وخرابيطه
دانه: لا انتي ما تستاهلين انه يسوي فيج كل هذا انتي كنتي بتصيرين زوجته
العنود: انتي قلتي كنت يعني فعل ماضي خلاص صكري السيره هذي انا وصلت البيت يله باي
دانه: باي فديتج
انزلت للبيت وطلعت غرفتها بدون ماتكلم مع حد افتحت اللوب توب فايل مكتوب عليه(( صورنا ))
شغلت اغنية نوال :-

عرفت الناس والدنيا وطريقي
عرفت انه الهوى كذب واماني
خذاني الشوق والحب الحقيقي
لذاك اللي عقب وده جفاني


فتحت صوره شافت فيها شيخه تضرب نايف اخوها عشان اكل آيس كريم سعود ااااااااااخ ياشيخه الحمدالله انج ما تسمعين الحجي اللي يقوله سعود عنج ولا بيكون مصيرج نفس مصيري






صوت رساله جاتها على التلفون كانت من دانه :-
ابتســـــــــم حبيبي
كان جرح المشاعـر سر قلبك وفـاده
راحتك عندي أغلى..لو تموت الأماني
عطني احزان قلبك وخـذ مني وداده
عـش حياتك سعيد..وخل غيرك يعاني

الحـزن ماخلق لك..خـل الأفراح عـاده
ابتسـم..يبتسم لي ياحبيبي زماني





تنهدت وبعبره مكتومه تحاول تخفي جرحها وتمت ادور في المسجات وارسلت لها :-

أنا رفيق الجرح من صغر سني
والجرح له في داخلي الف عنوان
ياسيدي هم البشر صارو مني
وصبحت أنا تمثال لهموم الأنسان
كل الوجيه تشابهت حد ظني
ماعدت أميز بين صادق وخوان
ياصاحبي لاتنشد الجرح عني
كل السوالف كذب صمت وحرمان




دانه حست بجراح العنود اللي تخفيها من سنتين اااااااااخ يابنت عمي ماتستاهلين لكن انا ما راح اسكت عن اللي صار وارح اعرف وش قصت عبدالعزيز مع انجود الفاسده وشلتها واتصرف بمعرفتي

[شموخ قطر]

مالي ذنب ،!

غير أني حبيته [ شوي ]

لا وربي مو شوي ‘,


كنت { أحبـِـه


كثر نبضات القلوب ...

كثر ما بـ الكون هذا من ذنوب ...

كثر ما قلت " والله .. والله .. والله من حبـِـِه أتوب

ولا أتـــوب







يوم الخميس الساعه 2 الظهر سعود قاعد بصاله يكلم أمه بصووت واطي العنود وهي نازله من على الدرج
السلام عليكم
الكل: وعليكم السلام
سعود: يمه سألي العنود عنها ؟؟
العنود: من ؟؟؟
ام سعود: يمه اخوج يقول معاه واحد بشغل دين وانسان فيه خير وهم من بيت محترم وعنده اخت بالجامعه اسمها ساره بنت ال.......... تعرفيتها في كلية العلوم
العنود: أي يمه كأنه ماره علي ليش ؟؟؟
ام سعود: اخوج يبي يخطبها ؟؟
العنود: هاه يخطبها ليش
سعود: عشان اصور معاها انتي غبيه العنود ؟؟ ابي اتزوج اللحين انا 28 سنه متى بتزوج وبجيب عيال والبنت وأهلها داخلين مزاجي
العنود: وشيخه ؟؟؟
سعود: لاحول ولا قوة الا بالله العلي العظيم انا هذي ما ابيها تفهمين هذي مرجوجه مو كفو مسؤلية بيت وعيال هذي لو اجيب منها اعيال قولي لي شلون بتربيهم هذي خبله رجه
العنود: بس هي
ام سعود: يالعنود هذا القسمه والنصيب وشيخها بيجيها نصيبها
سعود: كل ساقط وله لاقط
العنود: انا مااسمح لك ياخوي هذي بنت خالتي واختي ولا ارضى عليها
سعود: طيب وانا بعد ما ارضى عليها بس مو معناته اتزوجها يربي العنود انا ضريتج في شنو عشان تعاقبيني وتزوجيني شيخوه
العنود: تدري انت اللي ما تستاهلها
سعود: جــــــــــــــــــــــــــــب عنود عطيتج ويه هذي حياتي وانا حر فيها هذا انتي رفضتي خطبتج لعبدالعزيز ولا قلنا لج شي ولا حد غصبج مثل مالج قرار لنا قراراتنا واحترميها
العنودوهي قاصه بعبراته : ابشر
وقامت عنه وراحت غرفتها لقت مس كول من شيخه وطرفه ، ما أقدرت تكلم شيخه كلمة طرفه
طرفه : السلام عليكم هلا عنيد
العنود: هلا اولاً اسمي العنود مو عنيد يالبدويه
طرفه : شحالس وشحال البنات متى بتجون ؟؟
العنود: انا طيبه بس البنت ما كلمتهم وانشاء الله اول ما نخلص من الصالون بنجي صوبكم
طرفه : فاتس يالعنود المعرس يبي يدخل علي يشوفني وقام عليهم اخوي وعيا
العنود: لييييييييييييييييييش؟؟؟
طرفه : اسكتي وانا اختس غثني الله يغثه عجل انا حق منو متزينه وقالبه خشتي
العنود: طيب خليه يدخل واخوج محد انتي تقولين انه بيكون البيت فاضي
طرفه: مدري امي قالت مثل كلامس بس انا خايف يختس مدري اخاف يظهر حلو وارتبش
العنود: انتي ما شفتيه ؟؟
طرفه : اسمعوا الخبل !!! ألا شافه اخوي
العنود: محد خبل غيرج اخوج شدخله
طرفه : شوفي بعلمس اخوي يوم شافه قال مهوب زين عاد انا عرفت انه حلو لانه اخوي ما يمدح الا الشين ولا المزاين ما يمدحهم يحتر وانا اختس
العنود:هههههههههههههههههههههههههههههههههه طيب يله بكلمج لما نخلص بروح اكلم البنات
طرفه : لا حد يبطي واسمعني لا شوف حد مظهر لي سيقانه ولا متعري لا حد يفضحني
العنود: ابشري
طرفه بعدي عليس يله في حفظ الرحمن
العنود: باي
شيخه : الو وووووو
العنود: هلا شيخوه شخبارج
شيخه : زينه قاعده في الغرفه حاطه ماسك يعني عنايه قبل الميك اب
العنود: حركات شيخوه مب هينه
شيخه : أي يختي شنسوي البرد طلع لنا اشياء غريبه على بشرتنا
العنود: طيب اسمعي 3:30 بمرج وبناخذ لبنوه وبروح اوكي
شيخه : انزين اوكي عطيني رنه لقربتي
العنود: صار تشااااااااااو
شيخه: تشاااااو
راحت العنود خذت لها دش دافي ولبست وخذت عبايتها وشالها الكشميري لانه برد ونزلت تحت وكان سعود جالس بروحه ياكل فواكه

العنود: السلام أمي وين ؟؟
سعود: عندي ابوي داخل
العنود: طيب قول لها اني طلعت
سعود: وانتي وين طاقه بعباتج وطالعه
العنود: والله اليوم ملكة طرفه رفيجتي وبروح الصالون مع شيخه ولبنه
سعود: زين بقول لها بس لا تتأخرين ريلج خفت هالأيام على الطلعه
العنود تكتم غيظها : انشاء الله ، فمان الله يا لشيخ
سعود: وانتي في حفظه الشيخه
كلمت العنود وجاب سيارتها الكدلك وركبت متجهه لبيت خالتها أم محمد العنود سوت مس كول لشيخه وطلعت لها وكلمت لبنه وقات لها انهم جاين ياخذونها بيت لبنه كان قريب من الصالون
شيخه: اللحين هالمصريه ام الكشري ماعندها حد يوديها الصالون الا حذفت حصاه من بيتها لين الصالون
العنود: ياشيخه البنت انا قلت لها بمر باخذها خلاص لا تحرجينها لاحول الله انتي ما تعرفين ظروف لبنه خلاص سكتي اف منج حنانه
شيخه: محد يتفسر منكم انتوا الله يعيني اذا انا وانتي في بيت واحد بتحشريني بحنتج انشاء ا لله اخوج مو مثلج
العنود حسة بقصه لما اسمعت كلام شيخه اااااااااه ياشيخوه لو تدرين ياليت تشيلينه من بالج
شيخه : العنود اكلمج هي وين رحتي ؟؟
العنود: لا ولاشي بس اطالع بشرتج شمسويه فنانه شيخوه شي طالعه منوره
شيخه تموت في المديح : في ذمتج عنودي فله صح يزيني بس لاتسألين شحاطه والله كل اللي في الثلاجه روب على ليمون على حليب على خميره
العنود: بل بل بل كيكه مب ويهه حشى
وصلوا بيت لبنه واطلعت لبنه لهم من باب العماره
شيخه: والله هالمصريه ان مالبست الحجاب على يدي انا مو بنت ابوي
العنود: شتبين فيها لاحول الله
شيخه : شوفي فاله القشه المصريه بذبحه مستعده للشيشوار
لبنه: مساء الخير ازيكو يا بنات
شيخه : بخير يامال الخير اقول لبنوه ربج بس في الجامعه ؟
لبنه : ربنا في كل حته ليه ؟
شيخه: زين يوم دريتي اللحين يوم انج مترصصه بهالجينز ولابسه هالحزام اللي جنه سير سياكل وفاله هالكشه الصفره حق من محمود ما يهاوشج
لبنه: متفهم وواثق مني وانا اللي بعمله حريه شخصيه
شيخه: يحليله محمود مالج ماعنده اخو ؟
لبنه: ليه بتسألي ؟
شيخه: عل وعسى ناخذ واحد متفهم انا اسمع بالحريه الشخصيه بس ما قد مارستها على نفسي
لبنه : لاء هو اصغر واحد معندوش
شيخه : طيب بخلي اخوي محمد يصير صديقه زين يمكن يغير وجهة نظره ويخليه متفهم
لبنه : اه والنبي ياشيخوه خلي اخوكي يكفلوه لانه عاوز يجي للقطر بس مش عارف والنبي
شيخه : ايووووه بدا شغلكم التمصلح الا اكفلي هذا وسفري هذا صج العرق يضرب عليج مصريه مصلحجيه اقول طيري ما نبي صداقة محمودج هذا زين
العنود: لاحول الله انتوا ما تشبعون هواش قسم بالله صدعت وكل هذا وربع شلون ما ادري
انزلوا وصلنا
انزلو ا البنات وتموا في الصالون لين 7 اطلعوا منه
ولما انزلت العنود البيت مرت على أمها: السلام يمه ، شرايج
أم سعود: مشاء الله تبارك الرحمن تهبلين يمه طالعه علي
ابو سعود: أي امدحي نفسج الا بنتي طالعه علي انا
العنود راحت صوب ابوها وحبته على راسه : هلا يبه فديته انا خذت الزين من الصوبين
يله من رخصتكم بروح ابدل وبطلع ما بقى وقت
راحت والبست الفستان و طلعت آيه من الجمال الميك آب كان هاااادي لونه وردي على الفوشي والعين مرسومه بحكل سموكي وممزوج بالوردي الناعم والروج اللي انرسم على احلى شفايف واللي كان يزيد وجهها العذب عذوبه كان لها غمازات جمب شفايفها وكانت مثل البدر في سماه وشعرها اللي كان مرفوع بشكل بسيط جداَ ومدخله فيه ورده صغيره على الجنب بالون الأبيض كانت ملكه
اما شيخه فكان مكياجها راااااقي وانثوي كانت طالعه فاااااااااااتنه وشعارها كان معمول بالفير ومرفوع نص رفعه
اما لبنه كان مكياجها سموكي اسود وشعرها كان مفتوح مع رفع خصل بسيطه منه بس كانت كيووووت

اطلعت العنود مع الخدامه سوما لانه الوقت متأخر وقررت تاخذ الخدامه معاها وبطريق كلمت البنات تأكد عليهم انهم اطلعوا بس البنات وصلوا قبلها

طول الطرق كانت تفكر في كلام شيخه وكلام عبدالعزيز ياربي تفرجها من عند ولا ينكسر قلب شيخه ولما وصلت كان بيت طرفه متواضع اول ما دخلت من الباب كل الحريم عيونهم عليها
الحريم : من ذي يالله هذي مزيونه من بنته اكيد مهي من جمايعنا شوفوها كيف مشاء الله
العنود وعيونها حايره بيت الجموع لين شافت أم طرفه : مبروك ياخالتي شحالج
أم طرفه : الله يسلمس يابنتي شحال امس واهلس ؟؟
العنود: بخير يامال الخير
أم طرفه : حياس وانا امس البنات داخل عند طرووف في غرفتها
دخلت العنود عند البنات الغرفه وشافت طرفه اللي كانت لا بسه فستان ذهبي كان فستانها راقي وميك آب على البرونزي كانت طالعه عروووووووووووووس بمعني الكلمه
العنود: يادبه مبرووووك ياحلاتج تهبلين والله الله يوفقج يارب
طرفه وعيونها متروسه دموع : ياحبي لس يالعنود الله يبارك فيس والفال لس
شيخه : العنود ماتبي ادعي لي انا
طرفه : قسم بالله انس ماتستحين ، من الصبح وانا ادعي لس خلاص
لبنه: دي فيها طفائه عوزه تعرس
شيخه: ارجوج اسمها طفاقه وياليت تخليج على مو جة المصري ترى نفهم بس خليجي مكسر مانبي عجزت وانا اترجم للناس
البنات :ههههههههههههههههههههههههههههههههههههه

زفوا العرووس وكانت زفتها هـــــــــب السعد

ودخل المعرس لبسها الشبكه كان المعرس اسمه حمد كان مزيووووون يعني ملامحه رجوليه وجذاب وكان ميت على طرفه من نظراته اللي طرفه استحت منها وكان ماسك ايدها طووووول الوقت وبعدين طلع المعرس وفلوها البنات رقص وشيخوه ابد ما اقعدت من الرقص
كان البنات يحاولون في العنود بس كانت مستحيه لين شافت الرجاء في عيون طرفه
قامت على اغنية الجسمي :-

شفت غرٍ مكتسي سحر وودلال
ماخلق مثله شبيه(ن) في الورى
من حسن يوسف خذا أوصاف الجمال
والعجب شفتها وعيني ماترى
ما رأت عيني مثل هذا الغزال
ولا سمعت بوصف مثله ينطرى
يمشي ومشيه بخفيه واعتدال
من قفر لو مشى فوق الثرى
فيه سحر(ن) يشبه السحر الحلال
فيه طيب (ن) من عيونه ينقرى
ماترك للكبر في قلبه مجال
وأجمل الاحساس في دمه جرى

كانت تتمايل على انغام الجسمي وسط تصفيق البنات وأصوت التشجيع العالي والتصفير وكان الكل متفاعل مع رقصها اللي زادها عذوبه ورقه كان جسمها يشتكي حلاوة تمايلها

خلصت الحفله واستانسوا البنات وتعشوا لين الساعه 11:30 راحت تشوف العنود تلفونها لقت مس كول من امها و3 مس كول من دانه
العنود: هلا يمه انا طالعه اللحين معاي سوماا
يله طرفه ألف مبروك ونحضر عرسج يارب واسمحي لي انا اترخص امي تحاتيني يله مع السلامه
طرفه : وانتي في حفظه بس ترى مابقى حد مانشدني عنس يالعوبه كل ذا الزين والرقص ماندر عنه
العنود:ههههههههههههههههههههههههههه يله اكلمج وعطيني التعليقات بعدين يادبه
طرفه :الله يحفظس


في بيت العم (سلمان )
عبدالعزيز دقي لها اللحين وجدامي انا هذي السالفه قديمه وانا مابيني وبين هالبنت شي هي تعرف واحد من ربعي وكانت تبي تتعرف علي وقالت انها تعرفني فاكنت اسايرها ابي اعرف من قالها هالمعلومات عني وعن البيت
والله يادانه انا ماخنتها كلميها اللحين

دانه : عبدالعزيز خلاص انا بكلمها دقيت ما ردت اللحين بتشووووف رقمي وبدق انطر وانا اللي بكلمها
انت مالك الحق انك تتكلم معاها

عبدالعزيز: الله يلعن الساعه اللي عرفت فيها هذا الشخص وشلة هالبنات يالله كل هذا في قلبها علي وساكتها

دانه: طيب اسكت دقت البنت ، الووووووو انتي وين؟

العنود: انا الله يسلمج طالعه من الريان رايحه بيتنا اليوم ملكة طروووف رفيجتي سكتي يادانه شنو هيصنا
دانه : أي صح اليوم ملكتها
عبدالعزيز : من ملكة من ؟؟؟ قولي
دانه : اتشيل التلفون من اذنها شبلاك اثقل ملكة رفيجتها
العنود: الوووو دانه من تكلمين حد عندج ؟؟؟
دانه وتحاول ترفع ضغط عبدالعزيز: لا هذي خدامتنا تسألني تعشيت ولا لاء >>>>> ترد له الحركه لماقال عن العنود خدامه
تجاهلها عبدالعزيز وتم يقلب في جواله
دانه: انزين عنودي برا مطر وايد قولي حق الدريول يحاسب
العنود: أي ولا يهمج المهم كل هالأتصالات شسالفه خرعتيني
دانه : لا فديتج بس كان عندي موضوع اذا وصلتي البيت دقي لي ابيج
عبدالعزيز اللي يأشر لها : لا لا لا اللحين قولي لها لا
دانه: وبعدين وياك اثقل الله لا تبلينا جذذيه يسوي الحب
العنود: دانه حد عندج ؟
دانه: فديتج اقولج هالخدامه جديده ماتفهم اف شكلنا برجعه المكتب
العنود: طيب انا اوصل وادق عليج يله باي
دانه: باي

طال الأنتظار في بيت العنود الساعه 12:15 ص وصوت البرق والرعد ودقات قلب أم سعود اللي حاطه يدها عليها تخفي خوفها جدام الكل
سعود: عنودي وين راقده
علي :لا والله انا مساع فوق اكلم نايف من الماسن ماشفتها
سعود: يمه هي ارجعت ؟؟
أم سعود: اللي دموعها اسبقتها وشهقاتها اللي بصوتها وااااااضحه لا يايمه ماجات وتلفونها يرن محد يشيله
سعود شنوووووو وتلفون عبدالصمد ؟؟ من معاها ؟؟؟
علي : هي خذت سوما معاها
سعود: بيت رفيجتها وين ؟؟؟
أم سعود: في الريان
سعود: انا رايح ولا يجي خبر لأبوي
أم سعود: ابوك مصخن وراقد من الساعه 8
علي : سعود صبر بجيب جاكيتي واجي معاك
طلعوا الأخوان يدورون وحيدتهم وينها وليش ماجات

رن جوال العنود واللي متصل الغاليه <<<<< اسم دانه عندها في الموبايل
؟؟؟؟؟: ألووووووووووووووووو
دانه : نعم من انت هذا مو تلفون العنود
؟؟؟؟؟: يا أختي انتي شتقربين لها ؟؟
دانه اللي بين الخوف على وجها : أي انا بنت عمها
؟؟؟؟؟: طيب انا عند مكان الحادث ممكن تعطيني حد من الرجال اكلمه
دانه اللي رمت التلفون بحضن عبدالعزيز وهي تتمتم وتقول ماتت العنود توني اكلمها
عبدالعزيز اللي مو فاهم شي : الوووو من؟؟؟
؟؟؟؟؟: اخوي معاك الملازم عبدالله ال...... من شرطة المرور معانا حادث
عبدالعزيز :اللي قطع كلام الظابط هاااااااااااااااااااااااااااااااااااه حادث العنود وين الحادث وين
الظابط : عند دوار الفروسيه السياره منقلبه والأسعاف موجود
سكر الخط عبدالعزيز وطاااااااااار بسيارته الرنج لمكان الحادث وهو يدعي يارب خلها لي مستحيل ترحل كذا مستحيل هذي هوى روحي هذي عنودي هذي قلب عبدالعزيز ماأبي الدنيا بس انتي تبقي ياغلاي احفظها لي يارب ما لي سوها
وصل لمكان الحادث وقف مذهول من المنظر دم في كل مكان بقايا فستان ابيض وشنطتها وريح عطرها سلسله كانت معلقه وسط الزجاج وغطيه بدم عليها aخذا السلسه وهو يمسح الدم منها كانه يبغيها تتنفس
الظابط: خير يالأخو
عبدالعزيز يحاول يكون هادي : وين العنود
الظابط: تعرف اللي بالحادث
عبدالعزيز والدموع تتجمع بعينه : وين العنووووووووووووود وين العنووووووووووووود وبدى يصرخ بشكل هستيري
الظابط يحاول يمسكه وهو مندفع بتجاه سيارة الأسعاف كشف عن وجه لقاه مغطى بدم جثه هامده
المسعف : لا يا أخ ما يصير
عبدالعزيز: وينها العنود وينها
المسعف: هذي شغاله اسيويه حالتها حرجه بس اللي معاها نقلوه المستشفى لانه اطلعت من السياره اثناء انقلبها وحصلوها على بعد 4 متر من مكان الحادث وانا ما عندي أي خلفيه عن حالتها انت اخوها
عبدالعزيز: لا انا زوجها ، وخر على ركبته منهار شوي والا بصوت سعود وعلي
التفت لهم وراح يحظنهم وهو يبكي
انتجهوا لطوارئ حمد اللي استقبلة الحاله وتم ادخالها للعمليات بشكل سريع
سعود: عبدالعزيز انت من قالت ؟؟ وشلون وصلت قبلنا
عبدالعزيز: دانه كانت داقه على تلفون العنود ورد عليها الظابط ودرينا ورطلعت علة طول
أذن الفجر وراحوا الشباب يصلون وتم عبدالعزيز يقرى قران ويدعي انه تقوم لها حبيبته بسلامه يبي يقول لها كلام ضااااااااااااااع عمره ولا قاله يبي يبرر موقفه يبي يقول لها انها حبه الوحيد وانها دنيته بختصار

الساعه 6 الصباح
ولا خبر ولا حس عن حالة العنود اللي صار لها 4 ساعات داخل

هل ياترى بتقوم بسلامه وبترجع لأهلها وبيتها والشخص اللي كان في يوم حبيبها هل بتتقبل معاذيره وتبريره
ترقبوا البارت القادم قريباً جداً

[أريج الورد]

الله يعطيج العافية شموخ قطر


شكلها القصة حلوة





ننططططططططططططططططططططططر التكملةةةةةةةةةةةةةةةةةةةةةةة

[شموخ قطر]

لك موقع محفوظ ف في قلب مغليك
أقرب من اهدابك لأعلى جفونك
قالها الجسمي وكنه يغنيها فيك
((والله ما يسوى أعيش الدنيا دونك))



الساعه 7:00ص يوم الجمعه المستشفى بارد وصوت همس الناس ووهذا يوون من وجع فيه وهذا غافي على جنب وهذا يبكي مودع حبيب له من الدنيا رحل
عبدالعزيز وهو عينه على كل المناظر انا حالتي مع من فيهم ياترى بغفى وبعد التعب وارتاح من تفكير ولا بون من الألم بعد ما تهجرني أو اني ببكي على فراقها اااااااااااااه يالعنود تكفين لا خلج ما شبعت من طلت محياج ابيج حليله لي ابيج لي تكفين وانزلت دمعه حاااااره على خد عبدالعزيز اللي ذوبت كل البرود وخلت الكل ينتبهه له كان يكتم شهقاته
طلع الدكتور وكان عبدالعزيز واقف وتكي على الجدار وعلى وسعود رحوا يجبون شي دافي واكل لانهم من أمس ما كلوا شي وارحموا حالت عبدالعزيز اللي من أمس ما قعد على حيله
الدكتور: انت اخوها ؟؟
عبدالعزيز : لا انا زوجها
الدكتور: طيب يا اخ زوجتك بخير والحمدالله بس احنا عاوزينها تصحى لانها في غيبوبه لانه الضربه جات قويه في الراس وانت ايمانك بربنا كبير وادعوا لها لانه عندها كسر في الأيد والفخذ ورضوض في باقي الجسم من الدرحه الأولى
ما تم الدكتور كلمته الا بصوت اما سعود وابو سعود جاين في الممر وبصوت عالي ام سعود : ابغي بنتي جيبوه داخله على الله ثم عليك يادكتور هذي وحيدتي مالي غيرها هذي بدونها البيت مايسوي ابيييييييييييييييييييييييييهاااااا جيبواااااااااااااااا بنتي دخيللللللكم وانهارت ام سعود لين ما خذوها الممرضات وعطوها ابرة مهدي وخلوها ترتاح
ابو سعود: اللي من الصوبين زوجته وبنته : كان يردد اللهم اني لا أسألك رد القضاء ولكن أسألك الطف فيه
ارحمنا برحمتك يارب العالمين واشفي لي بنيتي
الدكتور خلى عبدالعزيز في ذهول الصدمه: غيبوبه !!!!!!!!!!

ابو سعود: يا عبدالعزيز يا ولدي وشقال الطبيب وش غيبوبه هذي بنج يعني
عبدالعزيز : أي ياعمي مسأله بسيط
ابو سعود: الحمدالله بس الكسور وش سالفتها
عبدالعزيز في خاطره يقول الكسور مقدور عليها بس انا كسر قلبها ياعمي ويش يجبر كسر القلوب : ياعمي أمرها بسيط اذكر الله انشاء الله بنجي عقب الصلاه نشوفها وانتطمن عليها

ابو سعود :العيال وينهم
عبدالعزيز: هذا هم جوا من الكفتريا
علي اللي كان شال صينيه فيها اكواب قهوه وجاء يركض صوب ابوه وحط الصينيه على الطاوله وحظن ابوه يبه العنود يايبه شفت شصار
أبو سعود : اذكر الله وانا ابوك اختك طيبه
علي : والله اني خايف يايبه
أبو سعود: لا وانا ابوك ما فيها شي كله كسور وشوي وندخل عليها ونشوفها
ابو سعود كان يوهم نفسه انه ما فيها شي بس هو متاكد انه بنته تعبانه وحالتها خطيره بس يحاول ما يوتر الجو أكثر
سعود : اللي قابض بكوب القهوه بيده الثنتين ويشرب وهو يفكر في حال أخته ووضعها الصحي
عبدالعزيز: اللي خذا له كوب قهوه وطلع برا يدخن ويشرب القهوه الجو كان بارد حيل سكر جاكيته الأسود ونزل كابه على وجهه ونزلت ادموعه ما حس الا بيد أبوه سلمان على كتفه طفى الزقاره بسرعه وحب ابوه على راسه وهو يحاول يخفي دموعه
سلمان (أبو خليفه): اذكر الله وين الجماعه ويرب بنت عمك طيبه ؟؟
عبدالعزيز: يايبه الدكتور يقول انها في غيبوبه وعندها كسووور في اليد والفخذ
ابو خليفه : لاحول ولا قوة الا بالله زين يابوك انا داخل للجماعه
عبدالعزيز اللي تم واقف برا يدخن وبعدها دخل واستأذن عشان يروح يسبح ويبدل لانه واره صلاة جمعه
طلع معاه علي وسعود


في بيت خالت العنود ((أم محمد))

شيخه : يمه الساعه 10:30 والعنود ما دقت وامس بالليل تلفونها محد يشله
أم محمد: لوعتي جبد البنت ضاقت منج ومن صوتج خليها تشتاق لج
شيخه :لاحول الله يمه في شي انا قلبي مو مرتاح بدق البيت

شيخه: الوووووو من ؟؟
سعود: انتي للي داقه من بغيتي
شيخه : علاوي وين عنودي
سعود: اخوي اسمه علي وانا مو علي انا سعود
شيخه فتحت حلجها على الخط وتمت مفهيه
سعود: الوووووووووووووو يا لأخت الوووووووووووو من أنتي
شيخه وهي تنعم الصوت : انا رفيجت العنود
سعود: أي أي وحده ؟
شيخه : ليش وانت تعرفهم كلهم
سعود : أي من معاي لاني موفاضي
شيخه : انا شيخه بنت خالتك اما محمد
سعود: هلا شيخه شلونكم
شيخه : مانشكي باس ومن صوبك شلون خالتي والعنود من أمس ادق ماترد
سعود: والله ياشيخه العنود أمس وهي طالعه من بيت رفيجتها سوت حادث
شيخه : شنووووووووووووووووووو حادث وهي وين وانهارت على التلفون تكفى ياسعود ما عندي حد تعال خذني ارجوك
سعود: اذكري الله ما عليها شر
شيخه: سعود دخيلك ابي اشوفها
سعود:طيب طيب بمرج بس امج وين ؟؟
شيخه : امي جنبي لحظه
أم محمد: أحلف بالله ياسعود ياولدي عنودي شبلاها لا يولدي لاتكفى لاتخلونها
سعود: يا خالتي احنا معاها ما خليناها هذي اختي
أم محمد: زين ياوليدي مر علي ما عندي أحد يوديني العيال وابوهم في البر عندهم غداء
سعود: على خشمي يمه ابشري
أم محمد: انطرك يمه لا تبطي
سعود: ابشري على بس عقب الصلاه اجهزوا
أم محمد: خلاص وانا امك ننطر مع السلامه
سعود: وانتي في حفظه
سعود تم يفكر هذي شيخه الخبله باااااااااااااااااال صج تحب عنودي زين ما وقف قلبها على الخط انا غبي اقول لها ليش ؟؟
راح سبح سعود وبدل واتصل على علي عبدالعزيز عشان يرحون المسجد معه عبدالعزيز كان جهازه مغلق
اما علي سبق اخوه المسجد
صلوا لما خلصت صلاة الجمعه اتصل سعود بخالته اما محمد عشان يأكد عليها انها تجهز كانت أم محمد جاهزه وبنتها شيخه وعوووش معاهم
أم محمد : هلا يمه سعود أي فديتك ننطرك
سعود: خالتي انا عند باب الصاله اطلعوا
أم محمد: يله جاينك ، يله قومن نظر ولد خالتكم برا ينطر
وقامت شيخه وهي تكتم شهقاتها وتحاول انها ماتبين صوت انينها جدام سعود وعوش كانت ضااايعه ما تعرف بالوضع الصحي اللي تمر فيه عنودي
وأم محمد كانت تتمتم بآيات قرأنيه تحاول تصبر حالها بذكر رب العالمين
ولما أوصلوا بطلت الباب شيخه راحت تركض في ممرات المستشفى شافت أبو سعود زوج خالتها
شيخه: عمي أبو سعود تكفى وين عنودي وشقالوا لها
أبو سعود: اذكري ربج وانا عمج لا تخافين ما عليها الا العافيه
شيخه وهي تشيل الغطوه من وجهه اللي أمتلا دموع لا يعم انا حلمانه فيها حلم مو زين ابي اشوف عنودي ارجوك يا عمي
ابو سعود: زين وانا عمج بس هي في العنايه يعني لا طولين خالتج داخل انطري لين تطلع وادخلي عندها
شيخه: انشاء الله
سعود : اللي يتحنحن اول ما قرب عندهم عشان شيخه ما كانت متغطيه
شيخه: تغطت بسرعه حياك سعود
وكانت وراه خالته وعايشه بنتها وكانت سعود يصد عن شيخه لانها كانت تكتب عبراته وشهقاتها هن الموجودين فا ما حب يحرجها حاول يبتعد عن الممر شوي عشان ياخذون راحتهم وفي اخر الممر شاف رفيقه بالدوام
ناصر: عسى ماشر ؟؟
سعود: هلا ناصر سلامتك بس أختي امس صار عليها حادث وتعبانه واللحين بالعنايه
ناصر : لا لا ماتشفون شر واللحين شلونها شقالوا عنها
سعود: والله ياخوي كلام ما يطمن يقولون في غيبوبه ما يقدرون يقيمون الحاله الا اذا قعدت من الغيبوبه
ناصر: يا خوي من صجك لا تتكل عليهم خذ اختك وسافروا برا انتوا في خير ونعمه ولا عليكم قصور ودوها برا وعلى ما سمعت انها وحيدتكم فا لا تتأخرون عن علاجها ترا الغيبوبه مب هينه وانا اخوك
سعود: أي والله صادق بس اللحين الدكتور ما نصحنا بسفر لها لانه الضربه في الراس وهي تعبانه فا انشاء الله أذا استقرت حالتها بنوديها
ناصر : علي خير يله ما تشوفون شر
سعود: تعال انتي خذت علومي وانا ما ادري انت ليش هنيه عسى ماشر
ناصر : لا والله توني طالع من وحدة غسيل الكلى
سعود: الله يعينك ويشفيك ويشفى مرضى المسلمين
ناصر: آمين ،يله توصي بش
سعود: سلامتك الله يحفظه
ناصر : سلم على الربع وما تشوفون شر
كمل سعود طريقه لين برا المستشفى شاف عبدالعزيز برا يدخن وناسف غترته على كتفه وشال هموم الدنيا على راسه راح سعود وقعد جنبه : بيعنا في السوق ياولد العم
عبدالعزيز: اشتريك بالغالي
سعود: عسى ماشر تعبان شكلك
عبدالعزيز: لا بس يمكن من قل النوم ، وكان التعب مرسوم على وجهه والسواد واضح تحت عيونه ولحيته اللي ماحلقها كان شكله واااااااااااايد تعبان
سعود: انت تعبان يا خوي من أمس معانا روج نام وباجر تعال
عبدالعزيز : باجر وان ويش يصبرني لين باجر
سعود : اللي تم يطالع عبدالعزيز بنظره
عبدالعزيز انتبه لكلامه : قصدي هلي ويش يصبرهم لين باجر بجيبهم انشاء الله العصر
سعود: أي روح ريح لين العصر تعال وانشاء الله ماعلينا شر
عبدالعزيز: طيب يله اترخص واذا به جديد كلمني >>>>>>>>> لو يخبي أهتمامه واضح وخوفه الكل حس فيه
علي : وين راح عبدالعزيز
سعود: قسم بالله انت فاضي تسولف في الجوال واختك تعبانه داخل
واتركه ودخل
بس علي كان يكلم نايف ويقوله عن حادث اخته <<<<< ما يقدر يمسك خبر في بطنه يموووت
نايف اللي صادته حاله من الهستيريا كان يصارخ ويتهاوش مع مكتب الحجوزات عشان يرجع قطر
ولقى حجز بعد يومين




وفي بيت العم سلمان :-
دانه كانت جالسه وتموعها تنزل بسكااااااااات بدون أي صوت
مريماللي توها طالعه من قسمها: دانوه شبلاج
دانه كأنه تنطر أحد يحاجيها : وقامت أحظنت مريم واهي تبكي عنودي يامريم عنودي راحت
مريم اللي مو فاهمه شسالفه: وين راحت دانه شسالفه خرعتيني
دانه : عنودي أمس سوت حادث ((( وقالت السالفه كلها حق مريم مرت أخوها))
مريم: لاحول الله ((وانزلت الدموع من عينها حرقه على العنود))
دانه :مريوم انا ما اعرف شحالتها ولا شلونها تكفين كلمي خليفه قولي له انه يودينا حق المستشفى
شوي الا عبدالعزيز داخل عليهم :السلام عليكم
مريم :اللي عدلت شيلتها وعليكم السلام
دانه: بشر ياخوي
عبدالعزيز: دانه البنت في العنايه ومحد قادر يدخل عليها
دانه اللي تمت تبكي بصوت عالي راحت مريم تحظنها وتسكتها لا دانوه مب جذيه استغفري ربج هذا شي ومكتوب لا تسوين في روحج كذا
عبدالعزيزاللي قرب من أخته :دانه بس اذكري ربج هي انشاء الله بخير ترى اذا تميتي تصيحين كذا ماراح اوديج العصر صوبها
دانه اللي تمسح دموعها :طيب بسكت بس وعد اروح لها
عبدالعزيز:وعد بس عند صلاة العصر قعدوني لاني برقد شوي تعبان
دانه:انشاءالله
وراح عبدالعزيز غرفته اللي رمى نفسه على السرير ونااااااااااااااااااااااااااااااام من التعب والأرهاق

وفي المستشفى الساعه 1:48 م :-

شيخه: خالتي بشري شلون عنود
أم سعود: ااااااااااااااه يايمه ادعي لها تقوم بالسلامه
شيخه: خالتي يصير أدخل ؟
أم سعود: أي يمه بس لا اطولين
شيخه: انشاء الله
دخلت شيخه عند عنود وجهها مايبين من الوايرات وكمام الاكسجين وراسها ملفوف بشاش ابيض وعيونها متورمين وتحتها كدمات زرقاء
حطت يدها عل فمها تكتم صرختها من شكل العنود كانت محاوطه بالأجهزه من كل صوب وقفت عند راسها وقرت ماتيسر لها من القرآن الكريم
بس اطلعت منهاره أول ما طلعت من الباب اللي في وجهه أم سعودارتمت في حظنها وكان سعود واقف وراى امه يشوف المنظر اللي قطع قلبه طاحت الغطوه وحهها الملائكي وكان غرقان دموع وقف سعود يطالع وجهها يااااااااااااااااه يازمن صج يغير هذي شيخوه هذي وهي تبكي كذا حلوه شلون لو تضحك
انتبهت شيخه للعيون اللي تتبع ملامح وجهه وبسرعه تغطت وصدت
سعود :ياربي شفيني انا اشوف البنت جذيه صج ما عندي سالفه ، وطلع من المستشفى وهو يفكر في الوجه اللي شافه
الدكتور: فين أهل المريضه العنود؟
أم سعود وأبو سعود قاعدين على الكراسي : أي احنا أهلها خير يادكتور؟
الدكتور : هي صحيت وطلب امها
أم سعود : انا امها وهذا ابوها
الدكتور: طيب تعالوا معاي
دخلوا عند العنود اللي كانت تفتح عيونها بصعوبه جات ام سعود ومسكت يد بنتها راحت العنود ترص على يد امها عشان تحسسها انه معاهم
ودارت بعيونها بالغرفه وشافت شايب وجهه من التعب ذبلان وله سكسوكه بيضه أقصى وجهه كان متكي على عصاه كان أبو سعود أبوها اشرت له بعيونها انها يقرب وجاها ضمت يد أبوها بشوق كأنه تطمنه انها بخير
خرت دمعت الشايب من فرحته بشوف بنته

راحوا يبشرون سعود وعبدالعزيز والأهل انه العنود قعدت من الغيبوبه اللي ما طولت والحمدالله هذا بفضل دعاء الوالدين لها وحب الناس واهلها لها
راح سعود يستفسر عن أجرأت السفر والحجوز ويحاول يخلص الأوراق اللازمه ولو انه في بعضها تعطل بسبب الأجازه لانه كان جمعه وسبت

ترقبوني في البارت القادم من ظلال الحب

[أريج الورد]

يــســـملــوووووووووووووووووو

عالبارت روووووعة تســلــم ايــدك عليه


في الانتظااااااااااااااااااااااااااااا البارت الجااااي






دمــتــي بـــود

[شموخ قطر]

احساس جميل ان تجد نفسك بعد بحث طويل عنها
واحساس مرير جدا ان تفقد نفسك بعد ان وجدتها

كان سعود يحاول يخلص الأجراءات يوم الأحد كانت حالة العنود مستقره بس الكسور بليغه وكانت عند العنود شيخه ودانه ولبنه وطرفه وام طرفه معاهم <<<< بدويه ماتخلي بنتها بروحها
طرفه: عنودي شي يوجعس ؟؟
العنود: لا حبيبتي الحمدالله بس مو قادره اتحرك من الجبس والم في راسي
طرفه: اسم الله عليس وانا اختس الله ياخذهن من حريم اسدحنس في الدختر عيونهم حاره ما تعطي خير
أم طرفه: أيه يابنت الله يهداس متفصخه وترقصين قدام عجايزنا
طرفه : يمممممممممممممممممممممه
ام طرفه: شبلاس علي أنا اقول الصدق
طرفه عنودي ما عليس من أمي تخربط احياناً
العنود: لا محشومه خالتي كلامها كله صح وعدل
أم طرفه : انا بروح أشوف أم سعود شخبارها وين راحت
طرفه: عنودي لاتزعلين من امي تراها عفويه
العنود: أفا عليج بس لا مازعلت
شيخه : عنودي فاتج انا أمس جيت مع من تتوقعين ؟؟
العنود: شدراني ياشيخوه
شيخه: مع سوسو
لبنه : ياشينك ياشيخوه سوسو مش لايق عليك الدلع طالع من حلجج وحش
شيخه : انا حلمانه اني ذابحه حد اليوم ونهايته قربت ، لا عيل حماده ريال شكبره شواربه تارسه وجهه تناديه حماده بااااااااال اتخيل محمد أخوي مرته تقوله حماده والله يصلخها حيه
البنات:هههههههههههههههههههههههههههههههههههههههه
العنود: وشلون جيتي معاه
شيخه: ابد والله دقيت على البيت ورد علي وقلت لها اني ابيج وقالي السالفه عاد ما اقولج عني فجيت حلجي وتميت اصيح
العنود : وبعدين
شيخه وهي تسبل بعيونها : اااااااااااااااااااااه هدء من روعي ياعنودي
العنود: اف اف خلاج تتكلمين عربي فصحى بعد ههههههههههههههههههههههههههههههههههه
شيخه : ااااااااااااااه لو تدرين شلون أحبه مالمتوني قسم بالله احبه كثر ما تتنفس الناس وتزفر أحبه عدد دقات قلبي لاشافته كثر ما ارمشت عيني اااااااااااخ يابنات
لبنه: انتي مش هينه ميه من تحت تبن طرفه ايه الجمله بتعتك لما نقول حاجه وحشه
طرفه : عجزتيني من كثر ما اعيدها (( عيب ومنقوووود عند العرب )) حفظتيها
لبنه: ايوووووه هي دي عيب ومنقوده عند العرب
طرف : مب منقوده لا حول الله منقود بدون الهاء
لبنه : طيب لا تصرخين شديه فضحتينا اف
شيخه : طيرتوا الرومانسيه اللي فيني طلعت الدفاشه استغفر الله منكم
البنات :ههههههههههههههههههههههههههههههههههههههههههههههههه ههههههههههه
طلعوا البنات من عند العنود الساعه 5 المغرب وكان موعد السفر ترتب خلاص سعود بيروح مع امه
شيخه حاولت انها تكون معاهم بس ما وافق أخوها محمد
ويوم الثلاثاء كان السفر لألمانيا – ميونخ
كانت الطياره الفجر
قبلب السفر بيوم يعني يوم الأثنين
سعود: يا عبدالعزيز انا والله لو شايف لروحتك داعي بقولك تعال بس العنود ما عليها شر
عبدالعزيز : لا ياسعود انت بتكون بروحك ومامعام ألا أمك يعني بتمل منها اكون معاكم ومنها اونسك >>>>حجه عشان يشوفها
سعود :والله يا عبدالعزيز على راحتك بس احناحجزنا خلاص
عبدالعزيز : خلاص انتوا سبقوني وانا بلحقكنم بأذن الله
سعود: على خير يله بينا تلفون

وفي بيت الخاله أم محمد
شيخه: اف من محمد ولدج لو انا رايحه مع خالتي وعنودي شبيصير
أم محمد : اللي تشرب الشاهي وطالع بنتها بنظره بطرف عينهت :شيخووووووووه اقطعي السالفه لا يسمعج اخوج
شيخه : ولدج متخدي عقله في اجازه شوفيه شلون يكلم مرته مالت عليها وين ماخذه ولدج صج بنت فقر
طالعي طالعي شسوي الحمدالله والشكر
محمد اللي كان جالس يكلم زوجة المستقبل عرسه بيكون في شهر 7
محمدبعد ما خلص تلفونه : حيالله ام محمد شلونج يمه وشلون بنت خالتي العنود ؟
أم محمد: طيبه وانا امك بيسافرون انشاء الله يوم الثلاثاء

بيت العم سلمان :-
مريم : عمتي متى رحلة العنود ؟
أم خليفه: والله يقولون الفجر يوم الثلاثاء
خليفه : الله يشفيها ان شاء الله
عبدالعزيز اللي سرحان والكل كان ملاحظ شروده
دانه: عزيزان بيعنا في السوق ؟
عبدالعزيز: اشتريج بالغالي يا دندونه
دانه : اللي ما خذ عقلك يتهنى به
عبدالعزيز : والله اللي ماخذ عقلي الشغل اللي صار له فتره مهمله
أم خليفه :لا وانا أمك الا حلالك هو عديل الروح ولا تضيع شغل سنين في يوم انت ياوليدي تعبت درست تجاره برا وجيت وأسست شركتك بروحك يعني انسان عصامي لا تتراجع وانا امك خل خطواتك ثابته واستمر والله يوفقك
عبدالعزيز : اللي يقبل يد أمه : الله يخليج لي يا وجهه االخير لولا دعائج ما توفقت
أبو خليفه اللي توه داخل البيت : ايييييييييييييييييه يا عزوز وابوك
عبدالعزيز : انت الخير والبركه مانوفي حقك بكلمه
أبو خليفه : خليفه شصار في تقارير هلك
مريم اللي حست بغصه ومراره كل ما انفتح هالموضوع
خليفه : أي ابشرك يا يبه امورنا طيبه انشاء الله
أبو خليفه اللي شاف نظرة الحسره بعيون مريم مهما كان هي في غربه عن اهلها مو معاها في نفس الديره : مريم وانا ابوج انت ام سلمان اذا الله راد وانا ابوج ما في شي بعيد عن رب العالمين
مريم اللي الدموع تجمعة في عينها : انشاء الله ياعمي
أم خليفه :أي الله كريم 7سنين فاتت والخير جاي
أبو خليفه: شرييييييييييييييييفه اقطعي
مريم استأذنت وراحت ملحقها اللي ارتمت في حضن سريرها اللي جرت عليه وناتها : ليش ياربي انا اللي ما ابي ليش تعاملني عمتي كذا وينج ياأمي اااااااااااااااااااااااااه غربه وجراحها وحرمان لا ما اقدر اتحمل راحت تفتح الدرج اللي في غرفت الملابس تشوف الملابس اللي كانت شاريتها حق البيبي وتحظنها وتبكي بحرقه لين دخل عليها خليفه : حبيبتي يا روح خليفه انتي
مريم : انا روحك؟
خليفه اللي مسك ايدها وقومها من الأرض : انتي دنيتي يا مريومه من لي غيرج
مريم: سمعت كلام عمت........ حط يده على فمها
خليفه : اششششششششش بس خلاص انا وانتي مرتاحين خلهم يقولون اللي يبون انتي بيبيتي انتي النونو مالتي وانا النونو مالج يا ميمي حياتي انتي امشي بدلي خلينا نطلع
لما اطلعو من البيت أم خليفه اللي انشوت من الغيض
ام خليفه : هذي مسويه لولدي شي صاده بقلبه عن العيال
عبدالعزيز: يا يمه هو مرتاح مع مرته ومستانس انتي ليش حارقه دمج انا ابي افهم
أم خليفه: عاجبك حالهم كذا لا ولد ولاحد يرد الصوت في ذا البيت
عبدالعزيز : لاحول الله كيفهم انتي شتبين فيهم يايمه خليهم براحتهم متى ما ربج رزقهم بتشوفين عيالهم
وطلع عبدالعزيز من البيت كان الجو بارد بس حلوووو كانت الساعه6 بعد المغرب
ركب عبدالعزيز سيارة متجهه للمستشفى أول ما وصل شاف نايف بس متى جاء
نزل وسلم عليه بحراره لانه صار له سنتين ماشافه
عبدالعزيز: حمدالله علي سلامة العنود
نايف :الله يسلمك استغفر الله الدريول طلع ما صاده شي والخدامه جروح واطلعت واختي اللي تكسرت فديتها
عبدالعزيز: هههههههههههههههههههه الأسيوين لهم 7 اروح
نايف :هههههههههههههههههه أي والله الحمدالله على كل حال
عبدالعزيز: متى الوصول
نايف اليوم
عبدالعزيز: بتطلع معاهم باجر
نايف أي أكيد معاهم
عبدالعزيز : والله انا بلحقكم عقب
نايف اللي عقد حواجبه ؟؟؟ليش ما له داعي
عبدالعزيز : لا ياخوي له داعي هناك ربعي بالسفاره وبمشي لكم أموركم ومنها نشبع منك
نايف : انا ماينشبع مني يا عزوز
عبدالعزيز:ههههههههههههههههههههههههههههههه أدري تعال انت للحين تبي تاخذ اللي معاك بالجامعه ؟؟؟
نايف: لا وين عقلنا وهي تيسرت في طريجها
عبدالعزيز: اما انت راعي طلعات شفيها من الزين شقراء حمره ما فيها ملح
نايف :بعد قل عقل ونظر
عبدالعزيز:الأعتراف بالحق فضيله

في غرفة العنود:-
سعود : يا عنودي بكره السفر والجامعه لاحقه عليها خلي حد يشوف لج موضوع الجامعه يعني حد من ربعج
العنود:لا لا مايصير هذي اخر سنه لي مستحيل لازم ارجع خلال أسبوع او 10 أيام
سعود: طيب خير انشاءالله ولا يهمج بس وافقي خلينا نخلص مع المستشفى عاجبتج حالتج كذا
العنود: طيب من بيروح
سعود: نايف وانا وامي وعقب بيلحقنا عبدالعزيز
العنود: عبدالعزيز اااااااااااااخ راسي
سعود: هاه هاه شوي شوي شبلاج
العنود: لا لا ولا شي
سعود:يله عيل انا اترخص بروح اشوف امي نايف دخل عليج
العنود:أي فديت وجهه من قال له والله خرعتوه
سعود:من غيره علوي اخوج المخروش
العنود: ياعلني ماخلا منكم يا اخواني ياعزوتي ودمعت العنود غصب عنه
سعود:اللي كسرت خاطره اخته :عنودي لاتسوين فلم هندي يله من رخصتج
سعود بطل الباب الا التطم بجسمه جسم انثوي مسك اللي التطم فيه :سالمه سالمه فيج شي
سعود اللي ما عرف من هذي وحده حلوه كيوووت عيونها عسليه كبيره وجهها قمري سبحان من صور
شيخوه اللي اختبصت وتغطت على طول وتحاول تفك يدها من يد سعود : لا لا ما فيني شي انت صادك شي ؟؟
سعود: لا تفضلي
شيخه:دام فضلك
سعود :من هذي ياربي وجهها مب غريب بس مضيع شايفه بس وين وين ؟؟؟؟
العنود: يالمخرووووشه ياشيخو بغيتي تكسرين اخوي يادبه
شيخوه اللي تمشي وتترقص وتغني : صدفه ومن بين كل الناس علقني من يوم شفته وعيني جات في عينه
مسك يدي وقام يوصفني ولا تمنيت ايديني تترك ايدينه
العنود: يالله العقل نعمه انثبري لاتجي امي تشوفج توديج لاقرب مطوووع
شيخه :يا حلوه من جنون والله كل مطاوعت الدنيا ما تشفيني من حبه
أم سعود: من هذا ياشيخوه اللي تحبينه
شيخه:تبلعمت هاه : حب أبوي فديته
ام سعود: الله يخليج له بس بكره يجي الرجل وياخذ غلاه
العنود: لا يايمه الا غلا هلي ما يبدله ألف رجال
شيخه: أي صادقه
أم سعود: أي البنت ما تتبدل على اهلها بس الولد الله يستر منه بنت الحرام تقسي قلب الولد على هله
شيخه:لا يا أم سعود سعود ونايف وعلي معدننهم اصيل ما تبدله مره
أم سعود: أي والله بس الله يستر من هذي اللي يبيها سعود هي وش اسمه يا عنود
عنود: هاه يمه أي بنت
أم سعود: اللي معاج بالجامعه يمه أي أي اسمها ((ساره ال......))
شيخه : اللي تحس بشي يقطع في قلبها يا غصتي يا حرقتي : أي ياخالتي الله يوفقك وخطبتوها
أم سعود: لا انشاء الله لا رجعنا بسلامه اروح اشوفها
شيخه: الله يوفقه خلاص عنود مع السلامه اشوفج على خير وتروحين وترجعين بسلامه
العنود اللي كانت حاسه بحرقت قلب شيخه : الله يسلمج يا شيخه
شيخه : مع السلامه يا خالتي أم العنود
حتي اسمه اكرهت تنطقه ما تبي تذكره ليه يا سعود تمشي في ممرات المستشفى بلا هدف حب الطفوله اتهدم انتهى سعود بيخطب ياليتني مت ولا سمعت هالخبر
محمد: اللي كان واقف مع سعود والربع استأذن وراح صوب اخته :شيخه شيخووووه
شيخه:نعم
محمد:وين ررايحه ؟
شيخه:البيت
محمد:شيخه فيج شي
شيخه:لاء بس ودني البيت
سعود اللي كان واقف يتأمل العباه هي هذي اللي اصدمتني هذي اللي يدها كانت مثل الحرير :علوي من هذي اللي مع محمد
علي : هذي شيخه أخته أكيد لانها من شوي كانت عند عنودي
سعود اللي تم يناظرها ويتبع خطواتها كأنه يودعها وهي اللي تناظره بنظرة قهر وحسره بس للأسف ما يشوف عيونها ولا شاف انكسار الدنيا فيها
وركبت السياره وهي تجر رجلها جر وكانه حمل كبير عليها : محمد ابي ماي
محمد اللي كان يشوف حالة أخته كسيره ما يعرف شفيها بس فسرها انه من فراق عنود : ابشري اللحين اجيب لج
شربت الماي بهدوء
وكانت تناظر الطريق وهي ساكته :-

من يومني صغير اعشقك و أتأملك
حتى تفرعن بي غلاك و سادنـي
كبرت احبك بس صـرت اتخيلـك
غبـي تعلمنـي غـلا و اجادنـي

من أولا أشوفك و اعشق آدللـك
واحب خيط العـذر لامـن قادنـي

و الحين لامني و لهت و جيتلـك
قام أيتصيدني الحزن و أصطادني

فالشارع اللي هيبته هيبـة ملـك
اللي تهجـا خطوتـي و أعتادنـي

من تحت شباكـك وودي أسالـك
يغلا من أغليته غلاك أش فادنـي

لو أدري أن مستقبلـي مستقبلـك
ما كان نقصني الغياب و زادنـي

هنا و بس و لاتضايق و أزعلـك
بقفي فمـان غيابـك وماعادنـي

لا أقفيت عن عينك رجعت و قلتلك
تكفـا ليـا قفيـت عنـك نادنـي
يوم السفر الساعه 12:15 ص كانت العنود على كرسي متحرك وأمها جنبها وسعود ونايف و عبدالعزيز يخلصون اجرأت السفر
سعود:ما قصرت يا عبدالعزيز تعبناك
عبدالعزيز :لا ما به تعب الغالي تعبكم راحه
نايف:نتعب في عرسك انشاء الله
عبدالعزيز: انشاء الله
سعود :ياله مع السلامه
نايف :ياله ياولد العم نشوفك قريب
عبدالعزيز: انشاء الله اخلص اجرأتي واجيكم والله يحفظكم بس اذا ممكن اسلم على الوالده >>>>حجه يبي يشوفها
سعود: أي اكيد حياك
راحوا الشباب صوب أمهم واختهم العنود: يمه شيبي عبدالعزيز جاي
أم سعود: شدراني اكيد بيسلم تغطي
عبدالعزيز: السلام عليكم شلونج خالتي ؟؟
ام سعود: طيبه ما قصرت ياولدي تعبناك
عبدالعزيز: تعبكم راحه يا خالتي اذا ما تعبنا لكم نتعب حق من ؟؟ <<<< يعني بالكلام العنود
أم سعود: ما تقصر يمه سلم على هلك
عبدالعزيز: الله يسلمكم وتوصلون سالمي
عبدالعزيز: العنود ماتشوفين شر صج متأخره بس اعذريني يا بنت العم >>>> استغل فرصه انه ام سعود تكلم عيالها على جنب
العنود: .........................................
عبدالعزيز: تروحين وتردين بالسلامه
العنود: يمه نادي اخواني ما بقي شي عن الطياره
عبدالعزيز: طيب يالعنود انتي لي انا وانا معاج لأخر الدنيا
أم سعود: هاه يمه العنود يله نمشي
نايف :خليها يمه انا ادز الكرسي
عبدالعزيز: يله مع السلامه
ركب سيارته وهو متضايق ليش تصده ليش
ادعي علي بالموت ولا سمني
بس لا تفارقني دخيل الله وتغيب
طال السفر يا بعد عمري همني
شلون اودع بالمطار اغلى حبيب
تعال قبل تروح عني ضمني
أقرب من أنفاسي ترى حالي صعيب

[شموخ قطر]

أكبر قهر لاضاع عمرك مع انسان
تبغي غلاه وهو يبغي شخص ثاني

شيخه وهي تحاول تجمع باقي صور انثرتها قهر فوقها دمع وحزن ليه يا اعز الناس تجرح الاحساس كانت تصرخ بصمت تحس بحرقة جووووفها مستحيل حبي يروح كذا ينتهي مني ويهديني جروح ليه يا سعود والله انك ارخصت بشخص يغليك لكن مسير الدنيا تثبت لك انك انت اللي خسران مو انا اذا انا خسر فخسارتي عمري اللي ضيعته في حب من طرف واحد

في الطياره :-
العنود: يمه يمه اف يمه عطيني العكاز بروح التواليت ،،، يمه يمه
أم سعود: هاااااااااااه يمه مانمتي ؟؟؟ هاج العكاز
العنود: لا يمه ما أعرف انام في الطياره
قامت العنود من مقعدها بصعوبه وهي تحاول تروح للتواليت بدون ماتزعج حد كان الجبس مثقل حجمها الصغير
وهي تحاول تفتح باب التواليت جاتها المظيفه تساعدها وافتحت لها الباب
العنود: Thnx
المظيفه : العفو انا اعربيه ههههههههههه
العنود: ههههههههههه اسمحي لي مشكوره
المظيفه: العفو اتفضلي وانا استناكي هنا
العنود: طيب ماتقصرين
دخلت العنود التواليت وهي طالعه كانت تتلفت يمين ويسار علق العكاز بفتحت باب الحمام تحاول اجره لكن ما فيه فايده
؟؟؟؟؟؟: اساعدج ؟
العنود: اللي انصدمت من الجراه تمت ساكته
بدون مايلتفت لها طلع العكاز لها: تفضلي بس حاسبي على نفسج مره ثانيه
كان الممر ظلام ما قدرت تشوف من هاشخص ألا الجاكيت الاسود لما راحت اجلست مكانها التفت على يسارها لقت مقعد فيه امره كبيره في السن وصاحب الجاكيت الاسود جالس جنبها فاتح الاضاءه وجالس يقرا صدت على طول كانت ملامحه حاده اسمر اللون له شنب اسود خفيف كان ضعيف بس ماكان ملفت يعني جماله عادي بس سماره حلو وعيونه حلوه كبيره سوده

جلست تفكر العنود : صج هالريال جريئ شلون قدر يكلمني اف من تفكيري الريال شافني معلقه عند الباب وساعدني ليه انا مكبر الموضوع ما ادري ،غفت العنود وهي تسمع قرآن

سعود: العنودي عنودي قومي وصلنا
العنود: هاه وصلنا ؟؟؟
سعود: أي يله وين جاكيتج برا ثلج درجة الحراره 2 تحت الصفر
العنود اللي قرصها البرد من اسمعت بس الدرجه : أي بشنطه عند امي
لبس أخته جاكيتها وطلعوا لها الكرسي المتحرك وصلوا الفندق اللي كان هااااااادي خذوا الغرف العنود وامها في غرفه وسعود ونايف في غرفه ناموا لين الساعه1 الظهر من التعب
صحت العنود من النوم كان يوم الاربعاء قعدت امها اللي ساعدت العنود عشان تتوضاء وتصلي وبدلت ملابس بنتها
العنود: الووووووووووو سعود قعدتوا
سعود: أي قعدنا واللحين انا بجيكم عسان نطلب لامي غدا ولا شي تشربه
راح سعود لغرفة اخته وامه وطلب لهم شاي
أم سعود: ياولدي هذا حلال ؟؟
سعود: يمه هذا ماي ولبتون وين الحرام فيه
أم سعود: وانا شدراني ياولدي هذولا نصارى ويهود انا شدراني وش بيحطون لنا يمكن بيسكرونا انا وبنتي
سعود: ابد يا أم سعود أرقدي وامني كله حلال انشاء الله

وبعد ما تغدوا نزل سعود والعنود ونايف تحت يتمشون ويشفون الثلج بس العنود كانت موجوعه وتكابر

وفي قطر :-

دانه : يا بعد عمري يا عنودي خاطري اكلمها خليفه عندك رقم سعود ادق عليه بموت واكلمها
خليفه : اسم الله عليج من الموت دقايق وتكلمينها ، مريومه جيبي تلفوني حبي من القسم
مريم: ابشر
خليفه: لا هنتي حبيبتي ، هلا سعود حمدالله على السلامه متى الوصول ؟؟
سعود: هلا والله وصلنا الساعه 6 ص
خليفه : وشلون مريضتكم
سعود: ماعلييها شر
خليفه : عندي هلي يبون يكلمونها
سعود: ابشر
خليفه : هاج العنود
دانه: عنودي يا بعد عمري
العنود: اللي خانقتها العبره فديتج والله حبي وحشتيني
دانه : وانتي اكثر
العنود: شخبار اهل قطر طيبين
دانه : يسلمون عليج ياشمس قطر انتي من يوم غبتي اظلمت قطر وضاق خاطر اهلها >>>>> طالع عبدالعزيز
كل القاعدين فاهمين قصد دانه
العنود: يالبيه دار ابو مشعل والله امس مودعتها كنها سنه
دانه: ترجعين سالمه لها يا شمس قطر انتي ، ياله مانبي انطول عليج اذا خذتي رقم من هناك طرشي لي مسج
العنود: انشاء الله سلمي على الأهل
دانه : يبلغ ياله مع السلامه
التقتت العنود تبي تعطي اخوها التلفون الا لقته يسولف مع شاب طويل بس ........... هذا ......اللي بطياره باااااااااال صج فضيحه والله فضيحه اللحين شلون اتغشى
مشعل : شلونك يا سعود وين الدنيا عنك
سعود: والله مشاغل ، هاه ما تزوجت
مشعل : تزوجت وانفصلت
سعود: عليك حد من العيال
مشعل : لا والله الزواج شهرين بس
سعود: الله يعوضك خير
مشعل:وانت ؟؟؟ ماتزوجت ؟
سعود: والله ادعي لنا باتوافيق قريب انشاء الله نخطب
مشعل :الله يتمم على خير ، الا شعندكم هنا
سعود: والله اختي الصغيره صار لها حادث من أسبوع وتعورت رجلها وجاين نشوف لها اعلاج هنا
مشعل: ما عليكم شر
سعود :الشر مايجيك
تبادلوا الأرقام وكل واحد راح في طريق

العنود: من هذا سعود؟
سعود: هذا واحد أعرفه كان معاي ايام الدراسه برا
العنود: اها مشاء الله يذكرك لين اللحين
سعود شرايج يعني تغير شكلي ؟
العنود: مب قصدي بس اسال
نايف :اقول انا ثلجت من البرد امشوا نطلع فوق

اطلعوا للفندق وتموا طول اليوم في الفندق لانه كان في عاصفه ثلجيه احبست الكل في البيت
وثاني يوم الخميس الساعه 8:10ص كانت سياره السفاره تحت مع المترجم
وراحوا للمستشفى وطمنهم الدكتور انهاعمليه بسيطه جداً وراح تخلص في ساعتين وتحدد مو عد العمليه كان بعد اسبوع

هل بيلحق عبدالعزيز عليها قبل العمليه وشسالفة مشعل؟؟؟

انتظروا التطورات في البارت القادم

[أريج الورد]

شموخ ليه تحطين لنا بارتات قصيرة حطي شوي أكثر بجي رمضان واحنا ماخلصنا


الله يعطيج العافية

[شموخ قطر]

مساء الخير
أريج الورد اشكر لكٍ متابعتك وتواصلك معي ولكن انا راح انزل لين اخر بارت وصلت له لانه مازلت الروايه قيد الكتابه

وعندي استفسار :-

هل انتوا حابين اكمل الروايه في رمضان وانزل البارتات او لاء ؟؟؟؟؟

[أريج الورد]

مسار الفل والياسمين


عادي نزلي حتى لو ماقريناها نقراها بعد العيد

لكن اذا انتي تتضايقين ان تنزلين ومايكون في متابعة خليه بعد رمضان


سوي اللي يريحج واحنا راضين


بس القصه مشوقة خاطرنا نعرف النهاية خصوصا ان بالنسبة لي انا اول مرة اقرأ رواية قطرية



والله يعطيج العافية

[شموخ قطر]

ياخفوقي شفت وش سوا هواك اسألك بالله عن حبه دعــــــــــــك اتركه يرحل وخذ جرحك معاك كلها ايام وتنسى موجعـــــــــــك وان تضايقت وذكرت انه نساك اذكر انه يوم قلبه ما وسعـــــــــك ولا يغرك لو رجعلك واشتكاك لاينزلك الهوى بعد ما ارفعــــــك


في بيت أم محمد((خالة العنود))

شيخه: يمه كلمتي خالتي والعنود ؟؟؟
ام محمد: لا والله يا شيخوه ما دقيت وانتي كلمتيهم
شيخه:لا يمه أمس طرشت لي العنود رقهنا
أم محمد: عوووووووووش عووووووووش وصمخ ،،جيبي جوالي بغرفتي فوووق
عوش اللي مبققه عيونها على اللوب توب : اف اف زين يمه
شيخه: عوووش وجوالي بعد
عوووش : خدامتكم انا
أم محمد : يا علج الوجع بنت ألسانها كذا جيبي التلفونات وانتي ساكته يابنت
عوش : طيب طيب
هاكم رمت الجولات على الطاوله
أم محمد: وجع شوي وشوي على التلقون
شيخه: بدقين يمه ولا ادق ؟
أم محمد :انتي عندج الرقم دقي
شيخه : طيب انا اللي بدق
ألووووووووووووووو هلا بالغاليه شلونج وشلون أمج
العنود: طيبين الحمدالله خالتي شلونها عندج
شيخه :أي هاج تبيكم
أم محمد: هلا يمه عنودي شلونج وشلون أمج واخوانج
العنود: طيبين ياخالتي وانتوا من صوبكم
أم محمد: بخير يامال الخير يانور قطر انتوا
العنود: خالتي لا تخليني ابكي
أم محمد: وهي تبكي لا يايمه انشاء ترجعين وانتي تمشين على ريولج واشوفج عروس
العنود: اللي تبلع ريقه بعبره ياخالتي لا تعورين قلبي
أم محمد: زين يمه سلمي على هلج وهاج شيخوه
شيخه: هي انتي شسويتي في امي قلبتوها فلم هندي
العنود: فديت خالتي ،، المهم شيخوه انا آسفه عشان الموضوع انا ما كنت عارفه شلون اقولج
شيخه: أي موضوع وشسالفه ؟؟
العنود: موضوع سع.........قاطعتها شيخه وقامت من عند امها
شيخه: العنووووووووووود ، أرجوج الموضوع انتهى واحنا علاقتنا بعيده عن هذا الموضوع
وياليت تحترمين مشاعري وقفلي الموضوع اصلاً كان لعب عيال ههههههههههههههههههههههههههههه كنت امزح ما أحبه لاحول الله محد يمزح وانتوا قلبتوا الموضوع من جد هههههههههههههههههههههههههههههههههههههههههههههههههه
العنود: اللي تمت تبكي بصمت على حال شيخه
شيخه: عنودي متى عمليتج
العنود: اللي تحاول تكتم بكيها (( عمليتي بعد بكره ))
شيخه: تقومي بالسلامه خلاص بينا تلفون يالله سلمي على خالتي
العنود: الله يسلمج يا قلبي مع السلامه

في نفس اليوم كان عبدالعزيز في الطياره تمر عليه الذكرى لما دخل على العنود مجلسهم يوم العيد ولقاها بروحا جاء وركع تحت رجلها
العنود: يا مجنون اطلع برا للحين تجي امك ودانه ومريم اطلع
عبدالعزيز: والله ما أطلع قولي احبك يا عبدالعزيز وبطلع
العنود: مب قايله
عبدالعزيز اللي تربع وهذي قعده مب طالع
العنود: امانه عزيزان اطلع امانه
عبدالعزيز: يالبى الدلع عليج الدلع يتعلم منج
العنود اللي استحت وارتخت شيلتها شوي وراحت وعدلتها
عبدالعزيز: ااااااااااااااااااااااااه فديت المستحي انا قلت بتغفلين وبطيح الشيله واكحل عيني
العنود: عزوز اطلع امك بتجي وبنصير سالفه لهم اطلع
عبدالعزيز : مب طالع
باب المجلس كان زجاج عاكس وكانوا البنات وام خليفه جاين
العنود: الله يخليك اطلع عبدالعزيز بليزززز
عبدالعزيز: يالله بلييييز مي طالع قولي أحبك
العنود: انا ما احبك انا اموت فيييك بس اطلع عبدالعزيز اللي من الفرحه ضربها بالمخده وشقح من دريشة المحلس وطلع تمت العنود تضحك
الله ياذاك اليوم ابتسم عبدالعزيز اللي قال بصوت مسموع كل العذارى مايسونج يابنت عمي
نزل للمطار جاها بشوقه ولهفته وهو يحاول يذكرلحظاتهم الحلوه في كل مناسبه كان يشوفها وكل ما مر بباله شي تنهد وتفدا زولها ورييحة عطرها يالبيه يا ريحة عطرها ماانساه

لما وصل للباب كان نايف في انتظاره وركبوا السياره
نايف: نورت ألمانيا ياولد العم الله يغرب الغلا كيف يذل راعيه
عبدالعزيز اللي انحرج من نغزات : أي والله غلاكم جابنا يا عيال عمي
نايف :أي رقع رقع المهم ترى عمليتهم عقب بكره وبتدخل بكره المستشفى
عبدالعزيز الله يقوها بالسلامه
نايف: الله كريم
وصلوا للفندق وشافوا في اللوبي مشعل وسعود ومعاهم سواق السفاره
سعود: هلاااااااااااااااااا بولد العم وسلموا على بعض
عبدالعزيز: هلا فيك شحالك وشحال الاهل
سعود: طيبين حياك ،أعرفك مشعل رفيجي من ايام الدراسه عبدالعزيز ولد عمي سلمان
مشعل :يمد يده هلا باعبدالعزيز
عبدالعزيز: هلا فيك يا مشعل يامرحبا، انا استأذن بروح ارتاح تعبان
الشباب :الله وياك روح ريح
طلع الاصنصير كان الدور 8 نفس دور بيت عمه شاف العنود ففي الممر تتكلم بتلفون كانت على كرسيها المتحرك مقابله الشباك الكبيرر اللي في الممر
العنود: يالبنوه لا تعورين قلبي
لبنه : ألبي معاكي يا روحي والله بدعي لك في كل صلاا والله ياعنود بحبك زي اختي
العنود: طيب مادريت انه فراقي بيخليج تبكي
عبدالعزيز: افراقج يذبح ياعنود
العنود اللي أنهت المكالمه وفرت كرسيها بشويش
العنود: ,,,,,,,,,,,,,,,,,,,,,
عبدالعزيز: افرقج خلاني جسد بلا روح
العنود: الحمدالله على السلامه
عبدالعزيز: الله يسلمج
العنود : اللي حست بضعف وهي تشوف خطوط التعب مرتسمه على وجهه والهلات السوده تحت عيونه وشعره المتناثر على جبينه ضاعة في صوته من زمان ما شافته حاولت تخفي خوفها قرب منها عبدالعزيز وزادت ضربات قلبها وخرت عنه شوي تحركة بكرسيها

عبدالعزيز: افا ياببنت عمي انا ابي قريج وانتي تبعدين ليش؟؟
العنود: عبدالعزيز انت شتقول ؟؟؟
عبدالعزيز: شقول انا احبــــــــــــــــــــــــــــــــــــــــج مستحيل اعيش دونج انا تركت اشغالي وهلي كلهم وجيتج عنود أنا أحبـــــــــــج تفهمين أحبج
العنود: وانتي خنتني ولا خليت لك غلا بقلبي ياعبدالعزيز انا ادري انه بيجي هاليوم اللي انتواجهه
انا ما ابي اجرحك
عبدالعزيز: اللي نزل على ركبته :العنود انا عرفت السبب بس والله واللي خلي مابه أغلى من الله انه مابيني وبينها شي هذي تزعجني تتصل وتقول معلومات عن البيت عن دانه وعنج وعن بنت أبو محمد اللي أسمها دانه ، وانا كنت ابي اعرف من وين جابت هالمعلومات وكنت اسايرها !!!!!!!
العنود: معلومات أي معلومات شتقولك
عبدالعزيز: تقول انكم يعني فالتين واللي قالي عنج انج في فيلاجيو هي كان اسمهااااااااا ؟؟؟؟؟ نسيت والله
العنود: اسمها انجود ؟؟
عبدالعزيز: أي صح انجود هي عطتني اسم ثاني بس انا طلعته من رقم التلفون
العنود: احنا فالتين وانت صدقت
عبدالعزيز: الصراحه لا بس كنت ابي اقطع الشك باليقي جيت وراج فيلاجيو على كلامها
العنود: وشنو شفت في فيلاجيو
عبدالعزيز: شفت احلى عيون في الدنيا (( جر الكرسي صوبه ))
العنود: اللي بين الحياء عليها وحمرت خدودها
عبدالعزيز: فديت الخجل انا يالبيه عنود وحشتيني موووووووووت يابعدهم انتي
العنود: عبدالعزيز !!!
عبدالعزيز: لبيه
العنود: انت جرحتني
عبدالعزيز: رب العالمين يغفر كيف احنا
العنود: رب العالمين كاااامل وواحنا بشر والكمال له وحده
عبدالعزيز: انتي قلتيها احنا نغلط وخير الخطائين التوابين وانا طالب منج فرصه وحده بس
العنود اللي انسحبت بصمت وهي رايحه بغرفتها : عبدالعزيز اللي صار كسر فيني اشياء وايد
قالت جملتها وهي معطته ظهرها على كرسيها واتجهت لغرفتها
تم عبدالعزيز واقف مكانه محتار مو عارف هل بتسامحه ولا لاء ؟؟
ثاني يوم كانت العنود تبرز اثيابها للمستشفى اغلبها بيجامات وامها تساعدها ، وسعود ونايف تحت ينتظرون سيارة السفاره ، ومشعل كان جالس مع العيال تحت يتقهون وجاهم عبدالعزيز :صباح الخير يياشباب
الشباب: صباح الانوار
جلس معاهم وطلب له كوفي كان لابس جينز وجاكيت اسود وآيس كاب كا ن شكله يهبل اما سعود لابس بنطلون جينز كحلي وكنزه لونها اورنج وابيض ونايف كان لابس بنطلون اسود وبدي هاي نك اسود وجاكيت اسود كان استايله قريب من استايل عبدالعزيز
اما مشعل كان لابس جنز زيتي وبدي هاي نك بيج

العنود اللي كانت عيونها تدور في اللوبي تدور شخص واحد وينه لين التقت عيونها بعيونه كانها تضمه بعد غياب

توني حسبت حساب{ بعدڪ وفرقاڪتوني دريت اني بدونڪولا شيخليتني مابين طيفڪ وذڪراڪعذبت حالي ليش ما ترفق شويإرجع ولو تامرعلى الروح تفداڪإرجـــــــــعتراني شفت موتيوأنا حي..





وراح نايف ياخذ الكرسي عن امه : عنج يمه عنودي دبه بتعورج ظهرج
العنود: حرام عليك ،، نايف بليز شوف الشنطه
نايف : هم بيجبونها السياره
عبدالعزيز اللي قام يسلم على مرت عمه ام سعود : شلونج ياخالتي ؟؟؟ اسمحي لي امس جيت تعبان رحت ونمت
أم سعود: لاعادي يمه مسموح شلون اهل الدوحه ؟
عبدالعزيز: الدوحه واهلها طيبين بس ناقصنا وجودكم وانتوا شمس قطر وعقبكم اظلمت
العنود اللي انحرجت لانه هذا كلام دانه لها واكيد هو كان يسمعها
نايف اللي يوطي عشان يكلم عنود في اذنها : عنود من قدج ترى عزوز كذاب الحجي لج مب لأمي مسكينه صدقت هههههههههههههههههه
العنود اللي ضربت نايف على يده : قليل أدب نيوووف
مشعل اللي عيونه كانت بتطلع من مكانها لما شافت جمال العنود وكان ملاحظ الأستلطاف بين العنود وعبدالعزيز
ماكان فاهم جيت ولد عمهم بس عقب النظرات فهم السالفه وحس بالغيره لما شاف العنود بهالجمال ممكن ياخذها عبدالعزيز لا لا المغروض هو اللي يملك هالجمال

مشعل شخصيه مريضه يمكن سعود انقطع عنه فتره فاتغيرة اطباعه صار انسان حسود أي شي في يد الغير يحلى له ويحب يمتلكه والعنود كانت قطعه ألماس والمعت في عينه الله يكفينا شره


وصلوا المستشفى وكانوا العيال مع اختهم وومعاهم العاشق الولهان ((عبدالعزيز)) حطوا اختهم في الغرفه واجرووا لها المستشفى الفحوصات والأشعه اللازمه حق العمليه وكان عبدالعزيز معاهم مشعل كان يتصل دوم ويحاول يرز نفسه وسدخل نفسه بينهم يعني يعرض انه يجي لهم وكان سعود ونايف يقولون له مافيه داعي

نايف: سعود هذا رفيجك لزقه شسالفته
سعود: والله هو ماكان ملق بس ما ادري شفيه قلنا يعرض خدماته بس مب غصب جذيه
عبدالعزيز: تدرون انه مانزل لي من زور
نايف : ولا انا
سعود: ياااااااااااااااااااااه حرام هذا رفيجي
نايف : اسمح لنا يبه لا تمد بوزك هذي مشاعرنا اتجاه هاشخص
عبدالعزيز: احترم وجهة نظرنا ياخي

أم سعود: يا سعود ما أقدر اخلي عنودي بروحها بالمستشفي
سعود: يمه مستشفى شكبره وكله دكاتره ونيرسات يايمه امشي لا تفضحينا
أم سعود: سود الله وجهك انا افضحك
نايف يايمه فديت رووووووووحج بكره من الصبح من يأذن الفجر اجيبج هنا
ام سعود: كذبك يا نيووووف كذبك هناما فيه اذان
نايف لاحول الله يايمه قومي الله يصلج ما ينفع
ام سعود: ماراح اخلي بنتي وراي هنا
وبعد عناااااااااااااء طويل راحت ام سعود الفندق وهي تبكي لانها خلت بنتها بروحها في المستشفى

وثاني يوم الصباح الساعه 7 يوم الجمعه كانوا متجهين للمستشفى عشان عملية العنود
كان سعود ونايف وامهم وعبدالعزيز معاهم
اركبوا سيارة السفاره متجهين للمستشفى وام سعود تتصل في زوجها عشان تقوله
أم سعود: مرحبااااا شحاللك
أبو سعود : بخير يامال الخير شلونكم انتوا وشحال بنتي والعيال
أم سعود :ادعي لها فديتك تراها محتاجها دعاء و وزعوا صدقه تراها نص ساعه وتدخل العمليات وخنقتها العبره
أبو سعود: وهو غاص بعبرته على بنته ابشري ابشري سلمي على العيال ولطلعت من العمليات دقوا علي طيب
ام سعود: ابشر مع السلامه

وصلوا للمستشفي وكان جوال عبدالعزيز مايسكت مره امه ومره دانه وجوال أم سعود نفس الشي كل شوي أبو سعود ولا شيخه وكل ما قلت ام سعود :هلا يمه شيخه
التفت لها سعود وارتسمت ملامح شيخه قدامه ، طلع الدكتور وبشرهم انه العمليه ناجحه100% الحمدالله
بس تحتاج مراجعه يوميه لمدة اسبوعين عشان العلاج الطبيعي لرجلها
أم سعود وقفت في الشارع وتمت تورزع فلوس على الرايح والراد نايف: يايمه هذولا كفار مافيهم اجر
ام سعود :في كل كبد رطبه اجر وانا امك

وقامت العنود من البنج وطلعوها جناحها وكان في انتظارها أمها وأخوانها وعبدالعزيز اللي انحرج وجلس في الكوفي اللي تحت بالمستششفى

ياترى عنودي كيف بتكون بعدالعمليه تحس الالم ااااااااااااااه اسم الله عليج يالعنود ليت الوجع بعروق قلبي ولا فيج يابعد كل العذارى

انتبه عبدالعزيز للطويل اللي داخل من الباب اااااااااااااااااااااااااي هذا مشعل لاحول شجابه صج لازقه
عبدالعزيز: هنا يا مشعل حياك
مشعل : السلام عليكم
عبدالعزيز: وعليكم السلام
مشعل : وشحال مريضتكم ياربها طيبه ؟؟؟
عبدالعزيز: اللي حس بالغيره ((نعم)) طيبه طيبه الحمدالله
حاول مشعل يتجاهل نبرة الحده اللي في صوت عبدالعزيز : الا العيال وينهم فوق
عبدالعزيز بسخريه : أي فوق ليه تبي تطلع للاهل فوق بعد
مشعل اللي حس بنيرة صوت عبدالعزيز استفزازيه شوي : لا والله نعرف الأصول يا ولد الاصول عن اذنك انا استأذن
عبدالعززيز: الله وياك حياك الله

في قطر :-

شيخه : يمه يمه كلمة خالتي العود اطلعت والحمدالله العملية انجحت
أم محمد: كللللللللللوووووووووووووووووش الحمدالله ياربي الحمدالله يالبيه روحج يالعنود حمدالله علي سلامتها اللهم لك الحمد والشكر
عوووووش : شسالفه يمه
محمد: يمه شصار
ام محمد: العنود بنت خالتكم بخير الحمدالله طلعت من العمليات وانجحت عمليتها الحمدالله

[شموخ قطر]

دعيني أتغلغل في أعماق حياتك
وأعيش على صوتك ودفء نغماتك
وأدرس سحر نظراتك
يا من أذابتني روعة جمالك
فأنا عشقت لحظة صمتك
ورقة حوارك
يا من كان تاريخ ميلادي
يوم لقائك
دعيني أحبك؟؟
لكي تصبح حياتي
تضحيات أقدمها لكي
دعيني أحبك؟؟
لتصبح حياتي
هي حياتك!!
ودي أهديك يالغالي
من السما نجمها العالي
و من الارض معدنها الغالي
ومني أجمل ما في حياتي


يوم السبت الساعه 8:30 ص العنود تحاول تقعد على السرير تبي تاخذ جوالها اللي كان جنبها.
العنود محتاره ما تدري تدق على من أمها لالا حرام نايمه بدق على سعود: اف اف مسكر اكيد راقد مالي الا نايف
العنود: الوووووو صباحك الصباحي وورد الجوري والكادي
؟؟؟؟؟: هلا هلا صباح الأنوار
العنود: من معاي عفواً شكلي مغلطه
؟؟؟؟: لا هذا تلفون أخوج بس هو راح شوي وبيجي
العنود: طيب مشكور أخوي
؟؟؟؟؟:انا مو اخوج ؟؟
العنود: اللي استغربت من كلامه !! نعم ؟؟
؟؟؟؟؟: أقولج |أنا مو اخوج انا قلبج
العنود: صج وقح
؟؟؟؟؟: افا يالعنود انا تقولين لي هالكلام
العنود: من؟
؟؟؟؟؟ :انا عزيزان
العنوداللي ابتسمت بخجل وفرحه ياااااااااااااااه من زمان ماسمعت صوته من يوم السالفه : هلا عبدالعزيز شحالك ؟؟
عبدالعزيز: ايوووووه بتكلمين جذيه بسكر التلفون تكلمي عدلشنو شحالك اونه رسميه
العنود: اللي تكتم الضحكه :طيب اخبار أخبار وعلوم علوم
عبدالعزيز: طيبون يا فديت هالكلام اللي مبطي منه انا يااااااااااالبيه اسمعي سكري اخوج بيجي
العنود: طيب
عبدالعزيز: عنودي
العنود: هلا
عبدالعزيز: ترى سرقت الرقم وهو عندي
العنود: أي رقم ؟؟
عبدالعزيز: رقمج
العنود .............................
عبدالعزيز: عنووووووودي
العنود: هلا
عبدالعزيز: أحبج
طووووووووووووووووووووووووووووووط طوووووووووووووووووووووووط
عبدالعزيز: اخ سكرت
مشعل : صباح الخير من هذي اللي سكرت
عبدالعزيز: صباح النور _ وتجاهل سؤاله راح عبدالعزيز صوب البوفيه ياخذ له ريوق وخلى التلفون على الطاوله
طبعاً مشعل نجس راح يفتش في التلفون وخذا الرقم وراح يشيك عليه سمع صوت انثوي فا استنتج انه هذي صاحبة عبدالعزيز
بس الغبي ما انتبه لتلفون انه تلفون نايف مب عبدالعزيز

رجعوا الشباب للطاوله واستأذن مشعل منهم وراح يشوف من صاحبة هالصوت

وفي قطر :-

الساعه11:25ص دانه جالسه مع مريم ياكلون كستنه ((أبو فروه)) ويشربون شاي سليماني وحاطين على قناة روتانا خليجيه يسمعون محمد عبدو :-

لا لا ضايقونه ترفي لاتضايقونه
لا لا خلوه يجني من حياته ثمرها
لا لا وحرام من عقب الرضى تزعلونه
لا لا شوفوا عيونه كثر نوحه دمرها

الا خليفه داخل عليهم وفي يده بيبسي ويغني مع بو عبدو ويأشر على مريم ودانه ميته ضخك على حركات أخوها ومريم اللي ماتت حيا من حركات ريلها

جاء جلس جنبهم خليفه : هاه شخبار البنات ؟؟؟
مريم: طيبين يا بعد عيني
دانه: ماشي الحال
خليفه : شرايكم نطلع نتغداء سوا
دانه :أي والله ملل عقب ماراحت عنودي مافي حد يدلعني
مريم: كيفك حبيبي
أم خليفه اللي نازله من الدرج : على وين ياعرب ؟؟؟
خليفه: بنطلع نتغداء برا يمه حياج
أم خليفه : ليش ما عندنا غداء الحمدالله الخير واجد
خليفه :تغير يمه
أم خليفه :لا ماابيه
خليفه :طيب يله اجهزوا انا برجع لكم بعد نص ساعه
البنات: طيب

في بيت أبو محمد :-

شيخه اللي قاعده وملتفه بشال كشميري(( نفس اللي مع عنود)) ووجها شااااااااااحب وعيونها ذااايبه من التعب
أم محمد: شيخه يمه شبلاج طفى نورج مره وحده ؟؟ يعورج شي
شيخه: لا
أم محمد: يمه بوديج حق مطوعه زينه تقرا عليج انتوا من عقب ملكه طرفه ما ترقعتوا وحده سوت حادث وانتي كله شارده وبالج مو معاج ودراستج ماتدرين عنها
شيخه: ما ابي شي يايمه وفكيني من هالخرابيط
ام محمد: لاحول الله يابنتي العيون مذكوره في القرآن (( ومن شر حاسدٍ إذا حسد)) يابنتي طعيني
شيخه اللي مدت يدها على جوالها اللي كان يغني بصوت أليسا (( انت لمين انت إلي ))
شيخه: هلا لبنه
لينه: مالك ياشيخه من أسبوع دلوقتي مترديش عليها هو حصل حاقه للعنود
شيخه: بعيدالشر عنها ما فيها شي وعلى فكره انا كلمتها تسلم عليج وعلى طروووف
لبنه: شيخه هو انتي فيكي حاجه مش طبيعيه
شيخه: انتي اللحين متصله تشخصين حالتي يعني
لينه: انا خايفه عليكي من اللي بتعمليه في نفسك
شيخه: لبنه انا بخير
لينه: بخير ازاي وانتي من اسبوع غيبه عن الجامعه والامتحانات اقربت
شيخه: طيب الجامعه عرفنا المشكله وغيرها
لينه: وغيرها ؟؟؟؟ لاء لاءه انتي مش طبيعيه عموماً انا جايه لك دلوقتي ومعايا كشكول بتاع المحاظرات
شيخه: حياج الله
أم محمد: حدبيجي
شيخه: لبنه
أم محمد: حياها الله

وفي ألمانيا :-

صوت رساله جات على هاتف العنود فتحتها :-

لا ... لاتلوم القلب يوم إنه اغلاك
وش حيلتي مدام قلبي عصاني
غصب علي قلبي يوديني هناك
جيت اشتكي لك من عذاب الزماني
ياروح روحي وش حياتي بلياك
لاشفت زولك ارتبك في مكاني

اعرفة أنه عبدالعزيزوضمت التلفون على صدرها وتنهدت: فديته والله حياتي انا ادري انه يحبني والله بس بنات الحرام حسبي الله عليهم
وراحت تقلب في جوالها وأرسلت له مسج كانت مرسلته طرفه لها :-

وين أودي شوق قلبي والوله
لو غديت بعيد عني أسمعڪ
ملڪت احساسي وفڪري تجمعه
ترحل طيوفڪ وفڪري يجمعڪ
هاڪ قلبي هاڪ ليتڪ تقبله
خذ سنين العمر أو خذني معڪ
انت تالي العمر عندي وأوله
ومن يقول اني نسيتڪ يخدعڪ.


مشعل اللي كان يتبسم وهو يقرا المسج ايوه هذي البنات تشبك على طووووول لا تتغلى ولا شي حلوووو لقينا حد نتسلى فيه شوي وحنا مع العجوز
عبدالعزيز اللي كان رايح المستشفى مع أم سعود والعيال

ولما وصلوا المستشفى راح سعود للدكتور يسأل عن العلاج الطبيعي للعنود وهل ممكن تكمله في قطر
او لا ؟
أم سعود : يمه العنود شلونج اليوم طيبه شلون يمه رقدتي بروحج استاحشتي ادري فيج
العنود: لا يمه عطوني مسكن رقدني لين اليوم الصباح
نايف :انزين بقولج ترى عبدالعزيز برا يبي يسلم عليج لبسي شي على راسج >>>>عبدالعزيز لا يبي يسلم ولا شي بس حركات نيوف
نايف: عزوز تعال حياك دش سلم حياك مامن غريب
عبدالعزيز: خبل انت وين ادش
نايف :حياك تعال امي تناديك
عبدالزيز :اللي تنحنح قبل لا يدش :احم احم
ام سعود: اقرب يمه اقرب
عبدالعزيز اللي عينه بالارض ((اونه مؤدب )) : حمدالله على السلامه يا العنود
العنود: الشر مايجيك
نايف: سعود وين؟
أم سعود:راح للدكتور
نايف بروح صوبه
أم سعود اللي جوالها يرن : ألو هلا يابو سعود
وانشغلت معاه بالمكالمه والعنود وعبدالعزيز عايشين وا النظرات المتبادلانه بينهم كانوا يفهمون بعض بدون حكي يسمعون بعض
عبدالعزيز: انا اترخص يا خالتي ياله العنود ماتشوفين شر
العنود وعيونها ترتسم عليها معاني الأحباط : حياك الله
عبدالعزيز : وهو ياشر لها بكلمة (((أحبج)))
أم سعود: يمه عبدالعزيز شبلاك يامك تأشر
عبدالعزيز: لا ياخالتي فيه ذبان اكشه يالله استأذن
ام سعود: حياك الله وانا امك
العنود وهي تتبع خطواته الثقيله كانه مايبي الباب يقرب منه يالله الثواني اللي اجعته معاها كان حلم بالنسبه له انه يرجع لها بعد اللي صار

وفي قطر :-

لبنه: يالهوي ياخرابي مالك ياشيخه ليه عامله بنفسك كدا؟؟
شيخه: مافيني شي
ام محمد : شيخه روحوا المجلس الكبير اخاف حد من اخوانج يجي
شيخه: لا بروح غرفتي لبنه قومي معاي
ام محمد: بطرش لكم القهوه فوق
لبنه : لا ياخالتي ما تتعبيش نفسك
أم محمد: مافيه تعب يابنتي
لبنه بعد ما ادخلت غرفة شيخه وصكرت الباب : بصي انت مش طبيعيه وحتتكلمي بزوق ولا بالعافيه
شيخه وهي ترفع خصل شعرها المتناثر على وجهها وبين بقايا الكحل اللي في عيونها كانه عينها كساها لون الحداد بعد مافارقت روحها
شيخه: اقول لبنه لا تعورين راسي ما فيني شي
لبنه: شيخه انا فهماكي كويس انتي مش طبيعيه في حاجه اويه جرحاكي ومعزباكي بس هي ايه
وأول ما مسكت لبنه يد شيخه ارتمت شيخه في حظنها بتزوج يا لبنه مايبيني اختار غيري وتكرني عايشه في وهم كنت عايشه في وهم وشوي شوي صوت البكى اختلط بضحك : ههههههههههههههههه لبنه تصدقين من بياخذ هههههههههههههههههههههههههههههههههههههههههه ساره اللي أكرهها من أيام الثانويه تذكرينها هههههههههههههههههههههههه صج الزمن ينتقم مني هذا جزات اللي يعيش بوهم شوفي هذا نهايتي
وتمت تبكي بصوت عالي
لبنه اللي اتقطع قلبها : مين سعود حيتقوز ساره ؟؟؟ يالهوي والعنود ماعملت حاجه
شيخه: اااااااااااااااااااااه يالبنه محد يبي حد محد يساعد حد كلن يالله يالله نفسي
لبنه :لا مستحيل العنود مش كده
شيخه: هي شبيدها اصلاً هو قرر وهو اختار وخلاص هو انتهى من حياتي
لبنه اللي ضمت شيخه: ياحببتي ياشوشو كل ده وانتي سكته

المانيا:-
العنود اللي استمرت على مسجات لمدة 5 أيام بس جاها مسج من نفس الرقم وكاتب لها (((ابي رقمج اللي في البلاد )))


صباح يوم الأحد بعد العملية بيومين الساعة 8:00ص كان الثلج مغطي شباكها والجو بارد مكان ميته فيه الحياة
ومحد من اهلها جاها لانه كان الوقت بدري راحت تفتح اللاب توب اللي كان عند راسها من الملل وطلبت لها كوفي ساااخن وافتح درجها طلعت شالها الكشميري وتغطت فيه
وشغلت لـفيروز :-
سالوني الناس عنك ياحبيبي
كتبوا المكاتيب واخذها الهوا
بيعز علي غني ياحبيبي
لا أول مره ما بنكون سوا

وهي ترشف قهوتها الا بصوت المسج ؟؟؟ ولما شافته ضمت التلفون على صدرها كأنه تبي توصل له انها مشتاقه وحشتني
ولما فتحت المسج كان :-
هاه ياقلبو ماتبين طرشين رقمج اللي في البلاد ؟؟
العنود اللي عقدت حواجبها : هذا شفيه نسى رقمي ؟؟وغريبه عبدالعزيز ما يكلمني على التلفون بس شعنده هالمره
أي يمكن منحررج من هلي واخواني انه يكلمني جدامهم بس بعد مو مبرر له غريبه
ارسلت له الرقم
مشعل : اف اف يامسهلها من بنت ياليت الكل مثلها يعني سوالف التغلي ماتمشي عندها على طول ههههههههههههههههه صج عبدالعزيز طايح له على ذبيحه سمينه مثل هذي مريحه باله من التغلي اذا انا شبعت منها حرام تفرط مني بطرشها على ولد عمي ولا حد من ربعي اللي طايح حظهم خلني ارقع من معنوياتهم

وفي قطر :-

كانت شيخه تلبس لانه عندها جامعه ومعاها تقارير العنود والاجازه الطبيه لها طلعت من البيت وكان موصلها اخوها محمد اللي كان طووول الطريق يكلم زوجته وكانوا يتفاهمونا على ترتيبات الزواج اللي ما بقى عنه غير 3 شهور
محمد: شيخوه شفيج ساكته ؟؟
شيخه :لا والله بس مصدعه ما تقهويت
محمد: متى محاظراتج؟
شيخه: 10:30 ليش ؟
محمد: فيه وقت بمر اخذلج كوفي من أي مكان شرايج في الخيام>>>>>محل مشهور في قطر يسوي انواع الكوفيات العربيه والفرنسيه يعني حلووووووووو
شيخه: ماتقصر فديتك بس لا نزلني الجامعه
محمد:افا ماتبين تتقهوين مع اخوج ((يحاول يطلعها من اللي هي فيه برغم انه مو علرف هي شفيها )))
شيخه: افا عليك يابو جاسم يله الخيام الخيام
استانس محمد يوم شاف اخته ابتسمت شوي حس انها شوي ارجعت طبيعيه
خذت شيخه حليب بازعفران(( المحل مشهور بالحليب هذا يسويه خيااال )))
ومحمد:كابوتشينو بدون كريمه ، وبعد ماتقهوا مع اختها
محمد: شيخه ممكن سؤال ؟؟
شيخه:أي تفضل
محمد: ابي اعرف انتي شصار فيج مره وحده اعتفستي مو شيخه الاوليه انتي وحده ثانيه وحده ما اعرفه وحده ذايبه من الحزن وكله بغرفتها وتبكي ليش هذا كله وانا اخوج
شيخه :فديتك ياحمودي تحاتيني انا بس متضايقه على العنود لانه هي كانت معاي دوم واللحين محد عندي راحوا وخلوني يامحمد وتمت تبكي بصمت كلامها شي بس اللي راحوا مب العنود اللي راح هو اللي عاشت عمر تحتريه وتنتظره
محمد :افا وامي وابوي وعوووش اختي وانا وين رحنا اذكري ربج وكلها ايام وترجع
شيخه:أي انشاء الله
عم الصمت في السياره وكان صوت نوال يردد

هني اللي في هالدنيا طليقي وماله صاحب (ن) مثله أناني
معقولة تنساني وتحب لك ثاني..
وأنا اللي اغليتك يا نصفي الثاني..
يعني هاين عليك تترك واحد يبيك..
سلم قلبه بأيديك وهو راضي..
خلا جميع الكون ما غيرك انت عيون..
من بعد هذا يكون هواه ماضي..
====
انزلت جامعتها وكانت بقايا انثى


في بيت العم((سلمان)) أبو خليفه

دانه :صباح الخير يمه
أم خليفه:هلا هلا صباح الأنوار
دانه :يمه انا بروح الجامعه توصين بشي
أم خليفه :الله يحفظج
مريم اللي كانت توها صاحيه من النوم ونانزله من الدرج مريم : صباحم الله بالخير
دانه:هلا مريومه انا طالعه باي
مريم: بايات ، وانزلت تسلم على ام خليفه وقبلتها على راسها
أم خليفه :بدري يامريوم
مريم : بدري من عمرج ياخالتي ، راحت علي نومه تبين اسوي لج شي معاي تاكلينه
أم خليفه: لا لا لا عفايسج ما اكلها اصلاً اكلج ماصخ ما اعرف شلون ياكله خليفه الله يعينه من الصبح جاء وتريق معاي ولا انتي محد يتكل عليج كله راقده وبس ما منج منفعه لا عيال ولا خدمه ولانافعه في البيت اللي يعينا شنسوي يامن شراله من حلاله عله وها هذي العله بكبرها انتي راقده وريلج طلع ما تدرين عنه
مريم: خالتي شبلاج علي اليوم من صباح الله خير تجريح اللحين شصار يعني ولد وتريق مع امه انتي مو تقولين كله مجابلني ومايفج مني هذا هو نزل اليوم وتريق معاج ياخالتي ليش ماتبين ولدج يتريق معاج ؟؟
أم خليفه: أي أي يامريوم والله طال السانج يالأرض البايره زين اني مخليتج على ذمة ولدي ولا من زمان سرحتج ابوظبي عند هلج هناك
مريم اللي فض فيها :خاااااالتي انا ماغلطت عليج واذا تبين خليفه يعرس هذا هو وراج كلميه وانا بروح اخطب معاج
ام خليفه اللي انصدمت من كلام مريم :طيب يامريوم ادواج عندي
مريم :اللي سوت لها كورن فليكس وطلعت
أم خليفه: كورن فليكس ما تحبينه شطاري عليج
مريم :بعد كل نفس تتبع هواها ودخلت قسمها وشغلت التلفزيون وتمت طالع التلفزيون لين ما نامت مره ثانيه
لين صلاة الظهر قامت على صوت خليفه اللي توه راجع من برا تعبان يادوب تغدا ونام
عدا اليوم بدون مشاكل والحمدالله


في ألمانيا يوم الاثنين :-
العنود اللي كانت في قاعة العلاج الطبيعي كانوا يحاولون انها تمشي على الجهاز كانت تمشي بس بصعوبه وهي تتألم
ام سعود: اللي قاعده على الكرسي تقرا اذكار الصباح
ولما خلصت العنود العلاج الطبيعي طلعت تمشي بالعكاز وامها جنبها الا نايف وعبدالعزيز في وجها سلموا عليهم
وجلسوا في كوفي بالمستشفى تحت
عبدالعزيز اللي كان ميت من الفرحه لانه جالس معاهم صج بعيده عنه بس معاهم
أم سعود: يمه عبدالعزيز شخبار هلك
عبدالعزيز:طيبين ياخالتي يسلمون عليكم وانشاء الله بكره بالليل طيارتي وبوصل قطر الصباح
أم سعود: توصل سالم فديتك ما قصرت تعبناك معانا وعنيناك من البلاد
عبدالعزيز :افا عليج ياخالتي مابه حد اغلى منكم ،قالها وهو يطالع عنود
اللي كانت طول الوقت صاده
سعود: السلام عليكم هاه شخباركم
العنود:بخير انت وين مختفي
سعود:لا بس رحت عند الدكتور وقال انه عنود تقدر تكمل العلاج الفيزياءي في الدوحه
العنود: صج متى نرجع ؟؟
سعود يوم الجمعه
العنود: بال باقي وقت وايد
عبدالعزيز اللي كان يراقب حركات يدها وانوثتها لين استانو الشباب وراح عبدالعزيز يجهز اغرضه
لانه طيارته بكره

[شموخ قطر]

أضحك كنى رايق البال خالي ...
والناس تحسدني وانا أموت بسكات.....
أقصى نهاى بالمزح والتسالي.....
اسهر بليلي في هموم ومعانات ...
غريبه هالدنيا على كل حالي.....
الحزن دايم والفرح بس لحظات....

العنود اللي غارقه في التفكير بعبدالعزيز :ياربي شلون طلب رقمي وهو كان رفض فكرت انه يكلمني بالتلفون هو صج اذا يكلمني جدام الكل والكل يدري عن اللي بينا بس تلفون كان راااافضه شلي غيره ياربي
ام سعود: يمه يالله نزلي تحت حق العلاج
العنود:انشاء الله يمه بس ولا عليج أمر العكازات !!
أم سعود: تفضلي ،،،شوي شوي
العنود: لاتخافين يمه الحمدالله وين كنا وين صرنا
انزلت العنود حق العلاج الطبيعي وعدى هالأسبوع هااااااادي على اللي بألمانيا علاج وتمشي مع اخوانها بس تفكييرها معاه يا تري شسوي اللحين يفكر فيني ولا لاء
قرب موعد الرجعه بس كانت العنود تحاتي الامتحانات اكثر من أي شي ثاني اخر سنه لها وملا تبي تحمل مواد وتاخر تخرجها

اما في قطر
عبدالعزيز طول الاسبوع اللي فيه بيت عمه هناك غرقان في صفقاته وشغله اللي صار له فتره مهمله ولا يدري عنه بسبب حالته النفسيه بس بعد مارجعت الماي لمجاريها هدا باله وحاول يركز في الشغل اكثر
ودانه كانت تتصل في العنود طول الاسبوع وفرحانه انها بتجي على اخر الاسبوع هذا
وشيخه اللي تنزف جراح من الداخل بس محد يدري عنها وكل ماقالوا بيت خالتج قربوا يجون وبتطلعين من حالة الحزن كأنهم يرشون ملح فوق جراحها اذا رجعوا بسلامه راح تتم الخطبه من ساره وسعود

في المطار بألمانيا :-
العنود: قسم بالله خاطري انط من الفرحه واااااااااااااااااي يمه اخيرا
أم سعود: فديتج يمه اشوي لا تعورين روحج
سعود:الحمدالله والشكر الثقل زين
نايف:طيب انااستأذن طيارتي قربت يالله يمه مع السلامه يالله باي افري بدي عنودي ديري بالج على عمرج
العنود:افا عليك ولا يهمك الغالي
سعود:الله يحفظك
أم سعود:فديت عيونك انا نايف يمه متى بتجي الدوحه
نايف وهو ياخذ شنطته على كتفه انشاء الله في الصيف
أم سعود:الله يحفظك
وقرب موعد طيارة أهل العنود وهم يستعدون لصعودالطياره !!!!
سعود:هلا مشعل
مشعل:افا بتروح ولاتودع ولا تتصل
سعود:والله ياخوي غصب ظروف مع الاهل\العنود وامها الليقدموا وركبوا الطياره
مشعل:خلاص نركب الطياره ونكمل سوالف
سعوداللي كان مستانس من وجود مشعل عكس العنود االلي حست بكره اتجاه هذا الشخص تحس انه متملق
طول الرحله وكان مشعل يحاول يلفت انتباه العنود اللي كانت مشغله الدي في دي ومطنشه له على الاآآخر
ووصلت الطياره مطار الدوحه الساعه 6:15 ص كانت العنود تصحي امها :يمه يمه قومي يمه وصلنا الدوحه
سعود اللي يحاول يعدل جلسته بس مو قادر من النعاس :لاحول الله عنودي انتي كلها اسبوعين غبت عن الدوحه مو سنتين
العنود:يالبيه دار ابو مشعل
ونزلوا من الطياره والعنود كانت فرحانه لانها وصلت بلادها وكان بالمطار علي وأبو سعود
اللي من الساعه 5 وعم في المطار كان الجو برررررررررررررد ومطر خفيف
ركبوا السياره متجهين للبيت وطبعاً دام ابو سعود اللي يسوق فالمسجل يكون على تلاوة العجمي
العنود: يبه وحشتني مووووووت
أبو سعود:فديتج يابنيتي والله البيت ماينبغى عقبج
ام سعود: افا وعقبي ينبغى؟؟
أبو سعود: مشكلتينا يالعنوووود
ام سعود: لا مشكله ولا شي
العنود: يمه ابو يتغزل في بنته وانا الغزل اللي لي عادي لكن انتي سبيشل وتغمز حق امها
ام سعود: والله لابط هالعوينات ياعننووود
العنود وعلي :هههههههههههههههههههههههههههههههههههههههه
وصلوا البيت العنود فتحت جوالها وكان جايها مسج من رقم غرييييييييييييب ؟؟؟؟؟؟

مرحبابك عم نورك على دولة قطر
بعدغيبتك عنها عم عليها الظلام
مرجبا والشعر رحب شطر يتبع شطر
عقب ماهو في غيابك عن الابداع صام
كل شي في وجودك مسرات وعطر
وبغيابك كن الأفراح في عمري حرام

دخلت غرفتها ودقت على الرقم :الوووووووووووو
؟؟؟؟؟:أولاً نقول حمدالله على السلامه
العنود:من ؟؟
؟؟؟؟؟؟؟:انا واحد من المانيا
العنود: من المانيا ؟؟؟ من انت ؟؟؟
؟؟؟؟؟:والله انا داز المسج هذا من يومين وقلت متى ما وصلتي بيوصلني تقرير متى الوصول
العنود: اذا ما قلت انت من بسكر الخط
؟؟؟؟؟؟:تذكرين مسجات ألمانيا
العنود تفكر بس هذا مو صوت عبدالعزيز : انا شكلي بسكر الخط باي
؟؟؟؟؟؟:افا انا لا وعبدالعزيز أي
العنود اللي تبنجت من اسمعت اسم عبدالعزيز :وانت شعرفك فيه ؟؟؟
؟؟؟؟؟: اول شي انا اسمي مشعل
العنود: مشعل ال....... الي بألمانيا
مشعل اللي انصدم :بل بل شعرفج
العنود: اخ يالخسيس تبي اعطي التلفون اخوي سعود عشان يعلمك شغلك يانذل
مشعل اللي انصدم هذي العنود وشعلاقتها بعبدالعزيز يحاول يدور مخرج ::شوفي انا ادري انج العنود بس انا حبيت انبهج من عبدالعزيز هذا انسان منتهي سكير خمار راعي قمار وبنات <<<<<<<((كأنه واقف جدام المنظره ويوصف نفسه ))
العنود: انطم يالخسيس عبدالعزيز اسرف منك يانجس ياللي تتعدى على اعراض الناس اقول امسح الرقم ولا دق مره ثانيه لا ااخلي هلي يتصرفون معاك
سكرت الخط بوجه مشعل اللي حلف انه بيدمرها مثل ما صدته : أنا مشعل ال...... هالبزر تصدني هين يالعنود انا اروض اللي مايتروض

يوم السبت الساعه 1:00 تلفون العنود يرن تتخبط في الظلام ادور الصوت :الووووووووو
دانه: حمدالله على السلامه ياجي من السفر وحشاني الابتسامه ههههههههههه
العنود: الله يسلمج شنو هالأغاني المغبره ههههههههههه وحشتوني
دانه: عنود اليوم المغرب بنجيكم اوكي يله بخليج تنامين
العنود:طيب بااااي
دانه:باي يا حلووووو
العنود اللي تمت تتقلب على الفراش يمين ويسار خلاص طارت النومه منها قامت خذت دش داااااااااافي ونزلت تاكل شي لانها ماتت من الجوع ام سعود اللي اتفتت تسمع صوت عكاز بنتها على الدرج
ام سعود: هلا عنودي شلونج يمه بخير
العنود:اف يمه جسمي مكسر وجوعانه
أم سعود: مسوين كاري دجاج وعيش ابيض اخلي ماريا تنجب لج
العنود:أي يمه شخبار سوما ؟؟؟
ام سعود :موجوده في الغرفه مالت الخدم انا قلت لها ماتشتغل الا بعد شهر
العنود:بروح اطل عليها
سوما اللي كانت تعاني من جرح في جبينها مخيط 3 غرز وكسر في اليد
العنود: سوووووما ؟؟
سوما: هبيبتي العنود والله مسكينه انتي
العنود: انا بخير ياسوما انا خلاص سوي عمليه انا زين اللحين
سوما:الله واكبر عمليه عنود انتي واجد تعبان روهي داكل انا يجي اللهين داكل
العنود: لا لا بس انا قلت اشوفج عبدالصمد شلونه
سوما: صمد جني ما يصير شي هق هوا
العنود:هههههههههههههههههه قولي مشاء الله
سوما :ماشاء الله
العنود اللي ادخلت داخل تغدت مع علي وسعود وطلعت غرفتها تكشخ عشان بيجون بيت عمها
البست جلابيه صفرا عليها شغل البحرين بازري الذهبي وكانت مخصره ارفعة شعرها كله فوووق وحطة كلبس عليه ورده صغيره صفراء وكان شكلها كيووووت
نزلت لهم تحت وتمت سوالف مع دانه وقالت لها اللي حصل مع عبدالعزيز ومريم كانت مستمعه فقط لانه كان لونها شاااااااااااااحب وصايره صفرا
أم سعود: أم خليفه مرت ولدج شبلاها صفراء وجهها كذا
أم خليفه :والله ما تاكل كله نايمه وبس
العنود: مريوم شبلاج جذيه صفراء
مريم:والله ما ادري صار لي اسبوعين على الم معده يمكن التهاب المعده رجع لي
دانه:قالج عبدالعزيز تروحين المستشفى مارضيتي والله شكلج منتهي
العنود: أي مريوم روحي
مريم:مو مشكله اروح باجر
أم خليفه: يا ام سعود يوم الأثنين عشاكم ولا غداكم عندنا على سلامة العنود
أم سعود:ماتقصرين بس.........................
أم خليفه اللي تقاطعها لا لا انا حلفت خلاص عقب باجر العشى عندي
أم سعود: تم

[شموخ قطر]

لكـل قصـة حـب احـلام ومـدينـة ..
ليلـة ونخيـل وهبـوب
لكـل قصـة حـب لـو كـانـت حـزينـة
اجمـل الـوان الغـروب
نـاظـري ضـي الحـوانيـت القـديمـة
ونقـش علـى ابـواب البيـوت
كلهـا شعـر ومـواعيـد قـديمـة
وصـوت قلبـي الـي يمـوت ومـا يمـوت


اليوم الثاني الساعه 7:30 شيخه تحاول تتصل في العنود وماترد لا على الاتصالات ولا المسجات يأست ودقت علي البيت
سعوداللي كان راج ع من دوام الليل واستوقفه صوت التلفون اللي كان يرن
سعود: اف اف من اللي داق هالحزه،ألو
شيخه: هلا علي شلونك وشخبارك بسرعه عنودي وين
سعود اللي كتم الضحكه:بخير عنودي ما ادري عنها
شيخه:روح شوفه علوي الله يخليك من متى وانا اتصل لها ماترد
سعود: انشاء الله
شيخه:ويه ويه شعندك صاير ذرب ؟؟؟
سعود: نعم ؟؟؟
شيخه اللي بدت تحس بنبرة الصوت انه غريب مو صوت علي صوت أكبر من صوت علي : من انت من معاي
سعود:انا سعود
شيخه :تحاول تكون طبيعيه :أي هلا سعود شحالك
سعود طيبن من معاي ؟ ((يحاول يستهبل عليها ))
شيخه: انا صديقة العنود
سعود:مشاء الله وصديقة العنود كل ما ادق تسولف مع علي ؟؟ خوش رفيجه هذي
شيخه: هاه لا انا شيخه
سعود:ادري انج شيخه
شيخه اللي بدت تتنرفز طيب العنود وين
سعود: نايمه وجوالها تحت وهي فوق نايمه
شيخه:طيب مشكور
سعود:حياج الله أختي
سكرت الخط شيخه: اختك لهذي الدرجه اخ ياسعود والله اللي بايع بضمير

قعدت العنود من النوم 11:00 وخذت شور وتكت على عكازها ونزلت تحت ادو جوالها ؟؟ وينه؟؟
العنود: يمه يمه ؟؟ ياه مافي حد في البيت ؟
راحت العنود اخذت جواله اللي كان على طاولت الطعام وتشوف المسجات كان المسج من شيخه :-

صباح الخير يا دبه ردي علي ابيج ضروري لانه بقولج سوالف بنات الجامعه ((هناك أحداث))

ومسج من لبنه :-
ازيك ياعسل وحشتيني وحمدالله على السلامه كلميني اول ما تصحي

ومسج من طرفه:-
نورت البلاد بقدومك واظلمت لاعدت مو فيها
حمدالله على سلامتس

و13 مس كول من شيخه ((صج فجرت تلفونها )) ،وشافت مسج من الرقم الغريب اللي جاها من قبل و2 مس كول منه:ياربي شهالبلوى :-
ليـت السـوالـف طـولـت ولـو دقـايـق
صـوتـك يـوسـع خـاطـرٍ كـان مكبـوت
يـارايـق والجـو لا صـار رايـق ..
ليـه اتـرك الفـرصـة مـن يـديـني تفـوت ..!
سـوالفـك تـزرع بصـدري حـدايـق
تسلـم لـي البـحـّة ويسلـم لـي الصـوت ..


استغفر الله العظيم انا لازم اغير رق