عرض الاصدار الكامل : دموع ملاك .. اهيا اجزاء اذا لقيت ردود وعجبتكم راح حطها لكم ا
~Queen_sense~
18-07-2008, 06:03:30 PM
السلام عليكم
تحياتي لكم جميعا
هاذي قصه قريتها بمنتدى ادشه و عجبتني ويمكن الحين موصله 29 او 30 صفحه على هالقصه ووايد ناس اعجبتهم ليه درجه ان ناس قامو يدشون على شان هالقصه ... واهيا وحده بالمنتدى كاتبتها ..
بسم الله الرحمن الرحيم
هذي ثاني قصة لي اتمنى انها تنال اعجابكم و طبعا القصة اللي قبل كان فيها اشياء مو حلوة حاولت اتفاداها بهالقصة المهم انا ابي اشكر كل اللي تابعو قصتي الاولى و كل اللي عطوني رايهم بالقصة مما شجعني اني اسوي قصة يديدة اتمنى تعجبكم و عاد اذا طولت عليكم لا تعصبون يمكن الظروف جذي لووول و لا تفكرون بأحداث تابعة للقصة لأن الاحداث متغيرة و القصة مقمة اجزاء وايد بس كل جزء قصير عشان ما اتعبكم هههههههه يالله مو جني طولت خلاص باقي شوي
و هذي بس في جم سؤال بحطه ابيكم تجاوبون عليها بنهاية القصة :
1 – هل في شي اسمه حب من اول نظرة ؟
2 – هل الحب نعمة او نغمة ؟
3 – اشرايك/ج بالحب ؟
هذيل الاسئلة اقرو القصة و جاوبوا عليها و حبيت اقولكم ان احداث القصة متغيرة مما راح يسبب حيرة بين الاجزاء
ادري طولت عليكم بسـ الحين راح ابدى بالقصة اليديدة بعنوان ( دموع ملاك ) و لأسم القصة معنيين راح تعرفونهم اثناء الاحداث الياية .. يالله اترككم مع القصة .. و اشوفكم بنهاية كل جزء ..
نبدا ..
بسم الله الرحمن الرحيم
دمـــــــــــــــ)ملاك(ـــــــــــــــــوع
أبطال القصة :
مـــلاك : عمرها 18 سنة معروفة بأخلاقها و طيبتها و جمالها اللي ما يوصف و كانت خجولة امها و ابوها مطلقين و اهي عايشة مع امها و امها كانت الزوجة الثانية لأبوها لقبها : جمال الكون
أحـمـد : شاب في مقتبل العمر عمره 22 البنات كانوا يتمنونه لأدبه في التعامل و جماله فكان جماله جذاب و حنطاوي طويل و ابتسامته حلوة وحيد امه و ابوه .
فاطـمة : رفيجة ملاك معاها من زمان و كانت مخلصة لها و جمالها حلو و اخلاقها عالية و كانت اخير وحدة بين اخوانها و عمرها 18 لقبها : المثقفة
محمد : اخو فاطمة عمره 25 يشتغل مهندس و كان طيوب و فاطمة متعلقة فيه لأنه يحن لها وايد و يعتبر ملاك مثل اخته و بينهم (ميانة) لقبه : الثقيل
شريفة : بنت خالة ملاك و رفيجة فاطمة عمرها 18 عندها اخو واحد بس اسمه مشعل اكبر منها بسنة و كانت شريفة تحمل صفات ملاك و فاطمة بالأدب و الاخلاق و الجمال لقبها : الهادية
مشعل : اخو شريفة كان مشهور بالكويت و مكلم نص بنات الديرة و كان اسلوبه يجذب البنات و كان مملوح و طويل و اسمر سمار فاتح عمره 19 يدرس بالجامعة لقبه : المغازلجي.
يدة شريفة : اهي نفسها يدة ملاك و يدة مشعل و طبعا اهي قاعدة عند مشعل و شريفة لأن امهم و ابوهم توفوا بحادث و الكل يسميها يما بس اسمها الصجي حنان.
فواز : عمره 26 و شخصيته راح تطلع مع احداث القصة
الادوار الجانبية
ايــمان : اخت فاطمة متزوجة و عندها توأم حبوبة و متفهمة و عاقلة
ام احمد : ام احمد
فيصل : رفيج احمد حبوب و طيوب و كيوت و ثقيل
و باقي الشخصيات راح يطلعون مع احداث القصة
الجزء الأول :
ام ملاك : ملوك قومي اليوم عندج امتحان يلا الساعة 7 قومي
ملاك : اووو يما الساعة 7 تأخرت
ام ملاك : صارلي ساعة اقومج انتي نومج ثقيل
ملاك و هي تقوم من وم تنطرني
ام ملاك : انزين بس لبسي
ملاك لبست و نزلت و هي طالعة
ام ملاك : وين رايحة نطري تريقي
ملاك و اهي تلبس الجوتي
ملاك : يما مايمدي بروح محمد و فطوم ناطريني برا
ام ملاك : انزين اخذي هالصمونة لازم تاكلين عشان تركزين
ملاك : تامرين امر يالغالية
ام ملاك : بالتوفيق يا بنتي
ملاك : مع السلامة
طلعت ملاك من البيت و ركبت السيارة
فاطمة : توة الناس يا هانم شان طولتي اكثر
ملاك : بسم الله اول شي صباح الخير فطوم صباح الخير محمد
محمد : هلا و الله صباح النور
فاطمة : صباح التأخير
ملاك : و الله سو سوري راحت علي نومة
فاطمة : مرة ثانية لا تروح عليج نومة
ملاك : انشاء الله عاد فطومتي تقول شي ما اسويه
محمد : اشسالفة النشاط الزايد اليوم
ملاك : هههههههههه مادري
فاطمة : ملوك درستي عدل ترا الأمتحان صعب
ملاك : واااااااااي في اصعب من امتحان الكيمياء
محمد : الله يوفقكم
ملاك : ههههه ذكرتني بأمي
محمد : لأن انا محمد مو اي واحد يعني ما أذكرج الا بالأشخاص المهمين بحياتج
ملاك : اوكي يا اخ محمد بس لا تصير مغرور
محمد : مغرور ؟؟ اصلا انا ما اعرف للغرور طريج
ملاك : انزين خلاص اسكت خنراجع
محمد : انشاء الله عمتي تامرين على شي ثاني بعد
ملاك : يووووووه لا مابي شي مشكور اسكت
فاطمة : اقول حمود مر على ستار بوكس ابي قهوة
ملاك : قهوة ؟؟ يا هانم الحين يطق الجرس
فاطمة : لا باقي ربع ساعة
محمد : هيييييي مو انتو تقررون دام ان انا اسوق انا اقرر
فاطمة : يالله يا استاذ محمد شنو قررت
محمد : امممممممممممممممممــ ؟؟ امري لله
فاطمة : اقص ايدي اذا ماكنت تبي شي
محمد : فطووووم ترا الحين اهون
فاطمة : انزين كلش و لا تهون
ملاك : جني صايرة مضاف اليه هني
محمد : لا حرام عليج انتي فاعل
ملاك : اي عبالي احم احم
فاطمة : ياربي انا قاعدة بسيارة مع مغرورين
محمد و ملاك : هههههههههههههههههههههههههه
ملاك : يحصلج تقعدين معاي
فاطمة : لا يا يعيوني ما يحصلي المهم كا وصلنا شنو تبين من ستار بوكس
ملاك : يبيلي كراميل حار
فاطمة و اهي تنزل
محمد : لا تنسين موكتي
فاطمة : مو قلت اقص ايدي
محمد : يلا خلصينا
بعد شوي ..... رجعت فاطمة و راحو المدرسة و محمد راح دوامه
بالأمتحان :
ملاك : ابلة ممكن سؤال
المدرسة : هلا ملاك في شي مو واضح
ملاك : لا ابلة بس متى يطق الجرس
المدرسة : باقي نص ساعة ليش خلصتي ؟
ملاك : اي ابلة اخذو الاوراق
المدرسة : ما نقدر الا مع الجرس
ملاك : باقي وايد
المدرسة : راجعي
و لما خلص الامتحان الكل طلع
شريفة : ها اشسويتوا
ملاك : نص و نص
فاطمة : انتي كل نص و نص و بعدين تييبين الدرجة النهائية
ملاك : ويييي اسم الله علي لا تحسديني
شريفة : ماعاش من يحسدج يالغالية
ملاك : حبيبتي و الله تسلمين
فاطمة : نحن هنا
ملاك : امشوا امشوا خنطلع
شريفة : اوكي يلا انا اخوي ينطرني
فاطمة : طاع هذي مو ناطرج يا حبيبتي تلقينه الحين قاعد يتحرش بالبنات
شريفة : هيييي لا تحسدين اخوي اصلان البنات اهم اللي يلاحقونه
ملاك : اي صح صح واضح
فاطمة : اقول يالله لا يطردوننا من المدرسة امشوا
ملاك : يالله امشوا
شريفة : وااي فكة باجر اخير امتحان و نفتك من هالمدرسة
ملاك : عاد راح اشتاق لها
فاطمة : اوكي بين كل فترة و فترة نزورهم
ملاك : اوه كاهو السايق يلا فطوم امشي
فاطمة : يلا امشي
ردت ملاك البيت بعد ما ودت فاطمة بيتها
ام ملاك : ها اشسويتي بالأمتحان
ملاك : الله يعلم
ام ملاك: لا انشاء الله زين
ملاك : يالله يما انا بروح انام عشان اقعد ادرس
ام ملاك : اوكي الساعة جم اقعدج
ملاك : 3 زين
ام ملاك : انشاء الله يلا روحي ارتاحي حبيبتي
توها بتنام شان يرن تلفونها ((الجـسـمـي : بحبك و حشتيني بحبك و انتي نور عيني ))
منو داق على ملاك هالحزة ؟
هل ملاك لها علاقة بواحد ؟
راح انعرف بالجزء القادم اللي اهو ثاني جزء في مشوار القصة
... انشاء الله الجزء الياي راح احطهـ قريب اذا لقيت تفاعل ..
أريج الورد
18-07-2008, 06:07:55 PM
انا بديت اقرا القصة وان شاء الله اقولج رايي
أريج الورد
18-07-2008, 06:16:44 PM
شكلها قصة ممتعة واحداثها كثيرة
يالله يالغالية نبي الجزء الثاني
خوليتا
18-07-2008, 06:17:41 PM
نبي..الجزء..الثاني
هههههههه
وشكرا..لك..على..القصة
أريج الورد
18-07-2008, 06:19:07 PM
خولة ليش ضحكتي
خوليتا
18-07-2008, 06:21:18 PM
خولة ليش ضحكتي
ضحكت..لأني..عارفاها..ماراح..تحط..الجزء..الثاني..ال حين..حتى..تشوف..ردود..كثيرة
ان..شاء..الله..تحطو..لنا..في..أقرب..وقت
أريج الورد
18-07-2008, 06:22:17 PM
اها ان شاء الله تحط بسرعة لان بننسى القصة لا ن قصة طعون الشوق تقريبا نسيتها لان تاخرت في التكملة
~Queen_sense~
18-07-2008, 06:23:55 PM
لوووووووووووووووووووووووووول
عيوني لكم انتو الحين احطها
افا عليكم
خوليتا
18-07-2008, 06:24:45 PM
اه..نعم..معك..حق..راح..ننسى..القصة..ادا..تعطلت..عل ينا
أعتقد..أن..النهاية..راح..تكون..قاسية
أريج الورد
18-07-2008, 06:25:04 PM
تسلمي يالغالية
أريج الورد
18-07-2008, 06:25:40 PM
اوووووووووه خولة لا تفولين انا احب النهايات السعيدة
~Queen_sense~
18-07-2008, 06:50:13 PM
الجزء الثاني ..
ملاك : الوووو
شريفة : الوين
ملاك : هلا شروف اشبغيتي
شريفة : اللي بغيته ان تيين لي الساعة 7
ملاك : ليييييييييييييييييييييييش ؟؟
شريفة : عشان ندرس مع بعض
ملاك : لا انتي تعالي احسن
شريفة : ليش
ملاك : لأن اخوج مشعل ماراح يخلينا ندرس
شريفة : لا خلاص اخليه يطلع
ملاك : اوكي لما اقوم يصير خير
شريفة : تيين اوكي ؟
ملاك : انشاء الله
شريفة يلا سي يو
ملاك : بااي
صكته و نامت قعدت الساعة 3 تغدت و درست شوي لما صار 7 راحت عند شريفة
وصلت بيت شريفة :::....:::
تررررررررن تررررررررررن <<< صوت الجرس
مشعل : هلا و الله نورتي البيت شلونج شخبارج كيف الحال شمسوية مع الدراسة ليش ما تسألين
ملاك : مشعل ؟؟ هلا منور بأهله تمام وين شريفة
مشعل : بغرفتها تفضلي
ملاك : مشكور
مشعل وصلها غرفة شريفة اللي كانت قاعدة تدرس و راح غرفته
ملاك : شرفوووووووووووو
شريفة : هلا ملوك
ملاك : انتي مو قلتي ان اخوج مشعل راح يطلع
شريفة : و الله حاولت فيه اهو كل يوم يطلع اصلن
ملاك : لا و الله و اليوم ليش ما طلع
شريفة : مادري عنه ناطر الحبايب
ملاك : شرفوو خلصينا يلا ماكو وقت
شريفة : انزين نطري فطوم تيي
ملاك : اووووه هذي متى تيي بعد
شريفة : in the way
ملاك : اسم الله عليج يالانجليزية
شريفة : طول عمري مثقفة
ملاك : اوكي خلاص مثقفة بعد اشتبين
شريفة : مابي شي انتي شنو بتشربين
ملاك : و لا شي انغثيت
شريفة : من شنو ؟؟
ملاك : من اخوج
شريفة : اشدعوه عليج
(( شان يتبطل الباب و دخلت فاطمة ))
فاطمة : شرفووووووووو
شريفة : منو شرفو ماعندنا وحدة اسمها شرفو
فاطمة : انتي مو قلتي ان اخوج بيطلع
ملاك : ههههههههههههههههههههههههه نفس كلامي
فاطمة : و الله اخوج ليش مو طالع بالله
شريفة :دوختوني اشدراني عنه يالله خندرس ماعندنا وقت
درسوا و طبعا كل ضحك و غشمرة بس ردوا البيت الساعة 9 كملت ملاك دراستها الساعة و نامت
الساعة : 6.30
ملاك : وااااااي الساعة جم الحين امي ما قعدتني اشسالفتها
ملاك نزلت تحت شافت الأكل كله عالطاولة راحت غرفة امها لقتها نايمة خلتها نايمة و راحت البست و نزلت تريقت راجعت شوي جان تقعد امها
ام ملاك : ملاك ليش ما قعدتيني
ملاك : يما لقيتج نايمة ماحبيت اقعدج
تن تن <<< صوت الهرن برا
ام ملاك : هذا اكيد فطوم وصلت تريقتي
ملاك و اهي طالعة : اي يما تريقت ادعيلي بااي
ام ملاك : الله يوفقج يالغالية مع السلامة
و لما يت بتركب السيارة عند الباب :
ملاك : اذا بتمرون ستار بوكس و مادري وين ترا بقول حق السايق يوديني
محمد : لا يا بنت الحلال على طول بوصلكم
فاطمة : ملاكووو يلا ركبي
ملاك و اهي تركب :
ملاك : اي عبالي
محمد : ها بدينا
ملاك : خلاص صباح الخير
محمد : ههههههه صباح النور
فاطمة : صباح الزف و التحلطم
ملاك : افا بس ما عليه تمونين (( شان يرن تلفون ملاك : بحبك و حشتيني بحبك و انتي نور عيني ))
ملاك : الووووو
شريفة : تبين امرج
ملاك : لا انا رايحة مع فطوم
شريفة : الحين ما تروحين مع بنت خالتج تروحين مع رفيجتج و اخوها
ملاك : بايعة عمري اروح مع اخوج
شريفة زعلت : ليش اشفيه اخوي
ملاك : مافيه شي بس ماراح نوصل حق المدرسة الا اليوم اللي وراه
شريفة :عبالي بعد اخوي فيه شي
ملاك : لا يا بنت خالتي اخوج مافيه شي خوش ولد بس وايد مغازلجي
شريفة : من حقه انزين يلا انا وصلت المدرسة متى تيون ؟؟
ملاك : كا قريب
شريفة : اوكي باي
محمد : اشفيها بنت خالتج
فاطمة : نفس الموال صح
ملاك : اي بعد ما تعرفين شروف
محمد : اخاف يصير فينا شي حوبتها
ملاك : لا تفاول علينا توني بعمر الزهور
فاطمة : يلا وصلنا يا بنت عمر الزهور حمود باي
ملاك : يلا امشي
بالمدرسة :
شريفة : اعلمج
ملاك : بسم الله اشفيج
شريفة : مافيني شي بس باجر تيين معانا ولا ازعل
فاطمة : هههههههههههههههههههههههههههههههههههههههههه باجر ماكو مدرسة
شريفة : ماعليه اي مكان ثاني تيين معانا
فاطمة : واحنا ؟؟
ملاك : امبيييه كلكم تبوني واااي انا مرغــوب فيني وايد
فاطمة : لا يا عمري لا تتكبرين علينا
ملاك : اقول طق الجرس امشوا للقاعة
خلص الامتحان و الكل رد البيت
في بيت ملاك :
ام ملاك : ها يا.........
ملاك تقاطعها : ادري شنو بتقولين ها يا بنيتي اشسويتي بالامتحان صح ؟؟
ام ملاك : أي ههههه يالله قولي
ملاك : على الله
ام ملاك : الله يوفقج يا بنتي
ملاك : يالله انا بروح انام
ملاك صعدت غرفتها تنام شان يرن تلفونها : (( بحبك وحشتيني و بحبك و انتي نور عيني))
ملاك : الوووووو
الطرف الثاني : الوو هذا مو تلفون خالد
ملاك : خالد ؟؟ لا أخوي النمرة غلط
الطرف الثاني : عيل اكيد قلبي طق الرقم بروحه
ملاك : نعم اخوي اشبغيت قلنالك ان هذا مو تلفون خالد
الطرف الثاني : انزين لا تعصبين كلش و لا عصبيتج
ملاك : انت الكلام معاك ما ينفع
الطرف الثاني : انزين لا تصكينه ابي ادردش معاج شوي
ملاك : اووووووووووووووووووووه
**شنو راح تسوي ملاك باللي دق عليها
و شنو اهو راح يسوي و شلون راح تتخلص منه
كل هذا بالجزء القادم**
~Queen_sense~
18-07-2008, 06:53:33 PM
والجزء الثالث باجر انشالله اذا شفت تفاعل بالردود
أريج الورد
18-07-2008, 07:03:37 PM
لين الحين مابدت الاكشينات
شكله مشعل بسوي لهم مشاكل
تسلمين يالغلا .. ننطر المزيد
~Queen_sense~
18-07-2008, 08:01:02 PM
من صجكم ما شفتوو شي
يسوي عمايل وانا اليوم خلصتها الجزء 51
طويله وايد اهيا بس حلوه ومؤثره حيل
وقصه حزينه جداً
يسلمووو على مروركم ومتابعتكم للقصه
وانتظروني بالجزء الثالث
أريج الورد
18-07-2008, 08:11:30 PM
والله ياكوين اذا تعطينا بالقطارة بخلص الصيف واحنا مامخلصين القصة اذا فيها 51
ايش رايج تحطين لنا على الاقل خمس اجزاء في اليوم
لان بعد الصيف ورانا رمضان ماشي وقت للنت
متشوقين كثير كثير للاحداث
άqά ¥ ά J Ǿ ® Ǿ ђ ฿
18-07-2008, 10:11:47 PM
قصة حلوة بس من طبعي لا انتظر واروح اكمل القصص في المنتديات الاخرى لانو لازم اخلصها في اسبوع واحد والله يقدرني
άqά ¥ ά J Ǿ ® Ǿ ђ ฿
18-07-2008, 10:21:08 PM
ياربي ... مالقيتها اموت واكملها ياناس
أريج الورد
18-07-2008, 10:26:42 PM
ياربي ... مالقيتها اموت واكملها ياناس
سارونا اعتقد كوين كتبت اسم الموقع اللي نقلت منه مكتوب فوق
άqά ¥ ά J Ǿ ® Ǿ ђ ฿
18-07-2008, 10:31:54 PM
اظن اني عندي اذان كبيرة وطويلة يعني حمارة هههه والله ما انتبهت
άqά ¥ ά J Ǿ ® Ǿ ђ ฿
18-07-2008, 10:32:40 PM
وينه اسم المنتدى مافيه
άqά ¥ ά J Ǿ ® Ǿ ђ ฿
18-07-2008, 10:49:53 PM
مرسي بوكو
~Queen_sense~
19-07-2008, 06:08:38 PM
انا ما حطيت اسم المنتدى لان مايصير بالقوانين
اذا leqatar سمحلي احطه .. راح احطه ماقدر اسوي شي
~Queen_sense~
19-07-2008, 06:11:06 PM
لوووووووووووووووول شدعوه خلاص 5 اجزاء باليوم اوكي
يسلموووووووو على متابعتكم للقصه
~Queen_sense~
19-07-2008, 06:14:21 PM
الجزء الثـالــث
***"" صكته و راحت نامت""***
و لما قعدت ولا تلقى 9 مكالمات لم يرد عليها من نفس الرقم و 4 مسجات كانت المسج
الأول من فاطمة :
ان ترمك الغربة في معشر ........ قد جبل الطبع على بغضهم
فدارهم مادمت في دارهـم ........ وأرضهم مادمت في أراضيهم
الثاني من اللي دق عليها :
بحثت عن أغلى ساعة وأقدمها هدية لك ومالقيت أغلى من
\fساعة عرفتك فيها\f
الثالث من شروف :
ملوك اول ما تقعدين دقي علي
الرابع من شروف :
ملكوو ماصارت نوم يلا قومي خلصينا يدتي عازمتكم عالعشا ابسرعة قومي
ملاك قامت من النوم و هي مخترعة راحت حق امها
ملاك : يما شريفة تقول ان احنا معزومين عندهم
ام ملاك :انشاء الله
ملاك : يما تبين شي بروح البس
ام ملاك : لا حبيبتي بس لا تطولين
ملاك : اوكي
ملاك صعدت لبست بنطرون جنز مع بلوزة طويلة سودة و حاطة حزام فضي و لبست شحاطة فضية و رفعت شعرها و نزلت خصلتين منه و حطت كحل داخل عيونها خفيف و حمرة خفيفة وردية و نزلت
ام ملاك : ماشاء الله عليج اسم على مسمى صج ملاك
ملاك : القرد بعين امه غزال
ام ملاك : هههههه انزين يلا خنروح الحين يدتج قالبة علينا الدنيا
ملاك : يلا
و وصلو البيت و طبعا بالطريج تلفون ملاك ماسكت مكالمات من اللي دق عليها قبل نومها
ملاك : طبعا نورت بيتكم
مشعل : اصلا انتي من وصلتي الفريج و بيتنا منور
شريفة : مشعلوو بسك روح خلني اسلم على خالتي
مشعل : و الله انا كل مظلوم
شريفة : انت مظلوم ؟؟ قوة خالتي اشلونج شخبارج
ام ملاك : هلا هلا شروفة بخير انتي شلونج ؟
مشعل : اي انا مظلوم كل فاهميني غلط
ملاك : لا يا أخوي محد فاهمك غلط انت اللي فاهم نفسك غلط
مشعل : اخوي ؟؟ انزين خلاص الحين كلكم بتصيرون ضدي
يدة شريفة : هلا و الله بأم ملاك و ملاك توة مانور البيت
مشعل : وييه كشخة ثاني مرة يقولونها لكم
ملاك : هلا و الله يما مشتاقتلج
ام ملاك : اي و الله يما مشتاقينلج
يدة شريفة : اي لو مشتاقينلي شان زرتوني مو مخليني مع مشيعل الخبل
مشعل : افااااااااااااا؟؟ انا خبل خنشوف منو بيوديج الجمعية و يخلص اشغالج و يوديج سوق الخضار و اللحم و السمج انا اصلا كله اعطل اعمالي عشان اخلصلج مشواريج و لا يبين بعينكم
يدة شريفة : يووووه بتمنن ترة مرة ثانية بروح مع السايق
مشعل : خلاص عيل خدماتي خلصت مراح اوديج مكان بعد
تلفون مشعل يرن (( احبك و اسهر ايام و ليالي اناجي الليل بغيابك لحالي ))
مشعل و هو يروح الغرفة الثانية : هلا و غلا بحبي و حياتي و عمري كله
اميرة (( حبيبة مشعل اللي قاص عليها )) : اي قص علي بهالكلام عبالك ما أعرف سوالفك
مشعل : افااااا مو واثقة فيني ؟
اميرة : و انا اقدر ما أوثــق فيك
مشعل : اي عبالي
اميرة : انت وينكـ؟؟
مشعل : بالبيت عندنا عزيمة
اميرة : منو عازمين
مشعل : خالتي و بنتها
اميرة : ها شنو ؟؟ و جم عمرها بنتها
مشعل : كبر شروف عمرها 18
اميرة : اقول عيونك تحت ها
مشعل : ترا هذي ثاني مرة اشم ريحة شك بمكالمة وحدة
اميرة : لا يا حبيبي ميشو و انا اقدر اشك فيك
مشعل : الله توني ادري ان اسمي حلو
اميرة : ترا بطلع اوكي
مشعل : روحي يا قلبي الله معاج
اميرة : يلا باي
مشعل : باي
مشعل رد الصالة
شريفة بصوت خفيف : مشعلوو مو وقته تغازل
مشعل : مو جنه انا اكبر منج
شريفة : ادري
مشعل : عيل دخلي لسانج بحلجج احسن
ملاك : بشنو تتساسرون
شريفة : و لا شي امشي حطوا العشا
ملاك : مع أني مو مقتنعة بس يلا امشو
شريفة : يلا
و كان تلفون ملاك كل شوي يرن
شريفة : ملوك ردي على تلفونج
ملاك : مابي هذا واحد سخيف معلق على رقمي
مشعل : عطيني تلفونج ازفه
ملاك : اي و الله خوش فكرة تفضل
مشعل : لحظه خننطر يدق
رن تلفون ملاك (( بحبك وحشتيني بحبك و انتي نور عيني ))
ملاك : كاهو دق يلا رد عليه
مشعل : الوووو
الطرف الثاني : الووووو منو معاي
مشعل : اخوي انت اللي داق مو انا
الطرف الثاني : هذا مو تلفون خالد ؟؟
مشعل : لا اخوي مو تلفون خالد و اعتقد سبق ان اختي قالت لك انه مو تلفون خالد عيل ليش تدز مسجات و تدق كل 5 دقايق و الحركات اللي مالها معنى ترضى احد يسوي بوحدة من خواتك جذي ؟
الطرف الثاني : لـ... لا .... انا ..... انا....... عبالي انه رفيجي مسوي فيني مقلب
مشعل : لا مو مقلب لو سمحت لا تدق مرة ثانية
الطرف الثاني : لا لا لا مراح ادق بعد كلش
مشعل : مشكور مع السلامة (( صك التلفون ))
شريفة : عشتوووو طاع الثقل
مشعل : احم احم
شريفة : اقول امشوا نتعشا
ملاك : مشكور مشعل فكيتني منه
مشعل : و لو هذا الواجب
ملاك : اوكي يلا امشوا نتعشا حدي ميتة من اليوع
شريفة و مشعل : يلا
تعشوا و ردوا البيت و ملاك راحت غرفتها و اتفقت مع شريفة ان يطلعون باجر و بعدها
رن تلفونها (( بحبك وحشتيني بحبك و انتي نور عيني ))
ملاك : الووووووو
فاطمة : اشدعوة ما تسألين عنا و تدرين عن هوانا و لا بس ايام المدرسة
ملاك : هههههههههههه و انا اقدر انساج
فاطمة : اي باين و الدليل مكالماتج اللي ما توقف
ملاك : و الله كنت مشغولة اليوم
فاطمة : بشنو
ملاك : اوف عشت كابوس
فاطمة : شنو
ملاك : دق علي واحد و علق علي قام كل شوي يدق بس بعدين مشعل وقفه عند حده
فاطمة : شنوووووو مشعل و من متى مشعل صار ثقيل
ملاك : و الله مادري بس سيطر عالوضع
فاطمة : انزين ماودج تطلعين
ملاك : اي قررنا انروح شرق باجر
فاطمة : ها و انا بنت البطة السودة ليش ما قلتولي
ملاك : و الله تونا مقررين
فاطمة : اوكي القاج باجر سي يو يالله قود نايت
ملاك : باي
ملاك حطت راسها عالمخدة و نامت
قعدت الساعة 11 الصبح نزلت حق امها
ملاك : صباح الخير و الاحساس و الطيبة
ام ملاك : هلا صباح النور
ملاك : يما ترا اليوم بروح شرق مع فطوم و شروف
ام ملاك : روحوا بس ديروا بالكم على نفسكم
ملاك : افا عليج يما بنتج عن 10 رياييل
ام ملاك : هههههههههههه و منو بيوديكم
ملاك : و الله مادري بس السواقين متوفرين
ام ملاك : اي سواقين
ملاك : الله يسلمج عندنا سواقنا و مشعل و محمد ماظن واحد منهم يرفض يودينا
ام ملاك : احسن لج روحوا مع مشعل او السايق
ملاك : ليش اشمعنا
ام ملاك : لأنه ولد خالتج و الناس شتقول اذا بتروحين مع محمد
ملاك : يما بس معانا فاطمة و شريفة
ام ملاك : بس هم و لو ولد خالتج احسن
ملاك : و الله انج ماتدرين عن مشعل يا يما ياما تحت السواهي دواهي
ام ملاك : اي دواهي اي بطيخ يلا روحي طلعي ملابسج خو اعرفج سنة على ما تقررين لبسج
ملاك : هههههههه اوكي
ملاك صعدت غرفتها و طلعت لها نثنوف بني لي تحت ركبها فيه سلسة عالخصر و حركات حلوة بيج و بتلبس معاه شحاطة بيجية فيها خيوط تنربط شكلها راح يكون رووووعة
ملاك و اهي تمسك تلفونها بتدق على فاطمة : هذا خندق عليها انقولها الساعة جم بنمشي (( المشترك لديه مكالمة اخرى ))
ملاك : خط ثاني عندها منو قاعدة اتكلم
**منو قاعدة تكلم فاطمة ؟
و شنو راح يصير لما يروحون شرق ؟
و هل راح تتغير حياة ملاك و لا لأ**
الاجابات بالجزء الرابع و ثانكس عالمتابعة
و تقدرون تقولون ان الجزء الرابع بداية الاحداث المهمة بالقصة
~Queen_sense~
19-07-2008, 06:15:29 PM
الجزء الرابع
نطرت شوي جان اتدق عليها فاطمة
ملاك : الووو
فاطمة : هلا و الله
ملاك : منو قاعدة اتكلمين
فاطمة : قاعدة اكلم بنت خالتي
ملاك : انزين شنو بتلبسين
فاطمة : ملوك ماراح اروح معاكم اليوم
ملاك : لييييش ؟
فاطمة : معزومة عند خالتي
ملاك : اهاااا انزين خلاص ما تبين انييب لج شي
فاطمة : لأ مشكورة
ملاك : اوكي بااي
و صكته و دقت على شريفة
ملاك : صباح الخير
شريفة : صباح النور
ملاك : اخر خبر مو حلو ):
شريفة : شنو
ملاك : بكل اسف فطوم ماراح تيي معانا شرق
شريفة : لاااااااااااا صج؟؟ حسافة
ملاك : انزين شروف ليش ما انسويه غدا و انروح نتغدا هناك
شريفة : اوكي عيل خأروح ابدل عشان يمدي
ملاك : مي تو يلا بااي
و صكته لبست و مر عليها شريفة و فاطمة
بالسيارة :
مشعل : تبون انزل معاكم
ملاك : لا يبا بنروح ابروحنا
مشعل : كيفكم اصلا كل البنات يتمنون اييون معاي بس انا ارفض
ملاك : اوكي كل البنات بس احنا مو منهم
شريفة : مشعلو روح حق اميرو احسن لك
ملاك : منو اميرو
شريفة : صيدة الاستاذ مشعل الحالية
ملاك : اهاااااااااا الله يوفقكم هههههههههههه
شريفة : هههههههههههههههههههه
مشعل : هيييييييييييي ترا انا اكبر منكم لا تنسوون مو حاطيني مطنزة لكم هني
شريفة : ماعاش من يخليك مطنزة كا وصلنا انت روح حق موعدك الغرامي
ملاك : ههههههههههههههههههههه
مشعل : اوكي شرفووو حسابي معاج بعدين
انزلو و دشوا المجمع
شريفة : شوفي هناك خوش مكان خنروح نقعد فيه
ملاك : يالله
ملاك و شريفة قعدوا بعدها بفترة قصيرة وصل واحد و قعد جدام ملاك
ملاك : شروف قومي خنغير مكاننا
شريفة : ليش
ملاك : بس
شريفة : اقول قعدي ماراح اتحرك من مكاني
ملاك : واااااااي راسج يابس
و اللي كان قاعد جدام ملاك عينه ما باعدت عن ملاك قعد يقول بخياله : وااااااو هالبنت قمر و شكلها خجولة ماشاء الله عليها ملاك عالأرض و الله تدش القلب
شريفة : ملوووك انا بروح الحمام شوي و ايي لا تتحركين
ملاك : مو تطولين
شريفة : اوكي احاول
و لما قامت شريفة اللي كان قاعد جدام ملاك انتهز الفرصة و ييا صوب ملاك حط ايده عالكرسي
احمد : ممكن اقعد
ملاك سحبت جنطتها و بتقوم
احمد : لا و الله مو قصدي بس بغيت اكلمج بموضوع
ملاك : ما أظن بيننا مواضيع
احمد : شوفي انا بقولج بكل صراحة انتي دشيتي قلبي من أول نظرة و الصراحة اعجبت بجمالج و خجلج و حسيت انج انتي المناسبة لي بكل النواحي و اتمنى انج ما تفهمين كلامي غلط او ما تعتبريني قاعد العب لأنج صج عجبتيني
ملاك : انزين و شنو المطلوب مني
احمد : شوفي هذا رقمي اذا بغيتي تكلميني دقي علي و انا راح اكون موجود لج و اذا بغيتي بأي وقت قولي ما أبي اكلمك بعد و خلاص ما أدق عليج بعد كلش و احط رقمج دليت و لا تشوفين رقمي
ملاك :عن اذنك
احمد : ناطرج اتدقين
ملاك بتقوم شان احمد يقول : لا لحظه انا اللي استأذن هذي طاولتكم
و راح احمد
ملاك بقلبها : ماشاء الله عليه اسلوبه حلو و مؤدب شكلي عجبته و الله ما انكر انه عجبني ماشاء الله عليه حلو و يدش القلب و ما انكر اني ارتحت له
شريفة : هيييي ملوك صارلي ساعة اتكلم بشنو سرحانة
ملاك : ها اي شروف لا ولا شي
شريفة : علينا !!
ملاك : شروف اذا بتسوين هالحركات بروح البيت
شريفة : لا يبا خلاص انزين خلصتي غداج
ملاك : اي من زمان
شريفة : عيل امشي خنتسوق
ملاك : يالله امشي
خذت جنطتها و مشت و لما قرب المغرب رجعوا البيت و ملاك صعدت على غرفتها
ملاك: واااي يطير العقل حده مؤدب و محترم و جماله حلو وااايد محتارة ادق عليه و لا لأ اهو قال اذا ما بغيتيني قولي و انا امسح رقمج و كل شي بس و الله دش قلبي
**هل راح تدق ملاك على احمد ؟
و هل احمد قصده شريف و لا من شباب هاليومين ؟**
لا تتسرعون لأن كل شي راح يبين بالاحداث الياية ..
~Queen_sense~
19-07-2008, 06:16:21 PM
الجزء الخامس
ملاك ماخذت وقت وايد بالتفكير و على طول دزت مسج " قوة مادري يمكن عرفتني بس انا اللي شفتها بشرق تذكرتني ؟؟ و اتمنى انك تكون عند كلمتك "
ما نطرت رد منه و راحت نامت على طول لأنها كانت تعبانة و لما قعدت 3 مكالمات لم يرد عليها و مسج
المكالمات كانت كلها من احمد و المسج كان
** افا ليش ماتردين علي شكلج مشغولة خلاص لما تخلصين دقي **
نطرت نص ساعة جان يدق عليها ماردت و دزتله مسج
** ما راح ارد **
دز لها هالمسج :
** ليش ماني ماكلج **
ردت دزت له :
** لا بسـ استحي اتكلم مو متعودة و هذي اول مرة اسويها
دز لها مسج
** انزين ردي علي ابيج بموضوع ضروري **
دق عليها بعدها :
ملاك بصوت خجول : الووو
احمد : ما بغيتي تردين
ملاك بنفس الطريقه : استحي
احمد : هههههههههههههه
ملاك : بسم الله الرحمن الرحيم اشفيك
احمد : و اللي يسمع صوتج تتوقعين اشبيكون فيه
ملاك : مادري ؟؟
احمد : هههههههههه المهم عرفي عن نفسج
ملاك : شقول
احمد : قولي منو انتي ..
ملاك : انت ابدا
احمد : اوكي اسمي احمد عمري 22 وحيد امي و ابوي طالب بكلية هندسة النفط مواليد 28 – 5 برج الجوزاء اممممـ بعد شقول
ملاك : بس ؟؟
احمد : اي الحين دورج
ملاك : اوكي اسمي ملاك وحيدة امي عايشة مع امي لأن امي و ابوي منفصلين عن بعض توني مخلصة ثانوي عمري 18 مواليد 15 – 9 برج العذراء
احمد : ملاك .. و الله اسم على مسمى لحظه عمرج 18 يعني 22 – 18 = 4 سنين العمر كله
ملاك : اسم على مسمى هذي كلمة امي بس انا ما أتوقع هالشي
احمد : و الله مادري اشسويتي فيني قلبتي كياني و عفستيني فوق تحت و الله دشيتي قلبي
ملاك : اشدعوه ؟؟ اقول امي تناديني يلا باي
احمد : لما تفضين دقي ناطرج
ملاك : اوكي باي
و نزلت حق امها تحت و كانت الساعة 8
ام ملاك : اشفيج وينج كل هذا نوم
ملاك : اي و الله يما تعبانة
ام ملاك : تبين اوديج المستوصف
ملاك : لا اشدعوه ما يحتاج يما ترا بعزم فطوم و شروف بيتنا
ام ملاك : حياهم الله
ملاك مسكت تلفونها تدق عليهم
ملاك : الووو
فاطمة : ياناسينا يا ناسينا وش اللي ذكرك فينا
ملاك : امبيه فطوم امس مكلمتج
فاطمة : ادري هههههههه
ملاك : فطوم تعالي بيتنا بقولج سالفة
فاطمة : خير
ملاك : خير انشاء الله خير بس تعالي لا تطولين
فاطمة : اوكي باي
ملاك : باي
صكته و دقت على شريفة
ملاك : الووو
شريفة : هلا باللي كانت كاشتة فينا بشرق و سارحة بخيالها
ملاك : انتو اشفيكم علي اليوم المهم تعالي بيتنا
شريفة : ليش؟؟
ملاك : بس تعالي ناطرتج
شريفة : اوكي باي
ملاك : باي
صعدت فوق بدلت و عقب ساعة يت فاطمة و بعدها شريفة
فاطمة : ملوك حاسة ان فيج شي اشسالفتج
ملاك : اول شي شلون بنات خالاتج
فاطمة : تمام بس قولي اشفيج
شريفة : اي صج اشسالفتج
ملاك قالت لهم كل السالفة
شريفة: كلمتيه؟
ملاك : اي
شريفة : حلو؟
ملاك : انتي شكو ؟؟
فاطمة : امبيه ملوك
ملاك : شوفوا لا تخلوني اندم اني قلت لكم
شريفة : خلاص انتي اتخذتي هالقرار بعد ماكو رجعة
ملاك : لا تخرعوني و بعدين لي الحين كل شي اوكي
فاطمة : انزين دقي عليه
ملاك : اووووو ذكرتيني
فاطمة : يلا دقي
ملاك مسكت التلفون و دقت
ملاك : الوو
احمد : توة الناس
ملاك : فشلة ادق وايد
احمد : و الله انتو كل شي سويتوه فشلة المهم منو عندج
ملاك : بنت خالتي و رفيجتي
احمد : بتطلعين
ملاك : لا
احمد : عيل انا بطلع لما ارد ادق عليج
ملاك : شفت اكيد ازعجتك من جذي ماكنت ابي ادق
احمد : لا يابنت الحلال انا بالسيارة بروحي لا ازعجتيني و لا شي
ملاك : انزين لا تسرع
احمد : انشاء الله
ملاك : يلا باي
احمد : مع السلامة
صكت ملاك التلفون
**هل راح تستمر علاقة احمد و ملاك جذي و لا راح تتطور ؟ <<يعني مادري
~Queen_sense~
19-07-2008, 06:17:28 PM
الجزء السادس
فاطمة : وييييييييييييه ملوك كشخة
ملاك : و الله انتي تدرين اني مو راعية هالسوالف بس اعجبت فيه الصراحة
شريفة : اوكي بس ديري بالج
ملاك : افا عليج بنت خالتج ذيبة
فاطمة : الله يستر منج يالذيبة يالله قومي امج تنادي حق العشا
ملاك : يلا
*مرت شهر من هالسالفة و من العطلة الصيفية و ملاك كل يوم تتعلق بأحمد اكثر عن الثاني لانه كان يحترمها و كان فاهمها ويعرف بشنو تفكر و هالشي خلا احمد يحب ملاك كان احمد قصده شريف لأنه ملاك دخلت قلبه من اول ما شافها *
ملاك : الووو
احمد :ملووك مشتاق لج
ملاك : ادري
احمد : تحبيني؟؟
ملاك استحت : ......................
احمد : ملوك يالله قولي
ملاك : الصراحة اي و تعلقت فيك لأبعد الحدود
احمد : اي بس مو اكثر من حبي لج
ملاك : انت صج تحبني
احمد : اي اكيد
ملاك : مادري ليش الكل يقول يقص عليج حتى كل رفيجاتي يقولون جذي
احمد : اوكي الأيام راح تثبت لج اني صاج بكلامي
ملاك : شلون يعني
احمد : خلي الوقت اهو اللي يقرر شلون
ملاك : تصدق ماكنت متوقعة اني راح احب بحياتي
احمد : ليش؟؟
ملاك : مادري بس احس ان محد راح يحبني حق نفسي يعني الكل يقول ماكو واحد يحب من قلبه
احمد : اهاااااااااا بس توقعاتج طلعت مو صح
ملاك : اي
احمد : تحبيني ؟؟
ملاك : بس فشلتني جم مرة اقولك احبك و ربي امووت فيك
احمد : وااااااااااااااااااااااااااااااااااااااي ياعمري انتي امووت فيج اكثر
ملاك : اوكي احمد انا بعدين ادق عليك باي
احمد : ديري بالج على نفسج
ملاك : اوكي باي
ملاك انزلت حق امها تحت
ام ملاك : وينج انتي؟؟ اي صج بغيت اقولج
ملاك : شنو
ام ملاك : باجر احنا معزومين على عرس
ملاك : عرس منو
ام ملاك : عرس بنت رفيجتي
ملاك : اهاااااا اوكي عيل خنروح السوق
ام ملاك : لا انا عندي بدلة بس انتي روحي السوق
ملاك : بروح بسيارتي اليديدة
ام ملاك : اي بس سوقي عدل مو تسرعين
ملاك : انشاء الله
و راحت تبدل و طلعت و بالطريج دقت على احمد
ملاك : الوو
احمد : هلا بعمري و بدنيتي كلها هلا بحياتي كلها
ملاك : حياتي انا طالعة الحين
احمد : وين ؟؟
ملاك : بروح السوق باخذلي بدلة عشان عندنا عرس باجر
احمد : روحي بس ديري بالج على نفسج
ملاك : انشاء الله
احمد : يلا مع السلامة
ملاك : مع السلامة
صكت ملاك التلفون و اهي حاسة بفرحة كبيرة ان لقت احد يحبها و تحبه
و دقت على شريفة
ملاك : شروووف ابسرعة لبسي بمرج و بروح السوق
شريفة : بسم الله شسالفة
ملاك : شروف ماكو وقت يلا
شريفة : انزين ثواني
ملاك : يلا انا الحين اوصل باي
و صكته و دقت على فاطمة
ملاك : فطوم قومي لبسي انا بمر على شروف و اييج
فطوم : شنو
ملاك : مو وقته يلا
فطوم : انزين اوكي يلا باي
ملاك : باي
وصلت ملاك عند بيت شريفة و قعدت تنطر برا
مشعل و هو طالع من البيت : ملووووووووك وينج يالقاطعة ماتسألين على ولد خالتج و اخوج
ملاك : هلا مشعل
مشعل : شلونج شمسوية
ملاك : تمام الحمدالله
مشعل : اوكي عيل انا بروح شروف الحين تنزل لج
ملاك : اوكي
نزلت شريفة : ملووك خليتيني البس بسرعة الصاروخ
ملاك : تعلمي ههههههه
و مروا على فاطمة : اشسالفة الطلعة المفاجأة هذي
ملاك : امبيه اشفيكم بروح السوق و ما بغيت اروح بروحي
فاطمة : عبالي
شريفة : اووو ملوك دقي على احمدو قوليله ايي
ملاك : هيييي طايح من عينج شنو احمدو
فاطمة : اشدعوة عليج
ملاك : واااي حبيبي فديته
شريفة : طاع هذي دقي بدال ما تتفدين
~Queen_sense~
19-07-2008, 06:18:37 PM
الجزء السابع
ملاك طلعت تلفونها من الجنطة و دقت
ملاك : الووووو
احمد : خير حياتي فيج شي
ملاك : لا احمد بس مشتاقتلك
احمد : و الله نفس حالتي انتي وينج الحين
ملاك : بروح الفنار
احمد : خلاص عيل بأيي منو معاج
ملاك : رفيجاتي الثنتين
احمد : اوكي انا عالبحر الحين اروح الفنار
ملاك : اوكي باي
صكته
فاطمة : وييييه ملوك مابقى احد حتى انتي
ملاك : طايحة من عينج
شريفة : اقول خلصينا راح ايي
ملاك : اي
فاطمة : اخيرا
ملاك : انتي شكو فيه انا بروح اكلمه و انتو خلكم بعيد
شريفة : لا و الله ماتروحين له
ملاك : اوووف خلاص بس اشوفه من بعيد اوكي
فاطمة : اي جذي اوكي
ملاك : تصدقون ما كنت متوقعة اني راح احبه
فاطمة : تحبينه وااايد ؟؟ و اهو ؟؟
ملاك : و الله احبه و اهو يموووت فيني بعد
فاطمة : عيل ليش ما أيي يخطبج ؟؟
ملاك : اهو بأخر سنة هندسة نفط لما يخلص بيخطبني
شريفة : اووه يعني نفس محمد
فاطمة: اي اخوي هندسة معمارية مو نفط
ملاك : ناطرة متى يصير هاليوم
شريفة : قريب انشاء الله
ملاك : ياااااااااااااارب
فاطمة : لي هالدرجة
ملاك : اقول كا وصلنا نزلو انا لو اقولكم اشكثر احبه ماراح اخلص من اليوم لي باجر
نزلو من السيارة و دشوا المجمع
**راح تشوفه ؟؟ هل احد راح يشوف ملاك مع احمد ؟؟**
سي يو الجزء الياي
أريج الورد
19-07-2008, 08:30:10 PM
كوين يعني كوستا هاي مو اسم الموقع اللي في القصة
أريج الورد
19-07-2008, 09:33:24 PM
مشكور ة يالغلا حطيتي لنا 5 اجزاء
ماادري مو واثقة في حركات احمد احس قاعد يقص عليها ..مسكينه الله يعينها ملاك
ناطريج على احر من الجمر لاتبطين يالغالية
اصلا الاجزاء قصيرة وانا اخلصها بسرعة
~Queen_sense~
19-07-2008, 10:08:57 PM
اي اسم الموقع ( منتدى كوستا )
άqά ¥ ά J Ǿ ® Ǿ ђ ฿
19-07-2008, 11:29:25 PM
لا اروج احمد ما يلعب عليها وانتي بتشوفي كم بيقاسي
أريج الورد
19-07-2008, 11:38:40 PM
اوووووووه والله زين المعاكسين يطلع منهم ناس زينين
بس مو كل مرة تسلم الجرة
بــنت_عــز
20-07-2008, 04:22:01 AM
ههههههه اروجه و خوليتا نفس الحاله ننطر طعون الشوق..
الله قصه حلووووووووووة..
ماادري انا احس ان هالعلاقه مابتستمر..
بانتظار باقي الاجزاء...^_^
~Queen_sense~
20-07-2008, 12:54:19 PM
يسلموووووو على الردود ...
وبالنسبه حق احمد راح تشوفون شنو يسوي بعدين بالاجزاء اليايه
بــنت_عــز
20-07-2008, 03:21:51 PM
^_^
بانتظار باقي الاجزاء على نار
~Queen_sense~
20-07-2008, 05:07:02 PM
الجزء الثامن
و بعد فترة تلفون ملاك يرن
ملاك : وينك
احمد : شوفي في مطعم فوق تلقيني قاعد فيه بطاولة حق نفرين
ملاك : ليش نفرين
احمد : انا وياج
ملاك : لا انا ماراح اقعد معاك بس بشوفك من بعيد
احمد : لا و الله شنو شنو شنو ؟؟
ملاك : اي و الله حبيبي سوري بس ما أقدر لأن رفيجاتي معاي
احمد : اوكي تعالي خأشوف من بعيد على قولتج
ملاك : كاني توني صاعدة
احمد : وينج
ملاك : لابسة تنورة بيج شفتي
احمد : ملاااااااك صايرة تهبلين شفتج
ملاك : مايصير غش غش انا ماشفتك
احمد : لفي ورا تلقيني
ملاك لفت ورا و شافته و ابسرعة غيرت اتجاهها
ملاك : يلا بس كافي انا بمشي من المجمع
احمد : هييي اشدعوه
ملاك : لا و الله بمشي باي (( صكته ))
شريفة : ملوك هذا اهو
ملاك : اي
فاطمة : امبي يهبل اينن يطير العقل
ملاك : هاااااا نحن هنا شنو قاعدة تتغزلين بحبيبي
شريفة : ملوك ياحظج
ملاك : اي و الله انزين يلا خنروح مكان ثاني مابي اتسوق مني
شريفة : اوكي
فاطمة : لحظه ليش ؟
ملاك : بس يلا امشو
شان يرن تلفون ملاك (( اغلى البشر تبقى و اقرب و اعز الناس ))<<<كانت حاطتها حق احمد
ملاك : الووو
احمد : وين رايحة
ملاك : بروح مكان ثاني
احمد : ليش بالله
ملاك : بس ما اقدر اتسوق هني
احمد : و انا ؟؟
ملاك : و الله سوري حبيبي مرة ثانية انشاء الله
احمد : آآآآآآآآآآآآآآآه و الله مابقى شي و اخلص اخر كورس و بعد وين بتروحين مني
ملاك استحت : اي يصير خير بعدين يلا باي
احمد : مع السلامة
راحت ملاك مكان ثاني عشان تتسوق و شرت لها بدلة روعة حمرة طويلة حفر من فوق و فيها لمعة
و ردت البيت
ام ملاك : ها اخذتي
ملاك : اي يما اخذت هذي
ام ملاك : اي و الله حلوة
ملاك : اقول يما انا تعبانة بروح غرفتي
ام ملاك : روحي بس ماتبين عشى
ملاك : لا مابي
صعدت غرفتها و دقت على احمد طلع لها جاري الانتظار نطرت جان اتصكه عقب نص ساعة دق عليها (( اغلى البشر تبقى و اقرب واعز الناس ))
ملاك : الوووو
احمد : لو سمحتي داقة علي
ملاك : ها ؟ اي قلت ابيك تعرف اني وصلت البيت
احمد : اصلا المفروض ما ارد عليج لأني كنت زعلان
ملاك : من شنو ؟؟
احمد : ليش انتي نسيتي اشسويتي فيني ؟؟
ملاك : و الله حبيبي سوري بس رفيجاتي كانو معاي و كان عندنا شغل حق البدلات
احمد : لين الحين مارضيت
ملاك : افا تزعل مني
احمد : امممممممممممــ ؟؟؟ اي
ملاك : اوكي شنو تبيني اسوي عشان ترضى
احمد : تيين باجر شرق
ملاك : باجر عندنا عرس
احمد : عقب باجر
ملاك : اذا روحتي شرق راح تخليك ترضى علي عيل انا بكون هناك من الصبح
احمد : ياعمري انتي و الله ما اقدر ازعل من بس كنت اتغلى
ملاك : فوق غلاك بتتغلى
احمد : كنت بشوف شتسوين
ملاك : اوكي اروح بس بشرط
احمد : شنو ؟؟
ملاك : اندش سينما
احمد : اوكي
ملاك : خلاص عيل باي
احمد : بااااااااي
صكته و نزلت حق امها
ام ملاك : باجر من الصبح انروح عند رفيجتي عشان انكون مع العروسة
ملاك : اوكي
ام ملاك : انزين شنو بتسوين شعرج
ملاك : فكرت اسويهـ بـف و كـيـرلي
ام ملاك : اي حلو عليج
ملاك : انزين يما تعشيتي
ام ملاك : لا
ملاك : ليش
ام ملاك : مو مشتهية
ملاك : خلاص عيل بسوي لج احلى عصير ليمون من ايدي
ام ملاك : لا قعدي انا بروح اسوي جاي نعناع
ملاك : اوكي على راحتج
راحت ام ملاك المطبخ شان تسمع ملاك صوت قلاصات تكسر و صرخة قوية
؟؟ شنو صار ؟؟
~Queen_sense~
20-07-2008, 05:08:21 PM
الجزء التاسع
راحت المطبخ شان تلقى امها طايحة على الأرض ركضت لها : يما يما قومي يمااااااااا قومي
دقت عالاسعاف و ودوها المستشفى و اهي ناطرة بالممر جدام غرفة الطوارئ و دقت على شريفة يت اهي و مشعل و يدتها
مشعل : ملاك قوي قلبج انشاء الله مافيها شي
شريفة : ملوكة حبيبتي امج مافيها الا الخير
مشعل : يلا ملاكـ مسحي دموعج
ملاك و اهي تبجي بقوة : امي تعرفون شنو يعني امي ؟؟ امي اذا صارلها شي ....... انا مالي حياة بدونها يمااااااااا يماااااااااااا لا تخليني بروحي يماااا انا محتاجتلج
يدة شريفة : ملاك قوي قلبج
مشعل : ملاك انا اول مرة اشوفج جذي خليج قوية
كانت الكلمات اللي يقولونها ما تنفع مع ملاك كانت تبجي بقوة و موهامها اللي يمها فجأة طلع الدكتور
ملاك : دكتور امي .,,.. امي اشفيها
الدكتور : انتوا ناس مؤمنين بقضاء الله و قدره و ادعو لها بالرحمة البقية بحياتج
ملاك منهارة : لااااااااااااااااااااااااا لاااااااااااااااااا امي ما تمووووت امي تبي تظل معاي لااااا يما
ركضت لي داخل حاولو يمنعونها الدكاترة بس ما اقدروا شافت امها مغطية على سرير
ملاك و اهي تبجي بقوة : يماااااا عفية قومي يمااااا وين تروحين تخليني بروحي يماااا قومي باجر بنروح عرس بنت رفيجتج روحي معاي شوفي بنتج كبرت يمااااا قومي ادري انج سامعتني بس انتي زعلانة مني صح اكيد زعلانة عشان جذي ماتردين يماااااااااااااااااااااااااا لا تخليني بروحي قومي قومي يلا قومي يمااااااااااا انا مالي دنيا بدونج يماااااااااا يماااااااااااااااااااااااااااااااااااااااااااااااا اااااااااااااااااا
شريفة : ملاك قومي قطعتي قلبي قومي ادعي لها بالرحمة ملاك
ملاك : انتي اشتبين امي تبيني اظل معها صح يماااا
شريفة : تعوذي من ابليس و امشي ادعي لها بالرحمة ملاك يالله
ملاك كانت منهارة و لما سمعت كلام شريفة اغمي عليها
شريفة : ملاااااااكـ ملاااااكـ ردي علي مشعــــــــــــــــــــــــــل يـــدتي لحقوا على ملاك ملاك قومي
الدكاترة تيمعوا عليها و نقلوها غرفة الطوارئ و كانت تحت الملاحظة و بعد يومين بالغرفة فتحت عيونها ملاك و لقت يمها يدتها و شريفة و فاطمة و مشعل و ايمان و كلهم لابسين اسود
ملاك تتكلم بصعوبة : شريفة نادي لي امي
شريفة و اهي تبجي : ملاك بسـ لا تتعبين نفسج
ملاك : اشفيج تبجين انا ابي امي
يدة شريفة : ملاك بسـ حبيبتي
ملاك و اهي تبجي : شلون يعني ماراح تييبون لي امي
مشعل : ملاك ادعي لها بالرحمة
ملاك قعدت تبجي
ايمان : ملاك ادري ان امج عزيزة عليج بس هذا قضاء الله
فاطمة : ملوووكـ يالله انشاء الله تردين احسن من اول
ملاك سكتت فجأة و سرحت بعالم ثاني و مو قاعدة ترد على احد
مشعل : ملاك ملاك ؟؟
شريفة : خلها شوي بروحها امشوا نطلع
كلهم طلعوا و ظلت ملاك بروحها قاعدة تعيد شريط ذكرياتها مع امها ظلت سرحانة مدة طويلة
و فجأة صرخت ملاك صرخة عاااااالية : لااااااااااااااااااااااااااااااااااااااااااااااااا اااااااااااااااااااااااااا
دخلوا عليها كلهم و لقوها مغمى عليها
شريفة : ملاك ردي علي ملاك
مشعل و هو مرتبك : انا بروح انادي الدكاترة
تيمعوا عليها الدكاترة و نقلوها غرفة الملاحظه و كانت بغيبوبة
عقب اسبوع كان عندها فاطمة و شريفة
فاطمة : الله يعينها اللي صارلها مو شوية
شريفة : اي و الله
فاطمة : اووووو شلون نسينا احمد
شريفة : اوووو محد قاله ؟؟
فاطمة : لا
شريفة : الحين شنو بتسوين
فاطمة : مادري ادق عليه اقوله
شريفة : عندج رقمه
فاطمة : لا بس تلفون ملاك عندي
شريفة : اوكي عيل دقي قوليله
شريفة قلبت بالتلفون و لقت رقمه مسجل تحت اسم حياتي و دقت
احمد : ملوووووووكة وينج اشصارلج ليش ماتدقين
شريفة : الووو السلام انت احمد مو
احمد : انتي مو ملاك اي انا احمد خير اشصاير
شريفة : انا حبيت اقولك ان ملاك امها توفت و اهي الحين بالمستشفى
احمد : شنووووووو ملاك بالمستشفى وين اي مستشفى
شريفة : مستشفى ************** غرفة رقم 4 بس ابسرعة تعال لأن اخاف احد من اهلها ايي
احمد : ثواني مسافة الطريج
و بعد 10 دقايق وصل احمد طق الباب و فتحت له فاطمة
احمد : وين ملاك
فاطمة : تفضل
احمد راح للسرير كانت نايمة عليه ملاك
احمد : ملاك حياتي قومي تسمعيني ملاك
اول مرة يشوف حبيبته جذي نايمة و عليها الأجهزة و تتنفس بصعوبة
**شنو بيكون شعور احمد ؟؟
~Queen_sense~
20-07-2008, 05:09:20 PM
الجـزء الـعـاشــر
احمد : ملاك حبيبتي انا احمد ملاك انتي تسمعيني صح ملاك اذا تسمعيني قومي ملاك انتي تدرين اني ما اقدر اعيش بدونج انتي حياتي كلها و انتي روحي و انتي قلبي انا بدونج و لا شي انتي نبضي ملاك قوي قلبج انا راح انطرج تقومين عشان اروح حق اهلج اخطبج منهم اوكي يلا قومي عشان انروح السينما اللي كنا بنروح لها قبل يلا ملوكة
احمد دمعت عيونه لما شاف منظر ملاك جذي
احمد : ملاك احبج و الله احبج و امووووووت فيج انتي كل شي بحياتي ملاك يالله قومي
شريفة : احمد بس اذا بتشوفك جذي راح تزيد عليها الصدمة
فاطمة : خلاص اذا صحت من الغيبوبة راح اندق عليك
احمد : ادعولها بالشفاء
شريفة : انشاء الله
فاطمة : يارب
احمد طلع من الغرفة و حالته مايعلم فيها الا الله ركب السيارة مايدري وين يروح راح البحر لأنه المكان الوحيد اللي يقدر يروحله
راح البحر و قعد يدعي حق ملاك ان الله يشافيها
رد البيت و هو زعلان و ضايق خلقه
ام احمد : اشفيك احمد اشصاير
احمد : لا يما بس واحد من الربع بالمستشفى
ام احمد : ويييييه مايشوف شر
احمد : الشر ماييج يما بغيتي شي انا بروح غرفتي
ام احمد : لا سلامتك ماتبي شي تاكله
احمد : لا يما مابي
راح غرفته و هو متضايق و صاكة فيه الدنيا و وده يصرخ بأعلى صوت احبج يا ملاك قعد يدعي لها و هو يقول بخاطره ياليتني مكانج يا ملاك و فجأة تذكر و راح بيدق على رقم ملاك يسأل عن حالها
احمد : الوووو
فاطمة : هلا
احمد : انا ادري اني يمكن سببت لج ازعاج بس ممكن تحطين السماعة على اذن ملاك يمكن تسمع صوتي و تقعد
فاطمة: و الله طلبك غريب بس لحظه الحين احطه .... يلا حطيته
احمد : ملاك حياتي انا احمد قومي يلا
ملاك فتحت عيونها بصعوبة و مو عارفة اللي فيها
فاطمة : ملااااااااااااك الحمد الله عالسلامة
احمد ماسمع صوت ملاك بس سمع فرحة شريفة و فاطمة و عرف ان ملاك صحت و صكه
ملاك : انا وين ؟ وين احمد انا سمعته
فاطمة : ويييي نسيته ,, الوووو الووو ,,, كان بالتلفون و يالج العصر بعد
ملاك و الدمعة بعيونها و تتكلم بصعوبة : فطوم يعني امي راحت ماراح تيي
فاطمة : امج عند ربه الله يرحمها
ملاك : قولولي شسوي بدونها وين اروح
شريفة : افاااا ملاك و احنا وين رحنا
ملاك : ................................
فاطمة : ملوووك على فكرة محمد يسلمج عليج تتذكرين محمد اخوج و لا نسيتيه
ملاك : الله يسلمه ,, انزين تقدرون تقولون حق الطبيب يرخصني
فاطمة : لا قال بعد ما تصحين بجم يوم يطلعونج عاد انتي بس اشري اي بيت بتقعدين
ملاك : مابي اي مكان غير بيتنا
شريفة: مايصير تقعدين بروحج خلاص عيل انقول حق يدتي اللي هي يدتج تقعد عندج
ملاك : حياها الله ,, فطوم الساعة جم الحين
فاطمة : الساعة 8
ملاك : فطوم ادري ثقلت عليج بس تقدرين تعطيني التلفون
فاطمة : اوكي تفضلي
ملاك مسكت التلفون و دورت بالأرقام و لقت رقم ....
**على منو بتدق ؟؟
~Queen_sense~
20-07-2008, 05:10:15 PM
الجزء الحادي عشر
ملاك بصعوبة : الوو
احمد : ملااااااااااااااااااااااااااااااك حبيبتي ملوكة قمتي صحيتي ؟؟ مادري شسوي ودي اطييييييير عالي ملااااااااك حياتي بغيت اختنق بغيت اموت بدونج احبج و امووووت فيج يا عمري اشتقتلج مووووت
ملاك : احمد انا اسفة
احمد : على شنو تتأسفين
ملاك : اني ما قدرت اشوفك انت قلتلي ماراح ارضى عليج الا اذا ييتي شرق عقب باجر
احمد : ياعمري انا ما اقدر ازعل منج و لو ثواني حبيبتي انتي و الله ما اقدر
ملاك : تحبني
احمد : مو بس احبج اموووت فيج
ملاك : اوكي انا بصك الحين يلا مع السلامة
احمد : مع السلامة
صكته ملاك و حضت تلفونها و اهي تقول بخاطرها : انت الشي الوحيد اللي باقي لي بهالدنيا
فاطمة : ملاك نمتي
ملاك : لا بس يوعانة
شريفة : افا عليج الحين اييب لج اللي تبينه من المطعم تحت
ملاك : مشكورة شريفة و حتى انتي فاطمة مشكورين على وقفتكم معاي بدونكم مادري شنو كنت راح اسوي انتوا كل اهلي
شريفة : ملوك انتي ماتدرين غلاتج عندي اشكبرها
فاطمة : ملوك انتي اكثر من اختي و اللي سويته شوية بحقج
انفتح الباب و دخل مشعل
مشعل : اووووو ملاك قاعدة
ملاك : هلا مشعل ادخل
مشعل : اوووف ملوك ماسمعتي اخر نكتة
ملاك : نكتة ؟؟
مشعل : اي يقولج كان في واحد
تقاطعه شريفة : مشعل مو وقته
مشعل : انتي شكووو ملوك تبي تسمع نكته
ملاك : اي يالله سمعني اخر نكته
مشعل : يقولج كان في واحد ........ لا لحظه اي اي كان في واحد
ملاك : ماصارت نكتة
مشعل : نسيتها كل من شرفو
ملاك : يلا تذكرها ناطرتك
مشعل : اي اي يقولج في واحد
شان ينفتح الباب و دخلت اليدة
مشعل : اووووو الحين ماراح اقول النكتة
يدة شريفة : اووو ملاك منورة اليوم حبيبتي الحمدالله عالسلامة
ملاك : الله يسلمج
يدة شريفة : مشعلو ليش قاعد تتحلطم
مشعل : لا و لا شي
يدة مشعل : عبالي
شان يرن تلفون مشعل (( احبك و اسهر ايام و ليالي ))
يدة مشعل : يلا قوم تلفونك رن اركض رد عليه
مشعل : لعانة عليج مابي ارد
يدة مشعل : هييييييي انا يدتك شنو تكلمني جذي
مشعل : لا عاد كلش ولا ماماعودة كلش و لا زعلها
يدة مشعل : ههههههه اي قص علي بهالكلام
فاطمة : انا بروح اييب لج شي تاكلينه احد يبي شي بعد
شريفة : بروح معاج
و طلعوا من الغرفة شان مشعل يقول : شفتي نسوني النكته
ملاك : خيرها بغيرها
يدة ملاك : يالله ملاك غرفتج اليديدة تنطرج
ملاك : لا يما انا بقعد ببيتنا
يدة ملاك ( اللي هي يدة شريفة ) : لا مايصير تقعدين بروحج
ملاك : عفية يمه مابي اقعد الا في بيتنا بس بيتنا
يدة ملاك : لا حبيبتي و لا تدرين شلون انا بقعد عندج جم يوم بس بعدين لازم تعيشين معانا مايصير اقعد معاج طول العمر
ملاك : اوكي انتي بس تعالي عندي جم يوم بعدين يصير خير
مشعل : لحظه يعني تروح معاج و تخليننا بروحنا
ملاك : اي عيل
مشعل : و احنا ؟؟
يدة ملاك : انتوا اشفيكم
مشعل : منو يطبخ لنا
يدة ملاك : ههههههههههه هذا اللي هامك
مشعل : اي عيل
يدة مشعل : خلاص انا ادز لكم الغذا مع السايق
مشعل : لا و الله و العشا ؟؟
يدة مشعل : واااااااااااي انت كل همك الأكل خلاص ادز لكم العشا بعد
مشعل : اي مو تدزين خفايف نبي مجابيس
ملاك : هههههههههههههههههههههه
مشعل : الله ضحكت طالعي ما قلت نكتتي ضحكت
ملاك : و الله مشعل انت مادري شلون صاير
مشعل : صاير حلو و ازقرت شوفي اشحلاتني صاير و الله مسوي نيو لوك
ملاك : مشعل انت جم عمرك
مشعل : شهر 6 الياي اصير 20 يعني توة الناس
ملاك : عمرك 19 و هذي سوالفك
دخلت شريفة و فاطمة و معاهم الاكل
شريفة : يبنالج الوجبة اللي تحبينها
فاطمة : يلا اكليها
مشعل : و انا اشيبتولي
شريفة : افاااا عليك ميشو ما انسا طلبك تفضل
مشعل : اي و الله هذي الاخت اللي تحترم اخوها
مشعل بطل الوجبة شان يلقاها مو نفس اللي يحبها
مشعل : شرفوووووووو شنو هذا انا ما آكل فليه سمج
شريفة : كيفك هذي مسؤوليتك << اهي تدري ان مشعل ما ياكل سمج
مشعل : خلاص ماني ماكل زين
شريفة ببرود : اي زين
فاطمة : انت مو هامنا احنا بس نهتم ملاك
ملاك : تسلمون
*مر هاليومين ابسرعة و راحت ملاك بيتهم و راحت معاهم يدتها و نزلو غرفتها تحت احسن لها*
يدة ملاك : ملاك فكينا يلا اكلي
ملاك : و الله مو مشتهية
تررررررررررن تررررررررررررن <<صوت الجرس
يدة ملاك : منو ايي هالحزة
ملاك : اروح اشوف منو
يدة ملاك : لا قعدي بروح افتح انا
راحت اليدة تفتح الباب و انصدمت صدمة مو طبيعية من اللي واقف يم الباب
ياترا منو اللي وراقف يم الباب ؟؟
~Queen_sense~
20-07-2008, 05:11:26 PM
الجزء الثاني عشر
اليدة : ابوووو ملاك ؟؟
ابو ملاك : اي انا ابو ملاك
كانت الصدمة قوية على يدة ملاك لان صارلها اكثر من 10 سنين مو شايفته : ابوووو ملاك اي تفضل حياك
ابو ملاك : شكرا
ملاك قامت من مكانها لأنها ماكانت تدري ان هذا ابوها : منووو
ابو ملاك : ملاك كبرتي و الله انا ابوج
ملاك صارت الصدمة قوية عليها : ابووووووووووووي
ابو ملاك : اي نعم
ملاك : ابوي ؟؟ و وينك عني طول هالسنين ما تسأل عني حية و لا ميتة و وينك عني لما نمت بالمستشفى اسبوعين و يمكن اكثر و وينك عني لما راحت امي و خلتني و وينك لما احتجت لك و ينك عني لما.......
قاطعها ابوها : هذا ما يهم الحين انا ياي اخذج و اوديج معاي مو عدلة تقعدين هني بروحج
ملاك : انا مو بروحي معاي يدتي
ابو ملاك : انا مالي شغل انتي راح تيين معاي اذا مو بالطيب بالقوة
ملاك : بس انا مابي ايي
ابو ملاك : شوفي اذا ماييتي بالطيب المحاكم راح تييبج عندي بالقصب و الحين يلا قومي يبي اغراضج خنمشي
ملاك : انت شنو تطلع بحياتي فجأة و تقولي تعالي معاي عقب 17 سنة غياب
ابو ملاك : شلون يعني ؟؟
ملاك : اسفة انا بظل ببيت امي اللي تربيت فيه
ابو ملاك قرب منها بعصبية و عطاها طراق طيحها بالأرض : الظاهر امج ما علمتج الادب انا باجر راح ايي و القاج مجهزة اغراضج كلها و لا اجرج من شعرج و اوديج معاي بالقصب
ملاك طايحة عالأرض تبجي و ابوها طلع و يت يمها يدتها و حضنتها : بس يا حبيبتي بس
ملاك : يماا مابي اروح معاه مابي ابي اقعد هني مابي اروح لا تخلينه ياخذني
يدة ملاك : و الله ودي بس هذا ابوج اذا مارحتي له المحكمة راح توديج له بالقصب
ملاك : اي بس انا ما ابيه ما احبه اهو عذب امي و طقها و بعدها خلانا و راح و الحين ياي يقولي راح تعيشين عندي مابي اروح مابي اروح
يدة ملاك : انا بدق لج على شريفة و فاطمة اييون يقعدون معاج
ملاك : انا بروح غرفتي اذا وصلو قولي لهم ايون غرفتي
يدة ملاك : انشاء الله
ملاك : مشكورة يما مشكورة وايد
و راحت غرفتها واهي تبجي و دقت على احمد
ملاك و اهي تبجي : الووووو
احمد : ملاك اشفيج
ملاك : احمد ابوي بياخني عنده انا مابي اروح له مابيه
احمد : ابوج ؟؟ اي ملاك من حقه بس هذا ابوج مو احد غريب
ملاك : بس ابوي راح يعذبني انا ما احبه ما أبيه
احمد : لا ملاك مهما يكون هذا ابوج و بعدين اهو راح تتغير معاملته لج
ملاك : تهقى راح تتغير صج ,, بس مو قادرة اعيش عنده
احمد : اي اكيد بس حاولي تتأقلمين
ملاك : انزين و شلون على فطوم و شريفة
احمد : عادي مارسي حياتج طبيعية
ملاك : خلاص عيل حبيبي انا بروح اجهز جنطتي
احمد : اوكي بس تأكدي ان هذا ابوج و له حق عليج
ملاك : انشاء الله
احمد : يلا مع السلامة
~Queen_sense~
20-07-2008, 05:12:02 PM
الجزء الثالث عشر
صكته و دورت على جنطتها و قامت تحط اغراضها فيه و يت لها فاطمة و شريفة و قعدت معاهم و بعدين راحو و نامت و قعدت الصبح اغراضها كلها جاهزة و لما وصل ابوها : ها جاهزة
ملاك : اي جاهزة بس يبا انا بغيت اتأسف لك عن امس لأني عاندتك
ابو ملاك : ملاك انتي بنتي و انا ابي مصلحتج
ملاك : اي ادري يبا
ابو ملاك : يلا ركبي السيارة خنمشي
ركبوا السيارة و عقب ربع ساعة وصلو حق البيت
ابو ملاك : تفضلي
ملاك منصدمة اول مادخلت لقت بأنتظاهرها مرت ابوها و بنت و ولد و اكتشفت انهم اخوانها
ملاك : السلام عليكم
الباجي : و عليكم السلام
ابو ملاك : طبعا كلكم عارفين ان هذي بنتي ملاك ,, ملاك هذا ولدي عبدالعزيز و هذي بنتي سمر و هذي زوجتي ناهد
ملاك : تشرفنا
ابو ملاك : طبعا غرفتج راح تكون يم غرفة سمر و صالتكم مشتركة و يم غرفتكم بشوي غرفة عبدالعزيز و احنا بالدور اللي تحتكم البيت 3 ادوار الدور اللي فوق حق الخدم و مخازن و اللي تحته حقكم و اللي تحته حقنا
ملاك : مشكور يبا
ابو ملاك : روحي غرفتج من هالجهة
ملاك : انشاء الله
راحت تزهب جناطها بس تعريف اهل البيت اهم :
عبدالعزيز : ولد طيوب و حبوب عمره 20 ابيضاني عيونه فاتحة طويل و جسمه شوي معضل
سمر : هم طيوبه و حبوبة عمرها 17 بيضة عيونها وساع و غامجة و طولها حلو
ناهد : مرت ابوها تحب ابو ملاك حيل و ما كانت فلوس ذاك الزود و متحملته رغم كثرة عيوبه
المهم نرجع لمحور القصة
ملاك راحت لغرفتها و قاعدة ترتب الاغراض : هذي البداية زينة و شكلهم اخواني حبوبين
طق طق طق << صوت الباب
عزيز : ممكن ادخل
ملاك : تفضل
عزيز : قوة
ملاك : هلا ادخل
عزيز : شكرا طبعا دام انج بتقعدين معانا احب اعرفج بنفسي انا عزيز عمري 20 بالجامعة
ملاك : اعمارنا قريبة من بعض انا ملاك عمري 18 توني متخرجة من الثنوي
عزيز : اهاااا المهم شوفي اخر الممر في غرفة بابها كبير هذي غرفتي
ملاك : اوكي
قعدت اتسولف معاه فترة و ارتاحت له وايد لأنه حبوب
عزيز : اقول ملاك عمرج حبيتي
ملاك : لا
عزيز : الحـب حلو بس ساعات يعذب
ملاك : ليش انت تحب
عزيز : اقولج بس ما تقولين حق احد
ملاك : قول
عزيز : اي احب وحدة اسمها مريم
ملاك : مريم ؟؟ امممممممم؟؟ و ناوي تخطبها لما تخلص
عزيز : اي بس عاد اذا ابوي رضا
ملاك : وليش مايرضى
عزيز : ابوي عنده تخلف بهالموضوع يعني البنات ما ياخذون غير شباب العايلة و العكس صحيح
ملاك بخوف : ليش ؟؟
عزيز : تقدرين تقولين عشان مايروح الحلال بره العايلة
ملاك : بس مايصير جذي وين قاعدين
عزيز : شوفي ابوي عنده قوانين و الصراحة يبيلج وقت تتعودين عليها
ملاك : مثل ؟؟
عزيز : يعني تلفونج لا تطلعينه جدامه لأن راح ياخذه و مايرده
ملاك : كديناها خير و بعد
عزيز : ماكو طلعة بروحج
ملاك : اي بس انا اسوق و عندي سيارة
عزيز : ابوي ماله شغل بهالسوالف
ملاك : انزين و بعد
عزيز : ماكو جامعة
ملاك : شنووووووووووووووووووووو لا إلا الجامعة شنو يبيني اقعد بالبيت
عزيز : اي ترا فيه بعد بس بأختصار ابوي معقد
طق طق
سمر : ممكن ادخل
ملاك : تفضلي حياج
سمر : قوة
ملاك : هلااااا دشي خنسولف شوي
سمر : عزوز انت شتسوي هني
عزيز : اللي انتي قاعدة تسوينه
سمر : طبعا اعرفج بنفسي انا سمر عمري 17 بثنوي و جارتج بالغرف شوفي اذا طليتي راح تلقين يمج غرفة عليها حرف S هذي غرفتي
ملاك : اهااااا
سمر : عشان تفرقين بالغرف
ملاك : الصراحة انا ارتحت لكم انا بالاساس كنت خايفة اني ايي هني يعني تكونون معاي مو زينين بس الصراحة استانست معاكم
سمر : و الله جتى احنا ارتحنالج اي صج اذا كنتي تسوين عزايم بالبيت لازم توقفين
ملاك : ليش ؟؟
سمر : اي بس هني القوانين غير ماكو عزايم غير اذا بتعزمين بنات عماتج و بس
ملاك : شنووووووووووووووو ؟؟ لا و الله شنو هالقوانين
سمر : هذا اللي احنا متعودين عليه
ملاك : بس مايصير جذي
سمر : و مايصير تطلعين الا بيت عمامج و بس
ملاك : اووووووه كل شي عمامج يعني لي هالدرجة ابوي يحب اخوانه
سمر : اي صج و كل خميس عزيمة ببيت احد عمامي
ملاك : انزين سمورة انا ما اعرف احد من بنات عمامي فأبيج تكونين معاي اوكي
سمر : اي افا عليج ماطلبتي شي
عزيز : و ماكو مطاعم
ملاك : امبيه انتوا شلون عايشين
سمر : ما شفتي شي امس سمعت ابوي يكلم امي و يقولها ..
عزيز : سمر بس
ملاك : لا خلها عادي انا احساسي مات و راح مع امي ما قمت احس
عزيز : ملاك شوفي احنا اخوانج صج انج توه تقعدين معانا بس مهما صار احنا اخوانج و امي حنونة بعد راح تعاملج احسن معاملة بس انا ما اقولج غير الله يعينج على ابوي
ملاك : انزين ابوي ليش خذاني انا كنت عايشة مرتاحة هناك
عزيز : شوفي بقولج شي بس توعديني ما تعصبين
ملاك : اوعدك تفضل
عزيز : الصراحة انا سمعت ان ابوي بيزوجج من ولد عمي فواز
ملاك قامت تبجي : شنوووو انا مابي اتزوجه مايصير جذي انا ابي اكمل دراستي ابي اشتغل
عزيز: شوفي انا قلت لج جذي بس ما أبيج تعصبين
سمر : ملاك ادري تعبناج عزوز يلا خنمشي عشان انخلي ملاك ترتاح
عزيز : يلا
طلعو و ملاك قطت نفسها عالفراش و اهي تبجي
**شلون بتصير حياتها هني ؟؟
~Queen_sense~
20-07-2008, 05:12:39 PM
هذوول 6 اجزاء هديه مني لكم
بس عاد وين الردود :pp
بــنت_عــز
20-07-2008, 06:03:47 PM
يسسسسسسسس
خلصت الاجزااء..:yaaahoooo
باااال شنو ذيي !!!!!
اش هالابو بعيد الشر..:wacko:
الله يعين ملوكه و يصبرها..!!
استمتعت بهالاجزاء... :)
بانتظار الاجزاء الباقيه..^_^
~Queen_sense~
20-07-2008, 06:20:15 PM
لوووووووووووووووول
اي والله شهالابو .. ماشفتو شي بعد من ولد عمها
أريج الورد
20-07-2008, 06:45:55 PM
ياللهي قعدت اصيح على موتة ام ملاك
احس ابوها متخلف وين عايش الاخ
شكلها ملاك بتتزوج ولد عمها ويتحطم قلبها وقلب احمد
زاد الاشتياق للاجزاء التالية ... شكلها الاحداث تكون مثيرة
الله يرضى عليج ملكة الاحساس لاتتأخرين علينا
~Queen_sense~
20-07-2008, 06:51:20 PM
انشالله
باجر راح احطلكم الاجزاء الباقيه
خوليتا
20-07-2008, 07:15:26 PM
شو..هالتقلبات
الله..يعينها..هههههههه
بليز..حطي..لنا..الأجزاء..عما..قريب
بــنت_عــز
21-07-2008, 03:59:19 PM
كوين فديتج بانتظار الاجزاء ^_^
άqά ¥ ά J Ǿ ® Ǿ ђ ฿
21-07-2008, 04:24:44 PM
اكملت القصة من زمانننننننن
~Queen_sense~
21-07-2008, 06:16:43 PM
لوووووول حياتي انتي
انشالله بالطريج
άqά ¥ ά J Ǿ ® Ǿ ђ ฿
21-07-2008, 06:17:45 PM
انتي حطي العنوان بس وانا انهي القصص في يوومها
~Queen_sense~
21-07-2008, 06:23:22 PM
الجزء الرابع عشر
دورت تلفونها و لقته بين الاغراض دورت فيه رقم احمد و دقت على احمد
ملاك : الوووو احمد الحق علي
احمد : ملاك ؟؟ اشفيج
ملاك : احمد ابوي معقد ماراح يخليني اطلع و لا راح يخليني اكمل دراستي و راح يزوجني ولد عمي احمد عفية ابي احد يطلعني من هني مابي اقعد هني
احمد : شنوووو شلون يعني مايصير خلاص انا باجر راح اروح مع الأهل اخطبج لا تخافين
ملاك : اخاف ما يوافق احمد و الله مو قادرة اتحمل اعيش جذي
احمد : وليش ما يوافق لا تخافين انشاء الله يوافق
ملاك : خوفي ما يوافق احمد ترا انت الشخص الوحيد اللي مهون علي و الله مابقى لي احد بالدنيا غيرك اذا ما اخذت حياتي بتنهدم بمووت
احمد : ملاك ... احبج
ملاك : و الله انا بعد احبك و اموووت عليك بس الظروف كانت اقوى مني
احمد : انشاء الله بتتعدل الظروف
ملاك : يارب
احمد : انتي الحين روحي غسلي ويهج و ريحي و انا ادق عليج بعدين
ملاك : اوكي مع السلامة
صكت التلفون و حست براحة كبيرة و كانت تبي تنزل تكلم ابوها بموضوع الجامعة
جان تسمع صوت طرق باب
طق طق
ناهد : ممكن ادخل
ملاك : اي تفضلي حياج
ناهد : ادري عندج شغل و بترتبين اغراضج بس انا قلت دام انج راح تعيشين معانا فلازم اعرفج عن نفسي انا ناهد مرت ابوج تقدرين تناديني خالتي او ناهد على راحتج غرفتي تحت اول ما تدخلين البيت امشي يمين تلقين غرفة هذا غرفتنا انا و ابوج و اي شي محتاجته تقدرين تناديني
ملاك : الصراحة انا مادري وين اطلع من معروفكم انتو واايد حبوبين و طيبين و شكلي راح ارتاح عندكم
ناهد : احنا بالنسبة لنا ما عندنا مانع انج تقعدين هني بس ابوج كان مقصوب اييبج لأن اخوه طارق حن عليه ياخذج
ملاك : آآآآآآآآآآآآآآه ابوي ........ الله يسامحه
ناهد : اي صج انا بمشي الحين لا تنسين تنزلين الساعة 2 حق الغدا
ملاك : اقول خالتي ابوي قاعد
ناهد : لا ابوج سافر
ملاك : سافر ؟؟؟ مامداه
ناهد : اهو يابج البيت و راح المطار
ملاك : اوكي مشكورة على اللي سويتوه معاي
و راحت تحضنها
ناهد : العفو ولو انتي مثل سمر بنتي
و طلعت ناهد و بعد نص ساعة راحت ملاك حق غرفة سمر
ملاك : ممكن ادخل
سمر : اي ملوكة حياج
ملاك : الحين وقت الغدا ترا
سمر : عزيز نزل
ملاك : لا انا الحين اروحله
سمر : اوكي عيل الحين انزل
طلعت سمر منها و راحت حق عزيز طقت الباب
ملاك : ممكن ادخل
عزيز : دخلي
ملاك : ترا الحين وقت الغدا
عزيز : اي اوكي الحين ايي
ملاك : اوكي
طلعت ملاك و انزلت تحت قعدت شوي بعدين يت ناهد و قعدت تسولف مع ملاك و نزلو الباجي تغدوا و ملاك صعدت فوق قعدت بالصالة مالت سمر و قعدت تتذكر ايام قبل مع فاطمة و شريفة و امها و مشعل و محمد و اخر يوم مدارس و يدتها و احمد كل هالسوالف مرة عليها بلمحة
سمر : بشنو سرحانة
ملاك : خرعتيني
سمر : هههههههه ما قلتيلي بشنو سرحانة
ملاك : قاعدة اتذكر ايام قبل
سمر : تصدقين ودي اطلع وييييييييه صارلي سنين مو طالعة
ملاك : ليش
سمر : عقد ابوج
ملاك : انزين ابوي ليش جذي
سمر : مادري
ملاك : سمورة تدرين ان عندي سيارة
سمر : حلفيييييييييييييييييييييييييييييييي صج
ملاك : اي و الله بس ابوي ما خلاني اخذها
سمر : حسافة
ملاك : انا توني اخذت الليسن
سمر : صج الفال لي
ملاك : انشاء الله ,, سمر انتي عمرج حبيتي
سمر : من كثر ما اطلع من البيت عشان احب
ملاك : الصراحة دام ان انا رفيجاتي مو معاي فحبيت افضفض لج بس توعديني انج ما تقولين حق احد
سمر : اي اوعدج
ملاك : انا ................. انا احب واحد
سمر : ملووووووووووووووووووووووووك من صجج
ملاك : اي و الله حبوب و طيوب واهو يموت فيني
سمر : بس ماكو فايدة حبج انسيه
ملاك : ليش
سمر : ابوي ماراح يوافق
ملاك : ياربي ليش
سمر : لأنه احنا عندنا قاعدة اسمها الاهل
ملاك : باجر بأيي يخطبني بس ابوي مسافر
سمر : يارب ابوي يوافق بس عاد مامدانا نقعد معاج
ملاك : لا تخافين انا اذا تزوجت راح اقول حق ابوي تيين تقعدين عندي
سمر : لا يبا فشلة
ملاك : ليش
سمر : و زوجج
ملاك : احمد ما يرفض بالعكس راح يعتبرج مثل اخته
سمر : الله لو يصير صج حياتي كلها بتتغير
ملاك : اي و الله انخصص يوم حق نطلع انا وياج بس
سمر : اي عاد مو تتزوجين و تنسيتي
ملاك : لا ماراح انساج
سمر : انزين بروح اييبلج شريط يهبل فلم رومانسي
ملاك : يالله خنطالع بدال قعدتنا هذي
سمر راحت غرفتها تعفس بالأشرطة و ملاك راحت اتدق على فاطمة و شريفة بس ماردو
و مروا الايام ابسرعة احمد بغا ايي بس ملاك قالت له ان ابوها مسافر و مر تقريبا اسبوع و وصل ابوها و نزلت له ملاك
بالجزء الياي ملاك راح تناقش ابوها بموضوع الجامعة فشنو بتكون ردة فعله ؟؟
~Queen_sense~
21-07-2008, 06:23:56 PM
الجزء الخامس عشر
ملاك : قوة يبا الحمدالله عالسلامة
ابو ملاك : هلا هلا ملاك الله يسلمج
ملاك : يبا بتروح ترتاح و لا بتقعد هني
ابو ملاك : لا انا قاعد هني
ملاك : انزين يبا انا بكلمك بموضوع
ابو ملاك : خير
ملاك : يبا انا صارلي اسبوع قاعدة هني لا شغل و لا مشغلة و الجامعات فتحوا التسجيل فأبي اسجل بالجامعة و نسبتي تكفي و ......
قاطعها ابوها بعصبية : احنا ماعندنا بنات يروحون الجامعات
ملاك : يبا بس جذي راح اقعد بالبيت بدون شغل و لا شهادة
ابو ملاك : مو شرط تشتغلين
ملاك : يبا عفية لا تحرمني من الشي اللي طول عمري حلمت فيه
ابو ملاك : ملاكوووو شوفي انقلعي عن ويهي احسن لج
ملاك و اهي تبجي : يبا انت ليش جذي ليش تعذبني حرام عليك راح تتحاسب
ابو ملاك عصب و عطاها طراق قوي و قال : انتي الظاهر مو مؤدبة طالعة على امج بس انا راح اعلمج الأدب يا بنت نور ما أكون بو عزيز اذا ما أدبتج
ملاك : طقني اذبحني بس بتظل الأبو الجاحد اللي مايحب عياله خاف الله شوف عيالك و بنتك ليش معذبهم حراااام عليك راح تهدم حياتهم كلهم
ابو ملاك : انتي صج ما تستحين انتي ما ينفع معاج الادب لازم ينداس على راسج عشان تتأدبين نااااااااااااااهد نااااااااااااااااااااااهد
ناهد : هلا نعم
ابو ملاك : روحي قولي حق الخدم يفتحون الباب مال المخزن
ناهد : ليش
ابو ملاك و هو يصارخ : مالج شغل روحي
ملاك : احبسني سو اللي تبيه خلني اموووت ارتاح من هالعيشة انا مالي دنيا من ورا امي اذبحني خلاص بس راح تظل طول عمرك جاحد و اناني و عديم احساس
ابو ملاك يشد شعر ملاك : بس جب ولا كلمة انتي مو متربية او انا راح اعلمج الأدب
ملاك و اهي تبجي : انا تربيتي احسن من تربية اي احد امي ربتني احسن تربية و محد يقدر ينكر هالشي انت شنو تبي الكل يخضع لك و تبي الكل يمشي على اوامرك و الله حرام
ابو ملاك عصب حده و حكر ملاك بالزاوية و قعد يطقها طقاها طق سنة بساعة و بعدها شدها من شعرها ووداها غرفة بالدور اللي فوق و قفل عليها بالباب و قالها : الحين تعرفين شلون تكلميني
و قال حق الخدم و ناهد و سمر و عزيز انهم ما يفتحون لها الباب الا وقت الغدا و العشا
ملاك و هي داخل المخزن رفعت راسها و لجأت لله الوحيد اللي يقدر ينجيها من العذاب : "اللهم اني عبدك ابن عبدك ابن امتك ناصيتي بيدك ماضٍ في حكمك عدل في قضاؤك اسألك بكل اسم هو لك سميت به نفسك او انزلته في كتابك او علمته احد من خلقك او استأثرت به في علم الغيب عندك ان تجعل القرآن ربيع قلبي ونور صدري وجلاء حزني وذهاب همي " قعدت تتذكر قبل محد كان يتجرأ يمد ايده عليها كانت دلوعة امها و كانت الكل يحبها و يحترمها تذكرت عايلتها قلبت ناظريها بالغرفة لقت انها صغيرة وايد و يمها حمام داخل المخزن و مظلمة الغرفة قامت دورت و لقت لها ليت فتحته و قعدت تبجي شان تسمع صوت الباب ينفتح ركضت للباب
***منو فتح الباب ؟***
~Queen_sense~
21-07-2008, 06:24:53 PM
و شافت سمر : اششششششششش ترا انا ماخذة المفتاح السبير ابوي مايدري عنه
ملاك : مشكورة سمر بس ابوي اذا درا اني طلعت راح .....
سمر : انا ماراح اطلعج بس يبت لج اكل و فواكة و يبت لج تلفونج خفت ابوي يشوفه
ملاك راحت لسمر و ضمتها و قعدت تبجي : مشكورة سمر مشكورة حيل
سمر : لا عادي ما سوينه شي انا بمشي الحين و اذا بغيتي شي دقي على رقم غرفتي اوكي
ملاك : اوكي
راحت سمر من الغرفة و قفلت الباب و ملاك مسكت التلفون و دقت على شريفة طلع لها جاري الانتظار نطرت شوي جان ترد عليها شريفة : ملااااااك شلونج شخبارج لحظه لحظه خأحط مكالمة جماعية قاعدة اكلم فاطمة :::: ملاك :هلا شروف فطوم اشلونكم
شريفة : تمام الحمدالله انتي شلونج
ملاك :شروف فطوم ابي اطلع من هني ابوي معذبني توه طاقني و حابسني بغرفة بروحي
فاطمة : شنو ملاك انتي من صجج شلون يسوي جذي و ليش
ملاك : بس قلتله بسجل بالجامعة عصب و سبني و سب امي بعد (( زادت بجيها ))
شريفة : ملاك هدي شوي انا بكلم خوالي يشوفون له صرفة
فاطمة : ما يصير هذا ابوج و له حق قانوني عليج
ملاك : بس ما يصير يعذبني الله ما يرضا
شريفة : لازم تتحملين يمكن عشان توه يتقرب منج
ملاك : اقولج طقني بهذلني و حبسني بغرفة بروحي
فاطمة : ملاك مالج غير الصبر
ملاك : الصبر فيني خلاص خلص انا ابي اطلع من هني
شريفة : احمد ..... احمد ليش ما يخطبج
ملاك : اي صح احمد قالي ذيك المرة بس ابوي كان مسافر
فاطمة : انزين صكيه دقي عليه
شريفة : اي يالله دقي و ردي قوليلنا اوكي
ملاك : اوكي يلا باي
صكته و دقت على احمد
احمد : ملاك وينج انتي ادق عليج ماتردين و ماتدقين علي
ملاك و اهي تبجي : احمد ابوي ...... ابوي معذبني حابسني بمخزن و طاقني
احمد : شنووووووو
ملاك قامت تبجي
احمد : ملاك ما يهون علي اسمعج تبجين بس خلاص مسحي دموعج و انا اقول حق ابوي باجر انروح انخطبج من ابوج بس يالله مسحي دموعج و الحين ادق على ابوج اي صج جم رقمه
ملاك : انا ادز لك اياه مسج الحين
احمد : اوكي يالله باي
ملاك : باي
صكته ملاك و دزت له مسج دورت على مكان بالمخزن و لقت مكان حاطين فيه فراش حطت راسها و نامت لأنها كانت تعبانة
في بيت شريفة الساعة 6
شريفة : مشعلووو قوم بسولف ماعندي احد اسولف معاه
مشعل : شرفوووو الله ياخذج ما خليتيني انام
شريفة : الله ياخذك انت يلا قوم خلصني
مشعل : نعم خير
شريفة : ملاك كاسرة خاطرج
مشعل : ملاك ؟؟ وين شفتيها
شريفة : دقت علي تقول انها متعذبة ابوها طاقها و حابسها
مشعل : شنووووووو ؟؟ هذا شكوو يسوي فيها جذي
شريفة : مادري حرام كاسرة خاطري
مشعل : تبين تروحين لها
شريفة : و الله ودي بس ابوها حابسها ما اعتقد انه راح نقدر انشوفها
مشعل : خلاص لما ابوها يطلعها انروح لها و الحين يلا عطينا عرض اكتافج خليني انام
شريفة : اوووووووووووف انتو ليش كلكم نايمين احد ينام المغرب
مالقت اجابة من مشعل لأنه نام
راحت دقت على ملاك و ماردت عليها و لا فاطمة
شريفة : الظاهر الكل نايم ليش اشصاير لهم
مشعل : شرفوووووووووووووووووو طفي الليت
شريفة : ههههه انت توك تستوعب ان الليت امبطل
شريفة توها بتطلع شان يرن تلفون مشعل (( احبك و اسهر ايام و ليالي ))
مشعل عباله شريفة طلعت جان يرد على التلفون بصوت دايخ : الوووو
اميرة : ميشو وينك
مشعل : نااااااااااايم نامت عليج طوفة
اميرة : هييييييييييييييييييييي ترا انا اميرة اشفيك
مشعل : اميرة ؟؟ منو اميرة
اميرة : معقولة نسيتني ؟؟ مداك هييي مشعل اصحى انت نايم ؟؟
مشعل : لايكون انتي اللي رقمتج بالمطار امس
اميرة : لا و الله مرقم بنت امس ها ؟؟ اصلا انت مو كفو وحدة تخلص لك الشره علي انا اللي وثقفت فيك عبالي صج تحبني
مشعل : الزبدة
اميرة : ما اقول الا مالت عليك و على ويهك يالحقيييييييييييير يالخاين
مشعل : هييييييييييييي انتي صج قليلة ادب احترمي نفسج مالت عليج ماخليتيني انام نامت عليج طوفة يلا يلا قلبي ويهج مع السلامة
مشعل كان حاطه سبيكر لأنه كان نايم و طبعا شريفة اسمعت كل اللي صار
شريفة : ها هذي اميرة اللي خاب روحك فيها
مشعل : شنووو
شريفة : انت لي الحين نايم و لا قاعد
مشعل : اووووووووووووووووووووووووووووووووووووووووووووووووو وووووف اميرة
شريفة : اي اميرة انت تدري اشقلتلها
مشعل : لااااااااااااااااااااااااااااااااااااااااااااااااا اااااااااااااااااااا راحت صيدتي حساااااااااااااااااافة
شريفة : وااااااااااي انت
مشعل : لو سمحتي بره انت توني قاطع علاقتي مع وحدة احتاج لوقت بروحي عشان انسى
شريفة : اي بس .............
مشعل : شرفوووو براااااااااااااااااااااا يالله
شريفة : اوكي اوكي لا تطقني
صك الباب و طفا الليت و نام
**شراح يصير على ملاك ؟؟
~Queen_sense~
21-07-2008, 06:25:22 PM
في لخبطة بأرقام الأجزاء طوفوا اوكي
بيت ابو ملاك الساعة 7
ابو ملاك : ناهد ما أبيج تفتحين لها الباب و قولي حق الخدم ما يفتحوون لها الباب الا وقت الاكل
ناهد : يابو عزيز حرام عليك هذي وحدة يتيمه مالها الا الله ثم انت حرام تسوي فيها جذي
ابو ملاك : انتي مالج شغل اسوي اللي ابيه بنتي و كيفي
ناهد : انزين خلاص كيفك
ملاك قعدت من النوم و حكرت نفسها بالزاوية و قعدت تبجي دخل عليها عبدالعزيز
عزيز : ملاك بس لا تسوين بروحج جذي
ملاك وخرت عنه : وخر عني وخر عني انت بتطقني انت مثل ابوك انا ابي امي ابي اقعد مع امي ما أبيكم وخروا عني ابي امي
عزيز كسرت خاطره ملاك قالها : ملاك امج الله يرحمها ادعي لها بالرحمة مو زين تسوين جذي
ملاك كانت ترجف من الخوف و البجي
قرب منها عبدالعزيز و ضمها و هو يطبطب عليها : ملاك محد يكرهج بس لا تسوين جذي حرام عليج
ملاك : انزين قول حق ابوك يطلعني عفية قوله انا ما احب الظلام و ما احب اقعد بروحي
عبدالعزيز نزل حق ابوه و قاله : يبا حرام عليك طلع البنية ليش تسوي فيها جذي
ابو ملاك : انت ما شفتها شلون تكلمني
عزيز : انزين يبا سامحها هالمرة عشان خاطري
ابو ملاك : انزين هاك المفتاح روح طلعها و الله لو مو حنتك انت مو امك شان ما فكرت اطلعها
عزيز : الله يخليك لنا يا يبا
ركض عبدالعزيز فوق و هو يقول حق ملاك بطل الباب و شافها منسدحة بالزاوية عباله نايمة قرب منها و لا مو قاعدة تتنفس : ملاااااااك ملااااااااااااااااااك ملاااااك قومي انتي تسمعيني
ملاك كان مغمى عليها و كانت بحالة لا يعلم فيها الا رب العالمين
عبدالعزيز ركض حق ابوه تحت : يبا ملاك ماترد علي مادري اشصار فيها
ابو ملاك ببرود : خلها عيارة
عزيز بصراخ : يباا اقولك مو قاعدة تتنفس اتصل عالاسعاف البنية بتمووت بين ايدك
ابو ملاك حس ان الموضوع صج ركض فوق شاف ملاك طايحة شالها و ركبها السيارة و ودوها المستشفى ,, دخلوها الطوارئ و بعد فترة طلع لهم الدكتور
ابو ملاك : ها دكتور اشفيها
الدكتور : سكته قلبية
عزيز : سكته قلبية ؟؟ دكتور شلون ملاك حتى 19 ما وصلت
الدكتور: الظاهر انها تعرضت لضغط او شي تخاف منه سبب لها السكته القلبية
ابو ملاك : انزين الحين ممكن انشوفها
الدكتور : لا مو ممكن حاليا تقدرون تروحون البيت و تيون باجر يمكن تكون استقرت حالتها
ابو ملاك : يالله عيل عزيز خنمشي
و بالسيارة ::
عزيز : يبا انا بقولك شي بس ما ابيك تزعل مني
ابو ملاك : قول
عزيز : يبا اللي صار حق ملاك بسبتك
ابو ملاك : ادري من غير ما تقول
عزيز : و عادي عندك يبا البنية توها صغيرة صار فيها سكته قلبية لو اكبر شان اشصار
ابو ملاك : عزيز خلاص كافي بس مابي اسمع منك شي
ووصلو البيت و عزيز راح لغرفته شان تروح له سمر
سمر : ها ملاك اشفيها
عزيز: سكته قلبية
سمر : شنووو لا شلون ملاك توها صغيرة
عزيز : ملاك انحطت بمكان ظلام و بروحها و اهي تخاف الظلام
سمر : الله يسامحك يبا
عزيز : سمر خليني انام الحين و انتي بعد روحي نامي ورانا قعدة من الصبح
سمر : اوكي تصبح على خير
سمر راحت نامت و عزيز نام
الساعة 9 الصبح في بيت ابوملاك
سمر : عزوز يالله قوم خنروح حق ملاك
عزيز : سمور ؟ الساعة جم؟
سمر : 9
عزيز : اوكي الحين انزل انتي نزلي بس
سمر : انزين لا تطول
عزيز : اوكي
بعد 10 دقايق نزل عزيز لقى سمر و امه قاعدين عالطاولة و جدامهم الريوق
عزيز : يما وين ابوي
ناهد : لين الحين نايم
عزيز : لااااااا نايم و مخلي بنته بين الحيا و الموت
ابو ملاك طلع من الغرفة فجأة : انا ما نسيت بنتي يا عبدالعزيز
عزيز : خلاص عيل خنروح لها الحين
ابو ملاك : سمر بتيين معانا
سمر : اكيد
ابوملاك : ناهد بتيين ؟؟
ناهد : انا ما عندي مانع
ابو ملاك : يالله قومو لبسوا و انا ناطركم بالسيارة
الكل قام لبس بثواني و وصلو المستشفى
.. التكملة بالجزء الـ16 و منها راح نعرف احداث وايد
~Queen_sense~
21-07-2008, 06:25:55 PM
الجزء السادس عشر
و دشوا لملاك لقوها بحالة تكسر الخاطر عليها مغذي و اجهزة و مو قادرة تتنفس الا بأجهزة الكل دخل و اخر واحد كان ابو ملاك ,, ملاك كانت امبطلة عيونها لما شافته دقات قلبها قامت تزيد و ودها تصارخ بس مو قادرة دقات قلبها قامت تزيد و تزيد و الدكاترة تيمعوا عليها و يهدونها
الدكتور : لو سمحتوا طلعو ابسرعة
الكل طلع و ناطرين بالممر طلع لهم الدكتور
ابو ملاك : ها دكتور اشفيها
دكتور : انا لين الحين مو عارف اهي من شنو صارلها جذي اهي في احد منكم لما تشوفه تسوء حالتها دشوا واحد واحد عليها يمكن ما تسوء حالتها
اول شي دخلت سمر : ملاك يالله انشاء الله تصيرين احسن عشان انطالع الفلم اليديد
ملاك ابتسمت لها
سمر : اي جذي خنشوف ابتسامتج
طلعت سمر و دخل عبدالعزيز
عزيز : ملوكة يالله متى تردين البيت اشتقنالج يالله عشان نقعد مع بعض نضحك يالله ملوكة لا تطولين علينا
طلع عبدالعزيز و دخلت ناهد
ناهد : بالفترة اللي قعدتي فيها بالبيت حسينا ان البيت شوي تغير صار فيه شي يجمعنا ملاك لا تتأخرين انشاء الله تتحسن حالتج و تردين مثل اول و احسن
طلعت ناهد و بقى ابو ملاك كان متردد انه يدخل و لما دخل ملاك زادت حالتها سوء الدكاترة دخلو عليها و طلعوا ابو ملاك و الكل ناطر بالممر و نظرات الكل لأبو ملاك خلته يبعد عنهم
ابو ملاك بقلبه : كل مني انا اللي سويت فيها جذي بس تستاهل صج انا غلطت بس اهي غلطت قبل لازم اكون قوي ملاك بترد البيت عاجلا او اجلا لازم تكون كلمتي اهي الماشية عليهم
طلع الدكتور من غرفته : لو سمحت انت ابوملاك
ابو ملاك : اي نعم
الدكتور : اللي عرفته ان ملاك تصيبها حالة اذا شافتك لازم ما تدخل عليها جم يوم عشان ترتاح
عزيز : و احنا نقدر ندخل عليها
الدكتور : اي عادي انزين انتو تعرفون احد تشتكيله او تثق فيه او تكون يعني متعودة عليه عشان شوي انحاول انخليها تهدي من الحاله
سمر : اي اي شريفة و فاطمة و اهل امها قبل
الدكتور : دقوا عليهم يمكن تتحسن حالتها بشوفتهم
عزيز : اوكي سمر دقي عليهم .. انزين دكتور اهي تتكلم الحين
الدكتور : اي عادي بس لازم ما تجهدونها
عزيز : خلاص عيل سمر هاج تلفوني تلقين رقم بيت يدة ملاك فيه دقي عليهم قوليلهم ايون
سمر : اوكي انا بدق انتوا دشوا عليها
الكل دخل بس ابوملاك راح البيت
سمر مسكت التلفون و دقت :
سمر : الوو السلام
مشعل : و عليكم السلام
سمر : شريفة موجودة
مشعل : منو اقولها
سمر : انا سمر اخت ملاك و الصراحة ابيها بموضوع ضروري ممكن تناديها
مشعل : اي اوكي
شريفة : الوووو
سمر : انتي شريفة
شريفة : اي
سمر : انا سمر اخت ملاك ,, ملاك بالمستشفى ممكن تيون لها
شريفة : ملااااااك بالمستشفى ليش ؟؟ اي مستشفى
سمر : ********** ابسرعة لا تطولون
شريفة صكته
مشعل : اشفيها ملاك
شريفة : مشعل ابسرعة ودني لها ملاك بالمستشفى
مشعل : اوكي يالله لا تقولين حق يدتي
شريفة : انزين بس خأقول حق فطوم
مشعل : يالله ابسرعة
ابسرعة راحو المستشفى و لما وصلو
شريفة دخلت على ملاك و لما وصلت لها ما قدرت تحبس دموعها : ملاااااااااااااااااااااااااااااااااك
ملاك تتكلم بصعوبة : شريفة ؟؟ وينج شريفة وين كنتي وينج عني خليتوني
شريفة : و اهي تبجي راحت ضمت ملاك : ملااااااك منو سوى فيج جذي انتي كنتي مافيج شي
لي متى بتظل ملاك جذي مع ابوها ؟؟ و هل راح تردله ؟؟
~Queen_sense~
21-07-2008, 06:26:53 PM
الجزء السابع عشر
طق طق
مشعل : ممكن ادخل
ملاك : مشعل ؟؟
مشعل : هلاااااااا و الله ملااااااك سلامات ما تشوفين شر اشتقنالج وينج ما تدقين و لا تسألين
ملاك : مشعل عفية لا تخليني اروح لأبوي
مشعل : اهاااا يعني ابوج اهو السبب بهالشي
ملاك : اي عفية ابي اقعد اي مكان بس مابي اروح لأبوي
مشعل : ملوك ما عاش من يذلج انتي بتقعدين عندنا معززة مكرمة
فجأة انفتح الباب و دخلت فاطمة و اهي تبجي :ملاااااااااااااااك حبيبتي الف سلامات
ملاك ببجي : فطوم ؟؟
فاطمة : اذا انتي بخير انا راح اكون بخير
ملاك : فاطمة مشتاقتلكم حيل اي صج هذي خالتي ناهد مرت ابوي و هذا اخوي عبدالعزيز و هذي اختي سمر
شريفة : انتي اللي دقيتي علي صح
سمر : اي
مشعل : تصدق عاد عزيز و الله دخلت قلبي من اول ما شفتك
عزيز : و الله حتى انت شكلك غشمرجي
مشعل : اي صج ذكرتني بالغشمرة ملاك سمعتي اخر نكتة
ملاك : لا
مشعل : مو تقاطعوني انا بقول النكته و اللي يقاطعني يا ويله
مشعل : يقولج كان في
تقاطعها سمر : اي صج اشتشربون
مشعل : محد يشرب شي لي ما اكمل نكتتي
شريفة : شنو عقاب
ملاك : هههههه انت لين الحين ما قلت النكته تضحكني
مشعل : يالله خل اقول النكته يقولج كان في عيوزة تصلي و اهي ترجف ليش ؟؟
ملاك : مادري
مشعل : مبرشمة سورة الفاتحة
الكل : هههههههههههههههههههههههههههههههههههههههههههههههههه ههههههههههههههههه
مشعل : عجبتكم
ملاك : هههههههههههههههه
مشعل : انشاء الله اذا تذكرت نكتة ثانية اقولها لج
بـــعد جم ساعة
ملاك : خالتي انتي من الصبح هني تقدرين تروحين ترتاحين
ناهد : اخاف تحتاجين شي
ملاك : لا تخافين كل شي يمي ,, عزيز انت روح ريح بعد
عزيز : اوكي انا بروح مع امي و نمرج بليل سمور يالله امشي
سمر : لا انا بقعد
مشعل استانس لأن عجبته سمر
عزيز : اوكي
طلعوا ناهد و عزيز دقوا على ابو ملاك عشان ياخذهم
سمر : انا بروح اييب لج اكل ملاك شنو تبين
ملاك : مادري على ذوقج
سمر : اوكي شلون حاسة الحين
ملاك : دام ان اهلي يمي انا بخير
سمر : اوكي انا بروح
لما طلعت سمر شان ملاك تقول حق مشعل : مشعل شخبار اميرة
مشعل : وييييييييه اميرة راحت ذاك اليوم صارت سالفة معاها
ملاك : لااا حرام عاد كانت لايقة لك
مشعل : هههه ملوك اختج جم عمرها
ملاك : ترا سمورة مو مالت هالسوالف يوز يوز
مشعل : لا بس جذي اسأل
ملاك : 17
مشعل : 17 ؟
ملاك : اي
مشعل : شكلها اكبر
ملاك : انزين ليش تسأل
مشعل : لا بس ماشاء الله عليها حلوة
ملاك : ادري
مشعل : امممممممممـ
ملاك : اخاف منها هذي
فاطمة : مشعلووو وخر بكلم ملوك ملت منك
مشعل : ملاك ما تمل مني اصلا
ملاك : صح بس مشتاقة حق فطوم
فاطمة : انزين شمسوية ترا ماراح اخليج تردين عند ابوج
ملاك : ماراح ارد له ما احبه بس يبي يعذبني الصراحة انا مادري شلون عياله متحملينه
فاطمة : خلاص انتي بس قولي وين تبين تعيشين
ملاك :اي مكان بس مو عنده
بعد مدة وصلت سمر : ترا يبت حق كل واحد بذوقي
مشعل : اي و انا واثق ان ذوقج حلو
سمر : تفضلوا
مشعل : اشيبتيلي
سمر : فليه سمج
مشعل : سمج
سمر : اي لايق عليك تحبه
مشعل : اي وايد احبه تسلم ايدج
شريفة : و ذاك اليوم عصبت منه
مشعل : اي انا توني بديت احبه هههههه
الكل اكل و ملاك تحسنت حالتها فاطمة دقت على محمد عشان يمرها و شريفة طلعت و اهي طالعة
مشعل : شرفو تعالي نسأل الدكتور عن ملاك
شنو حالة ملاك ؟؟ و وين بتروح لما تطلع ؟؟ و احمد شنو حالته ؟؟
الجزء الثامن عشر
راحوا حق الدكتور
مشعل : دكتور يعني اهي متى راح تطلع
الدكتور : باجر اذا ما ساءت حالتها راح تطلع
مشعل : انزين اهي من شنو صارلها جذي
الكدتور : الظاهر انها انحطت بمكان او صارلها شي اهي تخاف منه
شريفة : اي صج اهي قالت ان ابوها حابسها بمكان ظلمة و بروحها و اهي تخاف من الظلام
الدكتور : هذا يفسر ليش اهي كل ما تشوف ابوها تييها حالة
شريفة : حالة ؟؟
الدكتور : اي اهي لما تشوفه تزيد نبضات قلبها و يتوقف تنفسها
شريفة منصدمة : معقولة في ابو جذي
مشعل : الظاهر ابوها حاقد على امها عشان خذت ملاك فيبي يطلع حرته بملاك
شريفة : انزين مشعل يالله ودني البيت
مشعل : امشي يالله
ردوا البيت
يدة شريفة : انتو وينكم مشيتوا جذي
مشعل بصوت خفيف : ويييي كديناها خير
شريفة : اششش لا تسمعك
يدة شريفة : اشفيكم تتساسرون
مشعل : لا يما و لا شي اي صج ما سمعتي اخر نكته
يدة شريفة : لا مابي اخر نكته
مشعل : لا انا لازم اقولج اخر نكته
يدة شريفة : قول فكنا
مشعل : يقولج كان في
شريفة : يما انا بصعد غرفتي تبين مني شي
مشعل : شرفوووو ليش تقاطعيني
شريفة : انت اشتبي
مشعل : مابي شي يلا يلا عطينا عرض اكتافج
صعدت شريفة
مشعل : اي صج اخر نكته تصدقين نسيتها
يدة شريفة : انا راح اضيع وقتي معاك وخر عن طريجي
مشعل بصوت خفيف : اخيرا نسيناها السالفة الحين خأروح افكر بالحب اليديد
يدة شريفة : الحب الشنووووو شنو قلت مشعلووو تعال شنو قلت
مشعل : لا والله شي بس اقول انج الحب الكبير لنا
و صعد فوق غرفته بس تذكر سمر شان يروح حق شريفة
مشعل : شروووفه بعد عمري بعد جبدي حياتي انتي بغيتج بخدمة
شريفة : ويييييييه بعد عمري و شرووفه اشهالكلام اشبغيت
مشعل : لا بعد انا قلت يعني مالي اخت غيرج فقلت يعني ....
تقاطعه شريفة : مشعل قول اشتبي
مشعل : بس اقول اشرايج نطلع
شريفة : نطلع ؟؟ وين انروح
مشعل : اي مكان خنروح نتمشى
شريفة : مابي شي و مالي خلق اطلع و اذا فكرت اني اطلع راح اروح حق ملاك و بس
مشعل : افاااااااا جذي تكسرين فيني انزين خلاص انروح ناخذ عصير و نتمشى شوي عالبحر
شريفة : و الله انا خايفة من طيبتك الزايدة
مشعل : انتوا كل فاهميني غلط
شريفة : بالعكس احنا اللي فاهمينك صح
مشعل : حرام عليكم انا مظلوم
شريفة : انزين خلاص بروح و بعدين خنمر على ملاك بعطيها خط و تلفون
مشعل : ليش ؟؟
شريفة : تبي تلفون و تلفونها بالبيت
مشعل : اهاااا انزين خلاص انروح نتمشى شوي و بعدين ناخذ عصير و بعدين انمر على ملاك
شريفة : اوكي اشوه مابدلت
مشعل : اوكي عيل امشي
شريفة : يالله
بالسيارة
مشعل : اقول شريفة دام ان انا اخوج العزيز و مالج غيري و دام ان انا تفتخرين فيني جدام الناس و دام ان انا مثقف و جامعي و بظل اخوج الوحيد ابيج بخدمة
شريفة : انت اذا بغيت شي تسويه تسويه
مشعل : قصبن عليج
شريفة : شنوو
مشعل : لا لا و لا شي
شريفة : اي عبالي
مشعل بصوت خفيف : و الله مو عشانج بس حق حبي كل شي يهون
شريفة : اقول مشعل خلصنا يالله اشتبي
مشعل : اوه كل وصلنا خنطلب عصير شنو تبين
شريفة : امممممــ ؟؟ صمدي
مشعل : لوسمحت 2 صمدي
اللي بياخذ الطلب : حاضر
شريفة : اوه مشعلو شوف هذي تسلم عليك من بعيد منو هذي ها مشعلووو منو هذي ؟؟
**منو اللي سلمت على مشعل من بعيد ؟؟
الجزء الثامن عشر
مشعل : اوووووووووووووووووه مو وقته هذي اشتبي
شريفة : منو هذي ؟؟
مشعل : لحظه بأخش ويهي
شريفة : منو هذي ؟؟
مشعل : هذي فرحوو لا بارك الله فيها و الله مو قتها شتبي
شريفة : مشعلووو فشلتني شنو هذا تعرف كل بنات الكويت المفروض يسمونك مغازلجي الكويت
مشعل : بالله انا شسوي اذا كنت حلو و ازقرتي و البنات يلاحقوني
شريفة : أي و العكس صحيح
مشعل : كا وصل طلبنا ,, مشكور يالله بتروحين حق ملاك
شريفة : اي بس اعطيها التلفون و اطلع انطرني برا
مشعل : لحظه منو هناك
شريفة : اختها و فطوم و ايمان
مشعل : صج خلاص انا بنزل
شريفة : لا خلك ماله داعي ماراح اطول
مشعل : اوووووف انزين خلاص يالله ان طولتي بمشي عنج
شريفة : اذا فيك خير امش عني
مشعل : شوفي انا مشعل محد يتحداني ترا انا مينون اسويها بايعها
شريفة : و الله ادري انك تسويها خلاص يبا اسفين
مشعل : يالله لا تطولين
بعد 10 دقايق
مشعل : زين لحقتي بغيت امشي
شريفة : اي صج شنو الخدمة اللي تبيني فيها
مشعل : اي تعرفين سمر اخت ملاك
شريفة بنظرة غريبة : اي
مشعل : ابيج تعرفيني عليها عفية عفية و غلاتي عندج
شريفة : مو بس بأحلامك حتى بأحلامك ما اسويها
مشعل : ليش عاد
شريفة : أولا : ما عندها تلفون ثانيا : ابوها معقد ما يزوج بناته الا عيال عمهم ثالثا اهي ما تطلع من بيت كلش كلش رابعا و اللي اهو الأهم سمر اخت ملاك يعني مثل اختي و انا ما أرضى
مشعل : الشره مو عليج الشره علي انا اللي مطلعج و مشربج عصير و مكشخ و لا انتي مو كفو حتى تروحين الجمعية ما اقول الا مالت عليج يا غبية يا خاينة الجميل
شريفة : هييييييييييييييييييييي الله ياخذك شنو تقعد اتدعي علي
مشعل : شرفوووو لا تخليني اقطج بالشارع
شريفة : يهون عليك تقطني
مشعل : اي يهون علي
شريفة : إلا اردها لك يا .............
مشعل : اذا فيج خير كمليها عشان احذفج و انا ماشي شوفي ترا انا مشعل المتهور اسويها ما يهمني شي اذا حطيت في بالي شي اسويه يعني اسويه
شريفة : خنوصل البيت و اروايك
و بعد فترة بالسيارة
شريفة : انت ليش مسرع لا تموتني
مشعل : جان زين
شريفة : هيييييييي خفف ليش مسرع
مشعل : لا ابي اشوف شلون بتراويني لما نوصل البيت ,, كا وصلنا يلا
شريفة : انا ما احط عقلي بعقلك فبسكت عنك
دخلت البيت و مشعل لين الحين بالسيارة : حسافة تروح علي سمر جمالها جمال مو طبيعي مؤدبه محترمة و الله دخلت قلبي مادري ليش حاس انها غير عن الباجي انشاء الله تكون من نصيبي يارب لحظة لحظه مشعل لايكون حبيتها اي ليش لأ انت حالك حال العالم يمكن حبيتها عشان ما قدرت اضبطها او يمكن عشان كانت غير عن الباجي انا ليش ما ادخل البيت ارتاح احسن لي .
دخل البيت شان تطلع بويهه شريفة
مشعل : شرفوو وخري عن طريجي حدي مالي خلقج
شريفة : اشدعوه عليك كل هذا عشان ماقدرت اتضبط وحدة
مشعل و اهو يصرخ : شرفوو لا تخليني اراويج العين الحمرا وخري عن طريجي احسن لج
شريفة : انزين خلاص لا تطقني
مشعل : عيل وخري
صعد غرفته شان اتدق عليه اميرة استغرب ليش داقة عليه
مشعل : الووو
اميرة : هلا و غلا
مشعل : منو معاي
اميرة : معقولة نسيت صوتي
مشعل : منو انتي
اميرة : انا امورة
مشعل : منو امورة
اميرة : ما اشتقتلي
مشعل : ليش منو انتي عشان اشتاق لج
اميرة : انا حبك و حياتك اميرة
مشعل : شنوو مو فاهم اشقصدج
اميرة : ميشو انا اميرة
مشعل : منو ميشو ؟؟
اميرة : انت
مشعل : توني اكتشف هالشي لحظه منو انتي
اميرة : مشعل اشفيك انا اميرة
مشعل : شكلج غلطانة بالرقم
اميرة : مشعل اشفيك انا اميرة حبيبتك ترا مسامحتك
مشعل : انزين انا مالي شغل بهالسوالف لا تدقين علي مرة ثانية فاهمة
اميرة : انت مو كفو وحدة تدق عليك
مشعل : عن الغلط لوسمحتي
اميرة : مشعل انا احبك
مشعل : لاااااا صج حلفي انتي اصلن وحدة ما تستاهل واحد يخلص لها بسألج سؤال جم واحد كنتي تكلمين لما كنتي تعرفيني ها ؟؟ انتي من صجج عبالج بصدق انج تحبيني عبالج ما تنفضحين لما تكونين تكلمين غيري ترا باينة ها .. هالحركات و الطلعات الخشاشية و المواعد اعرفه و شوفي انا حدي متنرفز مالي خلق وحدة مثلج تيي تقولين احبك و مادري هالخرابيط اوكي
اميرة : و الله
مشعل : انتي شكلج مالقيتي لج واحد عشان جذي تقطين روحج يبا ثقلي الثقل زين
اميرة : ما اقول الا........
مشعل : ها ها ديري بالج تغلطين
اميرة : اوووووووووووف
صكته
مشعل : بل يالله روحة بلا ردة وحدة جذي
شريفة : منو هالوحدة
مشعل : انتي مالج شغل
شريفة : اشدعوه كل هذا عشان ما رضيت اضبط لك وحدة
مشعل : شرفوو طلعي من غرفتي احسن لج
شريفة : مابي
مشعل و هو يقوم صوب شريفة : انتي ما ينفع معاج شي يلا برة
شريفة : الشره علي انا اللي ياية لك
مشعل : ذلفييييييييييييييييي
شريفة : تبي عشا
مشعل : ابي سم يالله برا
شريفة : وييييي امبيه مشعل هد اعصابك
مشعل : براااااااااااااااااا
شريفة طلعت و انسدح مشعل على الكرفاية و هو يقول : معقووووووووووولة كل هذا يصير فيني عشان وحدة لا يبا انا قوي ما يهزني شي بس انا اعترف ان هالمرة صج حبيتها و الله العظيم دشت قلبي بس لحظه انا كنت طول عمري ما اعترف بالحب من اول نظرة يعني هذا حب من اول نظرة لا لا ما اعتقد انا طول عمري مقزرها على البنات ماحبيت و لا وحدة منهم بس هذي اعترف اني حبيتها اوووووه عرفت ماكو غير ملاك ,, طلع من الغرفة و يبي يطلع شاف مفتاح سيارته عالطاولة خذاه و راح
شريفة : لحظة لحظة وين رايح
مشعل : اووو مستعيل اشتبين
شريفة : مابي شي روح روح
مشعل : باي
طلع ابسرعة و راح حق ملاك لما وصل عند غرفة ملاك
طق طق
مشعل : احم احم
ملاك : مشعل ؟؟ تفضل
مشعل و هو يدخل : قوة
ملاك : الله يقويك تعال ماكو احد
مشعل : ملاك شوفي انا بدش بالموضوع بس مابيج تفهميني غلط
ملاك : خرعتني قول
مشعل : لا تخافين ماكو شي بس في موضوع يخصني
ملاك : اوكي قول شنو
مشعل : ملاك طول عمري انا معروف اني اللعب عالبنات و هالسوالف و شوفي انا توني استوعبت شي ان البنات اللي لعبت عليهم شنو راح يكون موقفهم شنو راح يكون شعورهم بعد ما عطاهم واحد كل شي و فجأة خذا كل شي منهم يمكن وحدة منهم راح تعصب او تتعقد
ملاك : و انت ماكنت حاس فيهم صح
مشعل : اي بس الحين فتحت عيوني عالدنيا و موضوعي اللي ياي اكلمج في يبيله انج تفهميني صح انا وقفت اسوي هالسوالف و هالحركات
ملاك : انا مستانسة انك سويت جذي و الصراحة انت ماتدري شلون انا فرحانة لك لأنك مثل اخوي
مشعل : من جذي انا ياي لج بقولج شي
(( و هو قاعد يتكلم سمر وصلت حست ان في احد بغرفة ملاك فوقفت يم الباب عشان ما تضايقهم
ملاك داخل الغرفة : مشعل قول خرعتني اشفيك
مشعل : الصراحة انا ابيج تصدقيني
ملاك : اوكي قول
مشعل : انا احب سمر اختج
كانت الجملة اللي قالها مشعل صاعقة على ملاك و على سمر اللي كانت واقفة يم الباب
سمر ما عرفت شتسوي بعدت عن غرفة ملاك و نزلت تحت كان منصدمة و ملاك تحت تأثير الصدمة
** شنو بتقول ملاك و هل راح تقدر تجمعهم ؟؟
~Queen_sense~
21-07-2008, 06:27:48 PM
هذول 6 اجزاء ..
كل يوم بحط جذي
يالله القاكم باجر انشالله
خوليتا
21-07-2008, 07:43:15 PM
في..انتظار..الأجزاء..الأخرى
بــنت_عــز
21-07-2008, 07:44:47 PM
يسسسسسسس خلصت...
الله يستر من مشعلوو :wacko:
و ان شا الله ملاك ماترجع بيت ابوها و تروح حق يدتها..
خوليتا
21-07-2008, 07:54:52 PM
هههههههههه
والله..كنت..حاسه..أن..مشعل..راح..يبغي..سمر
~Queen_sense~
22-07-2008, 02:11:11 AM
لووووووووووول
انشالله راح احطهم لكم
بالوقت المناسب
بــنت_عــز
22-07-2008, 06:19:59 PM
يلا يا كوييين
نااطرين الاجززاااء ^_^
أريج الورد
22-07-2008, 06:21:40 PM
انا اللي مستغربة منه اشلون صبرت ناهد على ريلها اللي هو بو ملاك وهو بهاي الاخلاق
ومسكينه ملاك في سن صغير جاها سكته قلبية يعني تكون معرضة لهاي الحاله طول عمرها
يعطيج العافية الغالية على الاجزاء ولا تبخلين علينا بالباقي
خوليتا
22-07-2008, 06:23:35 PM
في..انتظار..الأجزاء..الأخرى
άqά ¥ ά J Ǿ ® Ǿ ђ ฿
22-07-2008, 06:29:44 PM
انا اللي مستغربة منه اشلون صبرت ناهد على ريلها اللي هو بو ملاك وهو بهاي الاخلاق
ومسكينه ملاك في سن صغير جاها سكته قلبية يعني تكون معرضة لهاي الحاله طول عمرها
يعطيج العافية الغالية على الاجزاء ولا تبخلين علينا بالباقي
انا كمان مستغربة من صبرها
بالنسبة للسكتة القلبية :sadness: ما بقولكم شو بتسبب لها لانها مفاجاة وصراحة رح تبكو بغزارة لو كنتو عايشين مع القصة
بــنت_عــز
23-07-2008, 01:30:54 AM
وييييييين اليوم مافي التكمله؟؟!!
~Queen_sense~
23-07-2008, 03:56:49 PM
سوووووووووووووووووووري حبايبي
صارت عندي ظروف وما قدرت اشبك
....,,,
واليوم راح احط لكم 12 جزء ملوت امس واليوم
خوليتا
23-07-2008, 04:54:30 PM
مافي..مشكلة
أوكي..في..الانتظار
بــنت_عــز
23-07-2008, 05:56:13 PM
لااا عاادي...
معذووورة يالغالية...
اوووكي بانتظار الاجزاء..^_^
~Queen_sense~
23-07-2008, 08:05:58 PM
الجزء التاسع عشر
ملاك : مشعل انت من صجك
مشعل : اي و الله من صجي هالمرة من صجي
ملاك : مشعل سمر اختي ؟؟
مشعل : شكلج مو مصدقتني خلاص عيل اعتبري نفسج مو سامعة هالكلام مني
ملاك : لحظه مشعل بس انت متى شفت و لا كلمت او حتى ناقشت سمر عشان تحبها
مشعل : مادري مادري انا اول مرة يصير فيني جذي اول مرة احس ان عقلي خلاص مو قادر يفكر
ملاك : مشعل انت متأكد من مشاعرك اتجاه سمر
مشعل : 10000 % 100
ملاك : بس انت تعرف ابوي ؟؟ ابوي ما يرضى يزوج بناته الا من عيال عمهم
مشعل : هذا اللي محيرني و هذا اللي مخلي عقلي يفتر
ملاك : مشعل حبك محكوم عليه بالفشل
مشعل : ادري
ملاك : مشعل اتمنى انك ما تضايق نفسك بس سمر لازم ما تفكر فيها لازم تنسى حبك لها لأن هالشي مستحيل ابوي ماراح يخليك تاخذ سمر كلش
مشعل : انزين ليش ؟؟
ملاك : ابوي تقدر تقول انه معقد و لا تنسى انه ما يحب امي و انت تكون من طرفها ,, انا اسفة مشعل بس حبك محكوم عليه بالفشل
مشعل : يعني ماكو امل
ملاك : للأسف لا
مشعل : اوكي خلاص بحاول انساها
ملاك : انزين ترا مو لايق عليك دور الجد يالله قولي اخر نكته
مشعل : ههههههههه اوكي بس يا ويله اللي يقاطعني
ملاك : ماكو احد يالله قول
مشعل : يقولج كان في خال ( واحد اسود ) طلع له اسد الخال قال عفية لا تاكلني شان يقول الاسد لا الدكتور ما نعني من المشويات
ملاك : ههههههههههههههههههههههههههههههههههههههههه شفت جذي مشعل اخوي اللي اعرفه
مشعل : هههههههههههههه اوكي يالله انا بمشي الحين تاخرت عندج
ملاك : اوكي دير بالك و انت تسوق
طلع مشعل من ملاك و بعد 10 دقايق دخلت سمر
ملاك : وينج
سمر : مادري شفت عندج احد قعدت تحت
ملاك : لا هذا مشعل اي صج
سمر : شنوووو
ملاك : الساعة جم الحين
سمر : 8
ملاك : بدق على احمد
سمر : وييييه شخباري يالله دقي عليه الحين يحاتي
ملاك : اوكي لحظه
دقت ::::
ملاك : الوو
احمد : ملووووووووك اشفيج وينج ليش ما تردين
ملاك : احمد انا بالمستشفى
احمد : مستشفى ليش ..؟؟
ملاك : حاشتني سكته قلبية بس لا تحاتي الحين انا بخير
احمد : اي خير صوتج ما يبين الخير
ملاك : لا احمد لا تحاتي انا بخير
احمد : انتي بأي مستشفى
ملاك : ليش ؟
احمد : بشوفج ملاك
ملاك : لا احمد اهلي اخاف يشوفونك
احمد : بس شوي ما اطول
ملاك : انزين احمد ابسرعة لا تطول لأن اخاف احد ايي
احمد : اوكي خمس دقايق اتطمن عليج و امشي
ملاك : اوكي
بعد فترة قصيرة وصل احمد
احمد و هو يطق الباب : ملاك ؟؟
سمر: تفضل
احمد دخل و بصدمة قال : ملاك ؟؟
**شنو ردة فعل ملاك لما شافت احمد **
~Queen_sense~
23-07-2008, 08:06:51 PM
الجزء العشرون
ملاك و الدمعة بعيونها : احمد تغيرت واااايد
احمد و هو يقرب منها : مشتاقلج ملاك .. مشتاقلج وايد
ملاك عيونها بتدمع : و الله حتى انا
احمد : و الله لما اخذج راح اعوضج على كل دمعة نزلت منج
ملاك : اي بس امل انك تاخذني ضعيف حيل حيل
احمد : لا تخافين انتي لما اتطلعين بالسلامة على طول راح اخطبج من ابوج و انشاء الله يوافق
ملاك : احمد احبك
احمد : يا حلو هالكلمة منج
ملاك : انا راح اطلع بهاليومين بس ماراح ارد عند ابوي
احمد : ليش ؟؟
ملاك : ابوي يعذبني صرت اخاف منه
احمد : اوكي انا الحين بمشي و بروح اسأل الدكتور متى تطلعين عشان تقولين حق الأهل يجهزون نفسهم يا عمري
ملاك : اوكي دير بالك على ......
يقاطعها احمد : نفسك و لا تسرع و سوق عدل صح
ملاك : هههههههه اي
احمد : اسمعها منج هني و من امي بالبيت يلا مع السلامة
ملاك : مع السلامة
احمد طلع منها مستانس راح سأل الدكتور و طمنه ان حالتها مستقرة و تقدر تطلع
في بيت احمد :
احمد توه داش البيت
ام احمد : احمدوووو انت وينك من الصبح
احمد : هلا و الله هلا بأم احمد الغالية هلا بالطش و الرش و ماي الورد المرشرش
ام احمد : اي قص علي بهالكلام وين كنت
احمد : امممممممممــ؟؟ يما انا جم عمري
ام احمد : حتى لو عمرك الف بتظل بنظري ياهل
احمد : بنظرج مو بالدنيا
ام احمد : انزين متى بتتزوج
احمد : قريب وايد قريب
ام احمد : كلللللللووووووووووووووووووش
احمد : توة الناس
ام احمد : خلني افرح فيك
احمد : اوكي انا بروح انام الحين
ام احمد : نوم العوافي
احمد صعد غرفته و قعد يتذكر لما شاف ملاك اول مرة و لما شافها ثاني مرة و لما كانت نايمة بالمستشفى و حس ان ملاك قلبت حياته و اسعدته
احمد : اااااااااه ملاك لو ما تكونين من نصيبي شبيصير بحالي انا لازم اكلم ابوها عشان انخطبها لأني لو ما تزوجتج يمكن اين لا لا يمكن اموووت ملاك احبج احبج و الله احبج انا ليش ما ادق عليها و ارتاح و اريحها واسولف معاها اونسها
مسك التلفون و راح بيدق بأخير رقم دقت عليه منه
احمد : الوو
ملاك : احمد ؟؟
احمد : اي اشفيج مستغربة
ملاك : لا عادي بس صارلي مدة مو مكلمتك بالتلفون
احمد : المهم شلونج الحين
ملاك : الحمدالله احسن بوايد من قبل
احمد : اكيد لما شفتيني صرتي احسن
ملاك : هههههههههه تصدق عاد صج
احمد : بعد عمري و الله احبج
ملاك : انا احبك اكثر
احمد : لا ما اعتقد انا اكثر
ملاك : اشكثر
احمد : امممممــ تعرفين البحر ؟؟
ملاك : اي احد ما يعرف البحر
احمد : انا احبج اكثر من حجم البحر
ملاك : امممممــ تعرف الرمل
احمد : اي
ملاك : انا احبك عدد حبات الرمل بالدنيا كلها
احمد : اهاااااااا خلاص انتي اكثر
ملاك : شفت ههههههههههههه
احمد : الله يدوم هالضحكة
ملاك : دامت ايامك
احمد : معاج
ملاك : انشاء الله
احمد : ملوك تدرين انا اذا ما اخذت شبيصير فيني
ملاك : شبيصير ؟؟
احمد : يمكن اصير مينون او انتحر او بتصير حياتي حجيم
ملاك : مي تو
احمد : انزين الدكتور قال تقدرين باجر تطلعين
ملاك : صصصصصج
احمد : اي
ملاك : الله وناسة بروح حق يدتي اشتقتلها مووووت
احمد : و انا ؟؟
ملاك : انت اشفيك
احمد : ما شتقتيلي
ملاك : اذا قلت تصدقني
احمد : اكيييييييييد
ملاك : مع أني توني شايفتك بس احس ان كأني مو شايفتك من شهر لا اكثر
احمد : بس انا ما اشتقتلج
ملاك : اوكي
احمد : لا بس جذي اتغشمر انا حتى لو كنت شايفج من ثواني اشتاقلج
ملاك : اهااااا اصلا انا ما زعلت لما قلت جذي
احمد : اي صح واضح
ملاك : هههههههههه
احمد : شفتي انا اعرفج عدل ما تقدرين تخشين عني شي
ملاك : انزين حياتي انا يايتلي مرت ابوي بعدين اكلمك
احمد : ديري بالج على نفسج
ملاك : اوكي باي
صكته
~Queen_sense~
23-07-2008, 08:08:44 PM
الجزء الواحد و العشرون
ملاك : قوة خالتي تفضلي
ناهد : ها قاعدة بروحج مو ملل
ملاك : لا عادي كنت اكلم بنت خالتي
ناهد : اوكي يبت لج ورق عنب ادري انج تحبينه
ملاك : اشدراج
ناهد : مصادري الخاصة
ملاك : سمر
ناهد : اي صح عرفتيها هههههه
ملاك : هههههههه وين عبدالعزيز
ناهد : بالطريج
ملاك : خالتي ترا انا بطلع باجر و بروح بيت خالتي
ناهد : اي صج ذكرتيني ابوج قالي اقولج روحي قعدي عندهم جم يوم
ملاك : صج اشوه عبالي راح يروحلي هناك و يقصبني ارجع
ناهد : لا لا تخافين بيخليج
ملاك : مابي اظل جم يوم ابي اعيش عندهم
ناهد : والله مادري عن ابوج
ملاك : ............
ناهد : ملاك انا بغيت اسألج سؤال
ملاك : تفضلي
ناهد : انتي تحبين ابوج
ملاك : الصراحة اهو ابوي انا احبه بس اللي سواه فينا مو شوية و اللي سواه فيني هم مو شوية انا مابي ابتعد عن المكان اللي تربيت فيه و اللي عشت فيه و اللي امي توفت فيه
ناهد : الصراحة انا مابي اتدخل بينج و بين ابوج و بخليج على راحتج
ملاك : تصدقين لما ابوي قالي انه بياخذني عندكم كنت اتخيلكم مو زينين يعني بتعذبوني عشان جذي كنت رافضة ايي عندكم بس لما قعدت معاكم انتي و سمر و عبد العزيز حسيت ان طيبة الدنيا كلها فيكم و ان ابوي اهو اللي راح يعذبني من جذي انا مابي ارد الحين بس لو البيت فيه بس انتو شان استانست .. الصراحة ابوي معقد شنو هذا ما اسوق و لا اروح الجامعة و لا اطلع و لا يكون عندي تلفون ولا اكلم رفيجاتي و الطلعة بالسنة مرة و لا فوق كل هذا يزوج بناته من عيال عمهم انزين اذا ما يبون شلون يعني و انزين عبدالعزيز اذا ما يبي وحدة من بنات عمامه شلون يعني جذي
ناهد : ابوه قايله اذا ماتزوج بنت عمه راح يحرمه من حقه و ماراح يخليه يشتغل بالشركة
ملاك : في اشياء اهم من الفلوس و التقاليد في الحب التفاهم الصداقة المحبة الود
ناهد : بس ابوج ما يعترف بهالسوالف
ملاك : مايصير جذي
ناهد : المهم الحين يالله تعشي
ملاك : وين رايحة
ناهد : بروح اييب قهوة من تحت ما تبين
ملاك : لا اي صج مشكورة على الورق عنب
ناهد : العفو
طلعت ناهد و ملاك قعدت تاكل و لما رجعت لها ناهد قعدت تجهز الاغراض عشان تطلع باجر
** اليوم اللي راه الساعة 11 الصبح **
( بخاطري انا اسألك من اكون بالنسبة تملك حياتي كلها و بقلبك انا شمتلك ) << تلفون ملاك يرن
ملاك بصوت نايم : الووو
احمد : ملوووووك انتي لين الحين نايمة قومي يالله
ملاك و هي دايخة : ليش
احمد : اليوم بتطلعين
ملاك : اوكي انام شوي و اقعد
احمد : لاااا لاااا الحين قومي
ملاك : احمد الله يخليك بنام
احمد : انزين خلاص نامي شوي و قومي
نامت و لما صارت الساعة 1
يرن تلفون ملاك
ملاك : احمد دوختني خلني انام
احمد : ماصارت نوم
ملاك : شوي بس شوي
احمد : لا يالله الحين قومي يالله قومي
ملاك : انزين انزين كاني قمت
احمد : يالله عيل بااي
ملاك : بااي
صكته و ردت كملت نومتها و بعد ثواني
يرن تلفون ملاك : الوووو
احمد : ما قمتي هاا ؟؟
ملاك : احمدو يووووز عني بنام
احمد : ملووك يالله قومي
ملاك : احمد خلاص ترا الحين بحطه صامت و انام
احمد : انزين خلاص نامي
ملاك : زعلت ؟؟
احمد : اي
ملاك : انزين لما اقعد من النوم اراضيك يالله باااااااي
احمد : ملوووووك الووو الووو
ملاك صكته و كملت نومتها و ما قعدت الا الساعة 3 و ابسرعة مسكت التلفون بتدق عليه
ملاك : الووو
احمد : صباح الخير توة الناس شان كملتي نومج الساعة 3 الحين ترا و انا من الصبح اقعدج و انتي حضرتج جم مرة صكيتيه بويهي كل هذا نوم ؟؟
ملاك : ويييييييييه اسفة
احمد : مارضيت يلا راضيني
ملاك : اسفة سوري اوعدك ما اعيدها
احمد : مارضيت
ملاك : احمد عمري حياتي قلبي دنيتي كلها انت اسفة
احمد : خلاص افكر ارضى عليج
ملاك : لاااااااااااا خلاص فكر و بعدين دق علي
احمد : و انتي مصدقة اني ممكن ازعل منج
ملاك : اشدراني عنك
احمد : انزين يلا جهزي اغراضج و روحي البيت
ملاك : اروح البيت على حماري يعني ؟؟
احمد : افااااا عليج تركبين حمار و انا موجود
ملاك : مشكور شروف و مشعل بيمروني
احمد : نعم نعم منو هذا مشعل
ملاك : هذا ولد خالتي
احمد : عيونج اوكي
ملاك : تامر امر يالله تبي شي
احمد : لا مع السلامة
ملاك : مع السلامة
صكت ملاك التلفون و بعد ما جهزت اغراضها يت شريفة معاها مشعل
ملاك : توه الناس ,, يالله يالله امشوا بروح البيت
شريفة : اشفيج انتي هدي هدي
ملاك : شأهدي يالله بنروح البيت و لا ترا اروح بيتنا اقعد بروحي
شريفة : شوي شوي
ملاك : يالله يالله يالله ماكو وقت
مشعل : ملوووووك اششششششش
ملاك : لا يما خفت
مشعل : اشششششششششش
ملاك : اشفيك انت
مشعل : اشششششششش
ملاك : انزين يالله
مشعل : يالله امشي وراي مادري جدامي كيفج
ملاك : يا اخوي العزيز ladies first
مشعل : انا مو قلت اشششششششششش و لا كلمة
ملاك : انزين خلاص ها سكتنا
مشعل : يالله امشي
شريفة ميتة ضحك عليهم لأن مشعل كان يسوي روحه جاد و مولايق عليه
شريفة : مشعل قول اخر نكته
مشعل كان شكله جد لما سمع اخر نكته : اوووووو اخر نكته حصرية
ملاك : اشششششششش ههههههه يالله امشوا بالسيارة قولها ههههههههه
ركبوا كلهم السيارة و وصلو البيت و لما دخلت ملاك
~Queen_sense~
23-07-2008, 08:09:33 PM
الجزء الثاني و العشرون
ملاك : يمه
يدة ملاك : حبيبتي ملاااااك تعالي خأحضنج
ملاك و اهي تقرب منها : اشتقتلج موووووووت
يدة ملاك : حبيبتي شلونج شخبارج
ملاك : بخير بس مشتاقة لطباخج الحلو
يدة ملاك : و الله سويت لج كل الاكل اللي تحبينه
ملاك : اوكي بروح ابدل و اتسبح و ارد اتغدى
يدة ملاك : اي يالله روحي على ما اجهز الغدا
ملاك : اوكي
راحت ملاك للغرفة اللي كانو مسوينها لها
شان يرن تلفونها
ملاك : الووو
احمد : وصلتي
ملاك : اي انا بغرفتي الحين
احمد : عيل نييكم اليوم
ملاك : ليش تيوون
احمد : عشان نخطبج
ملاك : احرجتني الصراحة مادري قول حق امك تدق على يدتي
احمد : اي اصلن امي ناطرتني الحين عشان تدق
ملاك : امك اشرايها بالموضوع
احمد : من كثر ما اكلمها عنج تحمست اكثر مني
ملاك : فشلة
احمد : ليش ؟؟
ملاك : مادري بس مو جنه فشلة
احمد : لا مو فشلة و لا شي انا بروح اقول حق امي
ملاك : اوكي باي
صكته دشت الحمام تسبحت و بدلت و طلعت عالصالة
يدة ملاك : تونا حاطين الغدا يالله تعالي
مشعل : مايصير جذي انا اغار مايصير
يدة ملاك : على شنو تغار
مشعل : ليش مهتمة بملاك اكثر مني ؟؟
يدة مشعل : هههههههههههه انت ياهل
مشعل : انا بسكت الحين عشان يوعان بس بعدين نتحاسب
يدة مشعل : لا مشعل خفت الصراحة
مشعل : لا و الله مابي اتغدى خلاص
ملاك : لا لا يمه مالج حق تجرحين مشاعر مشعل
مشعل : اي هذي الاخت اللي تدافع عن اخوها مو انتي شرفوو ما تدرين عني
شريفة : شالسالفة ؟؟
مشعل : لا شرفوو لا شي
شريفة : اقول بدال الهذرة الزايدة قوم تغدى احسن لك
تغدوا كلهم و هم يضحكون و لما خلصوا الغدا شان يرن تلفون البيت ملاك قلبها قام يطقطق و ويهها صار اصفر
~Queen_sense~
23-07-2008, 08:10:21 PM
الجزء الثالث و العشرين
يدة ملاك : الوووو
ام احمد : الووو السلام عليكم هذا بيت حنان<< حنان قصدها يدة ملاك
يدة ملاك : اي نعم منو معاي
ام احمد : تقدرين تقولينلي ام احمد الصراحة انا بغيت ازوركم يوم و بكلمج بموضوع
يدة ملاك : انشاء الله خير
ام احمد : لا خير بأذن الله بس انتو حددوا الوقت
يدة ملاك : و الله مادري انتي حددي
ام احمد : احنا مستعيلين الصراحة انزين اليوم الساعة 8 جاهزين
يدة ملاك : انشاء الله
ام احمد : خلاص عيل الساعة 8 تلقيننا عند الباب يالله مع السلامة
صكته يدة ملاك
مشعل : منووووو
يدة ملاك : و الله مادري وحدة تقول اليوم بيمرونا اليوم
مشعل : ليش ؟؟
يدة ملاك : مادري بس لا تطلع
مشعل بصوت خفيف : وين اطلع ماكو وحدة اطلع اشوفها
يدة مشعل : انت شتقول
مشعل: اقول ماراح اطلع اليوم
يدة مشعل : اي عبالي
مشعل بصوت خفيف : اعلمج انتي بس خيصير اللي في بالي
يدة مشعل : هاااا شنو اللي في بالك
مشعل : لا يما ولا شي انا بروح غرفتي
ملاك : اي حتى انا بروح
راحت ملاك غرفتها و دقت على احمد : الوووو
احمد : اخيرا بتكونين لي
ملاك : امك اللي كانت داقة قبل شوي
احمد : اي
ملاك : امبيه ما تتصور شلون قلبي وقف
احمد : ليش
ملاك : اشرايك يعني ؟؟
احمد : مادري المهم ترا اليوم بنكون هني انا و امي و ابوي الساعة 8
ملاك : 8 ؟؟
احمد : اي
ملاك : مايمديني
احمد : شنوو
ملاك : امبيه مبجر
احمد : يالله يالله روحي كشخي
ملاك : الساعة جم الحين
احمد : قريب الـ6
ملاك : هييييييي باقي ساعتين
احمد : اي اشوه مابقى شي
ملاك : انا بصكه الحين ما اقدر اكلمك
احمد : ليش
ملاك : عندي اعمال
احمد : اعمال اهاااااااااا يالله كلها جم ساعة و انشوف بعدها
ملاك اخترعت و انخبصت : يالله بااي بااي
صكته و راحت حق شريفة قالتلها السالفة
شريفة : الله وناسة
ملاك : شنو
شريفة : بتنخطبين وااااي وناسة
ملاك : عاد بقوله اني اكمل دراستي
شريفة : احمد متطور مو متخلف و كوووول و متفهم ما اعتقد يرفض
ملاك : لحظه جنج قاعدة تمدحينه زيادة عن اللزوم
شريفة : اوووه عاد هذي الحين عبالها قاعدة اتغزل فيه
ملاك : لا عيل كلمات (( مو متخلف كوووول متطور و متفهم )) هذا شنو
شريفة : انزين خلاص سحبتها قولي شنو بتلبسين
ملاك : قررت البس هالبدلة شوفي
شريفة : اي بس ليش اسود
ملاك : نسيتي ان امي توها متوفية
شريفة : اي اوكي هم حلوة لا انتي اللي تحلينها
ملاك : ههههه
شريفة : اوكي بس لا تحطين مكياج وااايد
ملاك : ماراح احط مكياج
شريفة : كلش ؟
ملاك : كلش كلش
شريفة : ليش ؟
ملاك : و امي ؟
شريفة : اهااا اوكي خلاص روحي جذي بطبيعتج احلى
ملاك : تسلمين عيونج احلى
شريفة : الساعة جم الحين
ملاك : ويييييييه امبيه مايمدي
شريفة : ما يمدي شنو
ملاك : شوشوه بليييز دقي على فطوم
شريفة : خلاص روحي جهزي كل شي و انا ادق على فطوم
ملاك : اوكي
نزلت ملاك لغرفتها و كوت البدلة اوتي و ضبطتها و ضبطت الحلويات و العصير و فاطمة يت ساعدتهم بالشغل اما يدة ملاك و مشعل مو عارفين شي عالسالفة
صارت الساعة 8 .....
** هل راح تتم الخطبة على خير و لا بيكون في شي يخربها ؟
القاكم بالجزء الياي 24
~Queen_sense~
23-07-2008, 08:11:21 PM
جزء الرابع و العشرين
ملاك : امبيه فطوم شروف الساعة 8
شريفة : هدي هدي
فاطمة : اذا بتتوترين بتكبين العصير كله عليهم
ملاك : امبيه شسوي
فاطمة : اشششششش ريلاكس
ملاك : فطوم بذمتج شعري حلو , بدلتي مرتبة
فاطمة : يبا قمر قمر
تررررررررررررررن << صوت الجرس
ملاك : لاااااااااا امبيه
شريفة : بروح افتح الباب
ملاك : لا لا خليهم اخاف
شريفة : هههههههه فطوم هديها بروح افتح
ملاك : امبيه
فاطمة : ملوك هدي شوي مافي شي ترا الموضوع سهل دخلي حطي العصير و طلعي
ملاك : بس
فاطمة : اي بس
ملاك : اوكي سهلتي علي الموضوع الحين نفسيتي ارتاحت
فاطمة : اوكي شوفي دخلو
ملاك : هيييي امبيه هذا احمد
فاطمة : وااااااااااااااااااااااااااااااي اينن
ملاك : احم احم اكيد لأنه حبيبي هههههههههـ
بالصالة :
يدة ملاك : هلا و غلا توه مانور
ام احمد : منور بأهله مشكورة
يدة ملاك : تفضلو قعدو
ام احمد : شكرا
احمد كان يلف يمين سيار يدور ملاك بس مالقاها
بالغرفة :
فاطمة : ملاكو شوفي يدورج
ملاك : فديته حبيبي
فاطمة : اقول روحي المطبخ و ودي لهم العصير احسن
ملاك : لحظه لما تقول امه
فاطمة : بــعد امنظمة الموعد
ملاك : من عاشر قوما ,, طالعة عليج يالمنظمة
فاطمة : هههههههه انزين يلا اششش خنسمع
بالصالة :
ام احمد : انا بدش بالموضوع بدون مقدمات الصراحة احنا يايين انخطب حفيدتج ملاك حق ولدي احمد
يدة ملاك انصدمت : ملاك ؟؟ و الله الصراحة فاجئتوني بالخبر
ام احمد ماتبي تفضح ملاك : اي الصراحة انا شفت ملاك بعرس و اعجبتني
يدة ملاك : و الله مادري يعني ......
ام احمد : بوفر عليج الكلام و اعرفج عن ولدي ..
احمد يقاطعها : اسمي احمد -------- ادرس هندسة نفط اخير كورس امي وصفتلي ملاك و الصراحة حسيت ان اهي البنت المناسبة لي
بالغرفة :
فاطمة : ملوووك وقته الحين ابسرعة ودي العصير
ملاك : اوكي شكلي حلو
فاطمة : تهبلين يالله
ملاك : ثانكس يلا ادعيلي
فاطمة : يالله ادعيلج روحي
ملاك طلعت من الغرفة و محد شافها راحت المطبخ لقت العصير جاهز و خذت نفس و دشت الصالة
ملاك بخجل : السلام عليكم
احمد و امه وقفوا و طبعا احمد قلبه وقف : و عليكم السلام
ام احمد : ماشاء الله عليها صج ملاك
يدة ملاك : مشكورة
ملاك وزعت العصير و طلعت و ويهها احـــــــــــمــــــــــــــــــــــر بمعنى الكلمة دشت الغرفة
فاطمة : امبيه ملاك شوفي ويهج
ملاك منصدمة : لاااااااا
فاطمة : شنو لأ
ملاك : امبيه مو مصدقة مادري شسوي جيسي قلبي
فاطمة : ملاك امبيه قلبج يرقص ههههههههههههههههه
ملاك : فطوووم مو قاعدة اتغشمر انصدمت
فاطمة : ليش
ملاك : اشرايج يعني
فاطمة : اششششش خنسمع
بالصالة :
ام احمد : ها متى تردون لنا خبر
يدة ملاك : و الله مادري بس خنشاور البنت و ابوها وانرد لكم خبر
احمد انخبص لما سمع (( ابوها )) : خلاص عيل عندكم رقم البيت اذا فكرتوا عطونا خبر
ام احمد : احنا الحين بنمشي
يدة ملاك : وين .. خليكم تعشوا معانا
ام احمد : لا بس بعد طولنا
مشعل : حياكم الله
طلعوا و يدة ملاك و مشعل و شريفة راحو لملاك
ملاك : شصاير ؟
يدة ملاك : اعتقد سمعتي اللي صار و احنا ....
يقاطعها مشعل : نبي نسمع رايج
يدة ملاك : يالله اشرايج
ملاك : انا ما لي شور غير شوركم و رايي من رايكم
مشعل : انا من رأيي ان خوش ولد صرنا ربع
يدة ملاك : و امه خوش وحدة ها اشرايج
ملاك نزلت راسها
شريفة : السكوت علامة الرضا الف مبروووك
يدة ملاك : لحظه لازم انشاور ابوج
ملاك رفعت راسها و منصدمة : ابووووووي ؟؟ .....
**شنو ردة فعل ملاك ؟ و شنو بيكون موقف ابوها ؟؟
~Queen_sense~
23-07-2008, 08:12:34 PM
الجزء الخامس و العشرون
مشعل : اي ملاك حتى برغم الخلافات لازم انقوله مهما يكون هذا ابوج
ملاك تدري ان ابوها ماراح يوافق : يعني لازم انقوله
يدة ملاك : لا تحاتين انا الحين بكلمه
رفعت التلفون و دقت
يدة ملاك : الووووو
ابو ملاك : هلا منو
يدة ملاك : انا يدة ملاك
ابو ملاك : اشبغيتي
يدة ملاك : انا بس حبيت اقولك ان ملاك تقدم لها خوش واحد
ابو ملاك يقاطعها : شنوووو انا مو موافق
يدة ملاك : ليييش ؟؟ حرام عليك تهدم حياة بنتك .. الريال خوش واحد
ابو ملاك : انا الحين يايكم لأن انتو مو بكيفكم تزوجون بنتي
يدة ملاك : يصير خير مع السلامة
مالقت رد لأن ابو ملاك سكر التلفون
و عقب 10 دقايق سمعوا صوت جرس
ملاك بتبجي : ابووووي امبيه ابوووي يالنا مابي اشوفه
يدة ملاك : هدي انا الحين اتفاهم معاه
ملاك : يارب يارب
شريفة راحت افتحت الباب : تفضل
ابو ملاك يدز شريفة عن طريجة : وخري عني وين ملاكوو ,, ملااااااااااااااااااااااكووو
ملاك طلعت و بخوف : نعم
ابو ملاك : تعالي معاي انتي مالج قعدة هني
ملاك و اهي تبجي : لا يبا عفية مابي اردلك يبا عفية ,, يمه عفية لا تخلينه ياخذني
يدة ملاك : بو ملاك هد اعصابك خنتفاهم
ابو ملاك و هو يجر ملاك من ايدها : مالي شغل بأحد تعالي معاي
ملاك : لا فاطمة شريفة مشعل يمه لا تخلوني اروح معاه ,, هد ايدي عفية مابيك مابي اروح معاك
ابو ملاك : و لا كلمة بتروحين معاي و ريلج فوق راسج
ملاك : لااا يبا لااااا عفية مابي اروح يبا
مشعل : يا بو ملاك البنت ماتبي تيي معاك خلها عندنا احسن
ابو ملاك : اخليها عندكم عشان تخربون عقلها
فاطمة قصب ماسكه اعصابها : ملااك مو ياهل عشان انخرب مخها
ابو ملاك : وخروا عني
سحب ملاك و طلعها من البيت و اهي تبجي : لاااااااااااااا يبا لااااااااااااا
ابوها ما اهتم لتوسلاتها و دخلها السيارة و وداها البيت
فاطمة و اهي تبجي : لا حرام عليه ليش يسوي جذي
مشعل : المشكلة ان ما انقدر نمنعه
شريفة : و الله حرام عليه الله بيعاقبه عاللي قاعد يسويه
يدة ملاك : اخاف يصير فيها شي
في بيت ابو ملاك
ابو ملاك : دخلي لا بارك الله فيج
ناهد : خير يا بو عبدالعزيز اشصاير
ابو ملاك : الهانم تبي تقعد هناك اكثر عشان يزوجونها من غير شوري
ناهد و ملاك كاسرة خاطرها : انزين خلها الحين حرام عليك تعورها
ملاك ركضت لناهد : عفية خالتي قوليلي يردني عندهم
ناهد : يا بو ملاك حرام عليك خاف الله فيها
ابو ملاك : محد له شغل بتربية بنتي انا الوحيد اللي اعرف مصلحتها وديها فوق
ملاك و اهو تروح لأبوها : ابوس ريولك يبا لا تخليني فوق راضية بأي مكان بس مو هناك
ابو ملاك : يكون بعلمج باجر ملجتج على فواز ولد عمج
ملاك تصارخ : لااااا يباا لا ما أبيه لا لاااااااااااا يارب ودني لأمي يارب
او ملاك : يلا انقلعي عن ويهي و حمدي ربج بأخليج تروحين لغرفتج
ملاك : يبا حرام عليك مابي ولد عمي ماأبيه ماااااااااااااااااااااااااا أبيه
ناهد خافت على ملاك يصير فيها شي : بسـ ملاك امشي معاي غرفتج
صعدتها غرفتها و دخلتها داخل هدتها و طلعت بعدها دخلت سمر
سمر : ملاك لا تبجين قطعتي قلبي
ملاك : شلون ما ابجي ابوي بيزوجني قصبا عني لواحد انا ما احبه حرمني من حب حياتي
سمر : الله يسامحه على اللي قاعد يسويه هونيها و تهون ملاك
ملاك ببجي و صراخ و خوف : يقولي ملجتي باجر سمر باجر بتكون نهاية احلامي و نهاية طموحي و نهاية حبي و حياتي
سمر : خليها عالله انا بخليج ترتاحين الحين مع السلامة
ملاك قعدت تبجي من الساعة 9 بليل لييييييييييه الساعة 8 الصبح
ابو ملاك دخل على ملاك بالقوة : تجهزي اليوم ملجتج
ملاك و اهي تبجي : لا يبا لا عفية مابي ولد عمي ما ابيه موافقة اظل طول عمري مو متزوجة بس ما ابيه ما ابيه انزين ردني بيت يدتي بس لا تزوجني ولد عمي
ابو ملاك : اقول بلا هذرة زايدة اليوم عقب صلاة المغرب نملج عليج و تروحين بيت ريلج
ملاك : لا يبا انت تبي تموتني عفية يبا ابوس ريولك ابوس ايدك ما ابيه ما ابيه حرام عليك
ابو ملاك : بتاخذينه رضيتي و لا انرضيتي
ملاك : لا يبا حرام عليك
ابو ملاك : تجهزي يالله خلصينا
طلع ابو ملاك و خلى ملاك بروحها تصارع الحزن و الالم و الظيم
مر الوقت ابسرعة و صارت الساعة 7.30
ناهد : ملاك ابوج يقول تجهزي
ملاك : خالتي انا ما ابيه ما ابيه اتزوجه
ناهد : ملاك و الله انا ادري بحالج بس هذي اوامر ابوج
ملاك شافت نفسها مجبورة تروح لهم تحت لبست عباية و نزلت
الملاج : بس الحين ناقصنا موافقة العروسة
ابو ملاك : الحين اناديها لكم
ابو ملاك صعد فوق و لقى ملاك قاعدة بالصالة مالتهم
ابوملاك : يالله نزلي تحت
ملاك و اهي تنزل : الله ينتقم لي منك يالظالم الله ينتقملي منك
نزلت تحت و قالت انها موافقة لان ابوها كان مهددها و صعدت تبجي حيل حيل
ابوها دخل عليها : مبروك عليج الحين فواز ناطرج تحت عشان تقررون وين بتروحون
ملاك : انت عمرك ما عرفت الحنان و لا عمرك راح تعرفه
ابو ملاك : خلصينا يلا نزلي
ملاك : انا راح انزل مقصوبة
ابو ملاك : يالله يالله خلصينا
نزلت ملاك و راحت حق فواز و قعدت بالقنفة المجابلة لها و اثنينهم مو مشتهين بعض
ملاك : السلام عليكم
فواز : هلا وعليكم السلام
** بعد صمت **
فواز : تحبين انروح نتعشى برا و لا انروح على طول بيتنا
ملاك ارتبكت و خافت لأنها مو متوقعة نفسها متزوجة من غير احمد : ها لا لا خنقعد هن